Hnuz xiêz 9/10, pos Tòng thị Phóng, Uỷ viên Bộ chính trị, phó chủ tịch Thường trực Quốc Hội thiêz đoanx đại biểu Quốc hội tỉnh Sơn la tưz muôx jiês njz cử tri Phươngx Quyết Thắng, đrôngl Sơn la, uô ntêx hâur jiês cơưv tiv 6, Quốc Hội khoá 14. Hêik ntơưv hội nghị, Pos Tòng Thị Phóng cux muôx luk kruôk txos hâu nov Phươngx Quyết Thắng  cxuô luôs hâux lưv uô tâu tiêr hâur ntu đhâu. Đros ntơư, Pos Tòng thị Phóng thiêz hâu nov tỉnh, hâu nov thành phố cux têz cử tri têx luk nus thiêz sâu jênhv cử tri têx luk hêik chiê hêik trâu cxuô cấp hâu nov thênhv siêz chiê uô cov huv đros, muôx liv trâu sđ./.

                                                          (Tsu cxêik nhênhv-KT)

Txos nhiv no, tỉnh Lào Cai tưz paz txưv nhiêx txiêx por hưv tỉnh li 27 têx xiv huv nto bê jông thiêz 30 xiv huv tsênhv hâur tỉnh. Xiv huv tâu paz txưv por hưv puôr lênhx zos têx xiv huv nto bê zos pox nhuôs nôngx mênhx tiv phaz uô tâu li: jiz mur Thanh Xuân ( Bảo Yên), txir khơưz Bắc Hà, yuôx zêx Sha Bắc Hà, tâuz zax Sa Pa, cuô txoz Mường Khương...Têx xiv huv tâu por hưv yênhx hax huv tâu chôngz lênhx nênhs pâuz txos, tâu muôv muôs sâuv niêv ciêz, tsiv grê xiv huv tâu muôz siêz. Pos Phạm Thị Hồng Loan, Giám đốc Sở khoa học thiêz Công nghệ tỉnh Lào Cai puz pâuz:

“ Pêz tưz heik trâu tỉnh tso tơưv cui tênhv lok sở hữu trí tuệ; cxiv tsa dự án paz txưv huôv tsar têx xiv huv sâuv thax tsav tỉnh Lào Cai. Đrâuv co, đrâuv nhiêx txiêx paz txưv cxiv tsa bê xiv huv, pêz cux yax six heik trâu tỉnh heik Bộ khoa học thiêz công nghệ chiê Bộ paz txưv cxiv tsa bê iz cxiê xiv huv nto bê nhoz Lào Cai”./.

(An Kiên- Txâur Vax cxeik nhênhv)

Thâuv 11 six ntâu, zar tar su, hnuz xiêz 9/10, zơưv Nguyễn Hà Kiên, nhoz jos 3, huyện Pú Trạng, Thị xã Nghĩa Lộ, tỉnh Yên Bái, nưs iz lênhx gra iz traz triêv njê hâu ntêr muôx iz đok ntâu, ntiv hâur hnaz, muk txos trâu tsêr cơưv kriê mê nhuôv zâu Hoa Lan, nhoz thax tsav jos 3, Phươngx Trung Tâm chiê tok tus mê nhuôv nxêik, zos Nguyễn Hà Châu A cơưv hâur tsêr cơưv no.  Thâuv muk txos trâu tsêr cơưv, zơưv Kiên muk trâu hâur tsêr lớp C thiêz puôs tus mê nhuôv Lương Thị thu H, Kiên hêik trâu cưk kriê tiêk, Thu zos Kiên tus mê nhuôv. Đhâu ntơư, cưk kriê thiêz lênhx nênhs jos tsêr cơưv tưz tir thêir tsik chiê Kiên chox tus mê nhuôv Thu co muk. Thâuv co, tus nênhs jor tsêr cơưv zos Vũ Bá Hệ thiêx muôz zơưv Kiên ntêk cxov tuôr truôx. Đhâu ntơư, zơưv Kiên thiêx muôz traz triêv gra đros hâur hnaz gâus ciês zơưv Hệ plaz, đhâu co zơưv Kiên gra triêv tso têk khiêr.

Txêik tâu mông, công an thị xã Nghĩa Lộ thiêx tsưr tsix tuôx qênhz yuôx thiêz tso chêi ntêk cxov zênhx max zơưv Nguyễn Hà Kiên. Nhiv no công an tsênhv taz tov qênhz yuôx cov tsênhz mênhx chiê muôz zơưv Nguyễn Hà Kiên tik cêr cxâuv cov zos đrêiv chêi têz qơưs tso tơưv./.

                                                           (Tsu cxêi nhênhv-BTS)

Thâuv 9 six tas cik hnuz xiêz 9/10, ntơưv tsêr cơưv mê nhuôs zâu jos Xôm, xã Nà Tấu, huyện Điện Biên, tỉnh Điện Biên muôx yưv iz txuz mê nhuôs trâus tuôs thâuv ntos hâur tsêr cơưv li qar puôv. Lơưr têx cưk kriê nhoz tsêr cơưv jos Xôm, six hơưv co zos six hơưv so, têx cưk kriê pov tul mê nhuôs co ntos jê tul njưk tso đêx. Ciês thâuv co têx cưk kriê tưz chox tul mê nhuôv co mul chơưv kho. Bác sĩ Lò Văn Thưởng, tsar phongx seiz njuôs đa khoa thax tsav Nà Tấu, nhoz Tsênhv qơư y tế huyện Điện Biên puz pâuz: Taz viv jênhv lênhx mê nhuôs co thâuv 9 six 30 phênhz, thâuv co tsuôk pov sâuv mê nhuôs flu o mê njik. Taz sik mnôngs plơưr mak xav tênhv tsi jông. Têx bác sĩ tưz ciêr chênhr chơưv kho taz sik chơưv tsi tâu. Lơưr chuôz zis, lênhx mê nhuôs co khênhr trâus lôngx. Nhiv no têx lưx lươngv muôx txơưx jênhv tsênhv tror seiz car thiêz qênhz yuôx uô tsênhz mênhx hâux lưv pôngz siêz no./.

(Vũ Lợi- Txâur Vax cxeik nhênhv)