Tas cik hnuz xiêz 9/11, jiês cơưv tiv 15-HĐND tỉnh Lào Cai khóa 15,  ntu 2016-2021 tưz thôngz đhâu Nghị quyết xav jênhv luôs hâux lưv bâux xeir Chủ tịch Ủy ban tỉnh. 100% lênhx đại biểu đros bâux xeir, zơưv Trịnh Xuân Trường, Phưv Bí thư Tỉnh ủy, Phưv Chủ tịch Ủy ban tỉnh Lào Cai tâu bâux uô Chủ tịch Ủy ban tỉnh Lào Cai khóa 15. Đros ntơư, zơưv Đặng Xuân Phong, Bí thư Tỉnh ủy, uô Chủ tịch HĐND tỉnh Lào Cai; zơưv Vũ Văn Cài, Lý Bình Minh uô phưv Chủ tịch HĐND tỉnh Lào Cai; zơưv Nguyễn Trọng Hài uô phưv Chủ tịch Ủy ban tỉnh Lào Cai.

Jiês cơưv cux thôngz đhâu Nghị quyết tso tsês tsi zuôr uô Chủ tịch Ủy ban tỉnh, Chủ tịch, phưv Chủ tịch HĐND tỉnh đros têx lênhx uô hâux lưv hâur ntu uô ntêx; tso tsês thiêz bâux cxaz nzir iz cxiê Ủy viên Ủy ban tỉnh viv nhiv kruôr muôx têx hlôngr canr bôv uô hâux lưv li heik sâuv./.

(An Kiên-Riê Lâux cxeik, nhênhv)

Nhiv no, jok Tường Han, xar Mường Do, huyện Phù Yên, tỉnh Sơn La muôx 80% ntâu chor ziv chuôz zis chos txir lưk kâuz hmaz, đros xar muôx 60 ha tưz txi txir, sâu tâu txix 16-17 tấn iz ha, iz shông sâu tâu xar muôx 1.000 tấn txir. Tsoz chos no tưz paz hlôngr yiêz ntâu pêx xênhv luz nênhx, chor chuôz zis pluôs tưz txo grêk tsơưs, tsuôk yuôr 12% (shông 2020). Hêik lok tsoz txir lưk kâuz hmaz ntơưv jok, zơưv Đinh Văn Viện, Tsar jok Tường Han, puz pâuz: shông 2017, huyện Phù Yên tưz côngv đros Công ty cổ phần Nafoods Tây Bắc tsưr tsix chor lớp kruôz kriê kỹ thuật chos thiêz tu, phax tar caz hmoz ruôr hiêv thiêz tsưr ziv sâu đê txir lưk kâuz hmaz trâu pêx xênhv hâur xar. Đhâu co, chor chuôz zis tưz đăngk cir chos đros Công ty cổ phần Nafoods Tây Bắc, tâu paz zuz nôngz, qir zuôv thiêz tâu paz sâu zuôr tas nro têx txir. Nhiv no, jok muôx 120 ntâu ziv chuôz zis chos txir lưk kâuz hmaz, đros xar muôx 60 ha; muôx chuôz zis sâu tâu txix 150-300 triệu đêiv iz shông txix chos tsoz chos txir lưk kâuz hmaz muôs trâu tuz luôv ciêz đrôngl./.

(Báo SL-Lik Thox cxêik nhênhv)

Uô lơưr tsaz yênhx “iz xã iz xiv huv “ (OCOP), tỉnh Điện Biên muôx 26 xiv huv tâu Ủy ban tỉnh côngk nhav zos xiv huv uô tâu jông. Têx huv no tưz tâu khav tinhv lok sâuv tsơưr lươngv, taz sik qơư sâu zuôr tsi tâu đêz đar, viv tsi tâu piêr kriê, heik txos trâu ntâu lênhx nênhs sir zôngv pâuz txos. Chiê khưx phưx têx li heik sâuv, tỉnh Điện Biên tưz muôx têx hâux lưv uô cxơưz cxiz muôv muôs, heik kriê xiv huv, hâur co moz siêz txos tsưr ziv chiê têx xiv huv jông thiêz hur co trâu têx ciêz đrôngs hâur thax tsav tỉnh. Txos nhiv no, qơư muôs huv tưz muôx têx tsưr tsiv uô hax huv li 15 xiv huv tâu muôs ntơưv ciêz đrôngs, zos: Cxur Điện Biên, cà phê Mường Ảng, yuôx zêx Tủa Chùa; jiz mur, têx ndêz uô yuôx.... Thôngz đhâu têx ciêz đrôngs, Điện Biên chor huv kôngz nuv tưz tâu buôk ti txos lênhx nênhs sir zôngv hâur thiêz đrâuv luôs 2 chas têz qơưk./.

(Trangtraiviet-Riê Lâux cxeik, nhênhv)

Cux ntơưv tỉnh Điện Biên, thâuv 7 six 30 phênhz têis cik 9/11, tôv côngz xưv zênhx Pênhz phax Pa Thơm đros phongx phax tar zax zênhz thiêz nênhs phamv cxâuv Bôv đôiv Pênhz phax tỉnh Điện Biên, Zênhx Pênhz phax trôngx đriv Huổi Puốc thiêz Công an xar Pa Thơm (huyện Điện Biên, tỉnh Điện Biên) tsênhv uô hâux lưv ntơưv thax tsav Púng Min (jok Pa Xa Lào, xar Pa Thơm, huyện Điện Biên), tưz qênhz yuôx, cxov tâu iz lênhx pox niêv tsênhv thâux gra 1.400 njiêr yuôx shơư zax zênhz. Đhâu nus, lênhx pox niêv co zos Lò Thị Bua, zus shông 1989, nhoz ntơưv jok Pa Thơm, xar Pa Thơm, huyện Điện Biên, tỉnh Điện Biên. Nhiv no txuz hâux lưv co tsênhv tror tâu nriêr pâuz tsênhz mênhx chiê muôz tik cêr cxâuv lơưr chêi têz qơưk li cui tênhv./.

(Vũ Lợi-Lik Thox cxêik nhênhv)