Tas shông 2018, tỉnh tox siêz ntus đriv Lai Châu muôx 29 hâur 96 xã uô tâu tiêr luôs hâux lưv cxiv tsa jêx jos yiêz, njuôk xav uô tax tâu 13 luôs hauax lưv hâur iz xã. Xav txos shông 2020, lai Châu tsênhv zuôr sir jos cov tax tâu 38 xã uô tâu tiêr luôs hâux lưv cxiv tsa jêx jos yiêz. Luôs hâux lưv tưs zôngx ziv tsuv uô uô ntêx, zav hâux lưv tưs phiv liv, tsuv uô uô kaz; lar hêik zos têx xã nhoz thax tsav tox siêz đêz đrôngl. Zơưv hà Văn Um, Giám đốc sở kôngz nuv huôv tsar tox siêz tỉnh lai Châu hêik pâuz: “Nhiv no quy tênhv tưz xav txos, tsuv muôx ti vi, tủ txiêk, máy nxuô trik yo…thiêx tax tâu luôs hauax lưv uô txo grêk yêiz pluôs, uô tâu tiêr luôs hâux lưv cxiv tsa jêx jos yiêz”./.

                                              (Tsu cxeik nhênhv-Khắc Kiên)

Hnuz xiêz 9/5, Bna chox kriê vênhv tôngv tso nyar jông siêz huyện Mộc Châu thiêz Ban chox kriê vênhv tôngv tso nyar jông siêz tỉnh Sơn La côngv đros Viện huyết học Trung ương tsưr tsix Hnuz ntênhs tso nyar jông siêz huyện Mộc châu shông 2019. Đros thôngz yax “Iz ndok nyar paz txưv, chơưv tâu iz lênhx nênhs”, cxôngx ciês tas cik sơưr nzor ntơưv Hội trường tsênhv qơư huyện, 500 ntâu lênhx công chức, viên chức, nênhs lox tôngv, lưx lươngv vũ trang thiêz đoàn viên hluôk nênhs sâuv thax tsav tưz tuôx sâu bê njuôs xav nyar chiê tso nyar jông siêz. Ban tsưr tsix tưz tos jênhv 390 taz viv nyar tso hâur zênhx hangx nyar, khưx phưx tâu qênhx shênhx tsi muôx txâuk nyar chơưv kho trâu nênhs moz ntơưv têx tsêr kho moz sâuv thax tsav tỉnh./.

                      (KT- Txâur Vax cxeik nhênhv)

Xav tar su hnuz xiêz 9/5, công an huyện Tuần Giáo tưz ntêk cxov tâu lênhx nênhs fêv tuô tus pox niêv muôx 40 shông nhoz jos Củ, xã Quài Nưa, huyện Tuần Giáo, tỉnh Điện Biên. Lênhx nênhs fêv ntơư zos Quàng Văn Quốc, xênhz shông 2001, nhoz jos Củ, xã Quài Nưa, huyện Tuần Giáo, tỉnh Điện Biên nhoz côngv uô cê iz luz jos đros lênhx pox niêv traus tuô tuôs hêik sâu.

Nhiv no, công an huyện Tuần Giáo, tỉnh Điện Biên tsênhv taz tov qênhz yuôx uô cov tsênhz mênhx chiê muôz lênhx nênhs fêv tuô tuôs lênhx nênhs hêik sâu tik cêr cxâuv cov zos đrêiv chêi têz qơưs ts tơưv./.

                                      (Tsu vưx cxêik nhênh-Vũ Lợi)

Lênhx coaz txos txuz 2 lênhx nênhs trâus cuz nhiêz ntơưv xã Hồng Ca, huyện Trấn Yên, tỉnh Yên Bái), hnuz xiêz 9/5, xor mông cxôngx xã Hồng Ca puz pâuz, tul pox niêv hâur txuz trâus cuz nhiêz co zos Hà Thị Thủy nhiv no tưz tuôs tiv trâus cuz hnhar. Tul txir nênhx zos Nguyễn Duy Sơn, tsênhv tâu chơưv kho ntơưv tsêr kho moz cuz nhiêz têz qơưk ntơưv Hà Nội. Uô ntêx co, thâuv 8 six tas cik hnuz xiêz 8/5, hâur tix lâuk Vũ Văn Đường nhoz jos cọ, xã Hồng Ca, huyện Trấn Yên li tsêr pov muôx hluôr tơưk cuz nhoz yôngx 1. 2 lênhx nênhs trâus cuz co niêv lâuk Hà Thị Thủy 34 shông zos tix lâuk Đường li pox niêv, Nguyễn Duy Sơn 42 shông nhoz xã Nghĩa Tâm, huyện Văn Chấn trâus cuz hnhar  viv li tâu chox mul chơưv kho ntơưv tsêr kho moz tỉnh Yên Bái, đhâu co xa mul Tsêr kho moz cuz nhiêz têz qơưk. Hâux lưv no tsênhv tâu chiz coaz muôx txơưx jênhv qênhz yuôx uô cov tsênhz mênhx./.

                                  (Đinh Tuấn- Txâur Vax cxeik nhênhv)