Nhiv kruôr txos cheix ntux nas, taz sik ntơưv têx thax tsav qơư hâur tỉnh Sơn La tưz muôx ntâu coz nas lox, uô đêx ngaz thiêz xưz poz tas ntâu txox cêr mul lok. Chiê bax tsưr ziv phax tir thêir đêx nas lox thiêz txo grêk tsơưs têx tsi jông, đros trâu T.Ư têx cêr yưv pênhr, tỉnh Sơn La tưz đhok uô nzir 10 qơư njuôk ntux nas, đhok uô têx fiêx uz no.... heik pâuz ntơưv têx thax tsav, suôv qơư khênhr trâus đêx nas cuôr yôngz, tox xưz poz; sir jos yax kriê trâu tsôngv box nhoz jê têx ntus đêx, cưx đês cưx ha, thax tsav tox trôngz hâur pêk nxaz; bax tsưr ziv 4 ntơưv qơư nhoz têx suôv qơư zôngx ziv muôx đêx nas cuôr yôngz, tox xưz poz. Zơưv Nguyễn Thành Công, Phưv Giám đốc Sở kôngz nuv thiêz huôv tsar tox siêz tỉnh Sơn La heik pâuz:“Pêz cux tưz xav txos têx thax tsav tưs zôngx ziv lok nas ntâu, muôx chuô lox, zôngx ziv muôx tox xưz poz, đêx nas cuôr yôngz, pêz phênhz, heik kriê yêik txar qơư nhoz. Li ntơư, hâux lưv chox kriê, bax thiêz njuôk xav tưz bax uô tâu jông, ngênhx kôngz nuv thiêz cơ quan seiz car phax tar ntux nas chuô, lar heik zos văn phongx ban seiz car phax tar ntux uô hiêv zuôr tsi so sox seiz njôngr, chox kriê uô lơưr jông hâux lưv phax tar ntux uô ruôr hiêv shông 2019”./.

(Tuyết Lan-Chia dịch đọc)

Thâuv 8 six hnuz xiêz 9/6, đhâu ntâu hnuz sir jos yâu poz jêz, zok nriêr zơưv Lưv x Zax trâus đêis hâur kror tsuô poz jêz nhoz ntơưv ntơưv huyện Si Ma Cai, tỉnh laox cai, txix hnuz 31/5 txos trâu hnuz xiêz 9/6.Viv trâus đêx nhaz hâur kror tsuô tâu ntêr hnuz, thâuv lực lươngx zok nriêr tâu, zơưv Lưv x Zax tưz trâus tuôs; Viv đêx nas nhaz trâus tuôs tâu ntêr hnuz hâur kror tsuô, tus nênhs ntơư o, tsênhv chox tsik tâu tâu zơưv Lưv đhâu luz kror tsuô ntơư.

Chênhr zos li hêik ntơư, nhiv no, lực lươngx tsênhv taz tov yâu poz jêz cov luz kror tsuô co lox thiêx yêv tâu zơưv lưv đhâu luz kror tsuô ntơư ziv nzor ziv jông thiêz thâuv chox zơưv Lưv luz chêr đhâu kror tsuô, công an tsuv tâu qênhz yuôx, njuôk shuôk cov tsênhz mênhx tas li choz zok zơưv Lưv x Zax trâu chuôz zis uô đaz uô kruô./.

                                                (Tsu cxeik nhênh-TTTB)

Tsêr kho moz xênhz zus nhuôs-nhuôv zâu tỉnh Lào Cai nhiv kruôr lênhk txeil iz lênhx nênhs tuôx chơưv kho moz zos nhuôv mok muôx 3 luz hlik ntâu, iz chêr uô cuz uô no lox, pư jôngx jiêz, txos siêr, xuôk tsi tâu têx sâur têk sâur tơư hlo. Hâur six hơưv sir jos chơưv kho, lênhx nhuôv heik sâuv cux tsi nhoz khênhr hlo, ziv moz hnhar tuôx, đhâu 3 hnuz nhoz hâur tsêr kho moz, txos 8 six 30 phênhz tsâuk ntux hnuz xiêz 6/6, tuk nhuôv co tưz trâul tuôs tiv uô tsi tâuk pa thiêz têx moz txơưr đuô. Tâu pâuz, lênhx nhuôv no muôx bê hu G.T.N, heir nênhs Hmôngz, nhoz ntơưv jok Mường Lum, xã La Pan Tẩn, huyện mường Khương, tỉnh Lào Cai. Tas cik đros hnuz tuôx trâu tsêr kho moz, lênhx nhuôv heik co tâu chuôz zis chox muk cxax yuôx vắc xin phax tar moz Comle Five côngz xuz thơưx ntơưv xã li qơư cxax yuôx, đhâu 10 luz six hơưv qir muôx yưv têx tsi jông li heik sâuv./.

(An Kiên-Riê Lâux cxeik, nhênhv)

Cxuô lực lươngx muôx vax huôv tỉnh Điện Biên tưz đros Cục công an, Bộ Tư lệnh tuz lênhv Biên phôngx tưz uô cê cxov tâu iz lênhx nênhs zuôr muôs zax zênhz ntơưv thax tsav xã Hua Thanh, huyện Điện Biên, tỉnh Điện Biên. Ntơư zos yơưz phơưz tâu iz cir zênhz poz jêz, 200 njiêr yuôx shơư zênhz. Ntơư zos zơưv Lò Văn Hiệp, xênhz shông 1964, nhoz xã Thanh Luông, huyện Điện Biên, tỉnh Điện Biên, zos iz lênhx nênhs muôx zênhk zax zênhz thiêz trâus moz HIV. Nhiv no lực lươngx muôx vax huôv tsênhv taz tov qênhz yuôx uô cov tsênhz mênhx chiê muôz tik cêr cxâuv cov zos đrêiv chêi têz qơưs tso tơưv./.

                                (Tsu vưx cxêik nhênh-Vũ Lợi)

Tsôngv box nhoz jok Ngòi Thìu, xã Trung Tâm, huyện Lục Yên, tỉnh Yên Bái nhiv kruôr qênhz pov iz lênhx nênhs trâul tuôs , zos iz lênhx txir nênhx, sâuv tuk đêx ngòi Thìu. Txeik tâu mông, hâu nov ntơưv qơư thiêz lưv lươngv muôx vax huôv tưz zênhx max muôx njêx muôs ntơưv qơư chiê xav jênhv thiêz qênhz yuôx. Đhâu qênhz shuôs, xav jênhv, lênhx nênhs heik sâuv tâu xav zos tix lâus Bàn Văn Công, xênhz zus shông 1980, nhoz ntơưv jok Khe Lạnh, xã Trung Tâm.

Ntâu lênhx nênhs seiz njiêx pov heik pâuz, muôx têx zos tix lâus Công trâus xor tênhv gruk tuôs thâuv tsênhv zôngv tênhv hlơưr ntâuk muôz njêl sâuv tuk đêx co, viv iz saz tix lâus Công tsênhv qênhz pov muôx têx chuôz zênhx tso tênhv hlơưr, ntâuk muôz shuôz njêl.

(Thừa Xuân-Riê Lâux cxeik, nhênhv)