Ntux lok nas txix hnuz xiêz 6 txos xiêz 9/7, ntơưv huyện Mường La, tỉnh Sơn la, đêx nas tưz uô ntu cêr 33+450, ntu cêr 279D, nhoz jê tsêr máy tinhv tênhz  Huổi Quang trâus poz, uô trâu yêz muk lok tsik đhâu, tsuv muk đuô cxuô txox cêr txơưr.

Trơưk li njuôk xav, ntu cêr trâus poz no, zuôr huk kho ntêr hnuz txix nhiv no txos hnuz 16/7 thiêz zuôr kho tâu tiêr./.

                                                                                                                          (Tsu cxêik nhênhv-Hồng Việt)

Ntơưv tỉnh Điện Biên, trơưk li văn phôngx tir thêir nas chuô, chơưv paz lênhx nênhs huyện Điện Biên hêik pâuz: Lênhx nênhs trâus đêx cuôr yôngz ntơư, tưz zok nriêr tâu ntơưv tus đêx Nâmk Rốm thiêz choz zok trâu chuôz zis uô đaz uô kruô. Pos Nguyễn thị Huyền, phó phôngx kôngz nuv huôv tsar tox siêz huyện, văn phôngx tir thêir đêx nas chuô, chơưv paz lênhx nênhs huyện Điện Biên hêik pâuz: lênhx nênhs đêx cuôr yôngz trâus tuôs ntơư zos Tẩn Cao Quý, trâus đêx cuôr yôngz muk đêz 1 cêik cêr, nhoz jê thax tsav tus qox C9, nhoz puôz ntus đriv 2 xã Thanh Yên thiêz Thanh Xương. Đhâu ntơư, hâu nov ntơưv qơư tưz muk sêiz shuôk đros chuôz zis kênh têx cêr pôngz siêz, viv đêx nas chuô uô ruôr hiêv./.

                                                                                                                        (Tsuv cxêik nhênhv-Vũ Lợi)

Zar hnuz keix hnuz xiêz 9/7, chi cục đêx liv thiêz phax tar ntux nas tỉnh Lai Châu puz pâuz, txơưv tiêk tưz huiz tôngv tas nro lưx lươngv nriêr chơưv, taz sik tiv phaz tsi tâu nriêr tâu Lò Thị Dơm, nhoz jos Mường Kim 1, xã Mường Kim, huyện Than Uyên trâus đêx cuôr yôngz. Lơưr co, hnuz xiêz 3/7 thâuv ntux lol nas ntêr, niêv lâuk Lò Thị Dơm xênhz shông 1973 mul tov tul đêx chiê ntês njês. Tsi tsưv ziv, niêv lâuk Dơm tưz trâus đêx cuôr lơưv. Thâuv jênhv tâu xor mông, chính quyênx huyện Than Uyên tưz huiv tôngv tas nro lưx lươngv tsưr tsix nriêr niêv lâuk Dơm. Txos nhiv no, đhâu 6 hnuz cxôngx thâuv niêv lâuk Dơm trâus đêx cuôr yôngz, chiz coaz muôx txơưx jênhv thiêz chinhr quyênx huyện Than Uyên tưz huiz tôngv 100 ntâu lênhx nênhs, tsưr tsix 4 tuêv mul nriêr ntơưv tul đêx Nậm Kim mul txos niêv pas đêx tênhv Bản Chát taz sik nriêr tsi pov./.

                        (K.Kiên-Txâur Vax cxeik nhênhv)

Hâur 2 hnuz xiêz 7-8/7, sâuv thax tsav tỉnh Yên Bái tror muôx ntux lol nas lox, uô ruôr hiêv ntâu tiv phaz hâur tỉnh. Sâuv huyện Lục Yên, tỉnh Yên Bái ntux lol nas uô đêx ngaz 112 ntâu hecta blêx, hâur co muôx zuôr xar 80 hecta trâus pôngz tas. Iz cxiê cêr mul lol trâus ngaz mul lol tsi tâu. Iz cxiê tsiêx cxu, keiz ok cux trâus đêx cuôr yôngz. Yuôr ntơưv huyện Mù Cang Chải, ntux nas uô zênhr shar txos 270 ziv chuôz zis, tox poz muôx nhos 400 qơư sâuv niêv cêr 32 thiêz têx cêr mul lol hâur jêx jos; ntâu mênhv chêx blêx trâus đêx ngaz. Njuôs xav ruôr hiêv 450 tsov đeiv ntâu. Nhiv no, têx qơư trâus mul lol tsi tâu tưz tâu khưx phưx, tâu canhv pov, heik kriê tsôngv box mul lol cov taz por. Txos tas cik hnuz xiêz 9/7, sâuv thax tsav tỉnh tsi pov lol nas thiêz, ntux ca taz sik njuôs xav zuôr muôx ntâu txơưr txar, tỉnh Yên Bái chox kriê têx tiv phaz tror chuv tôngv seiz shuôk tir tar ntux nas. Ciêr chênhr khưx phưx têx trâus ruôr hiêv, paz tsôngv box nzor ngaz tul luz nênhx thiêz uô xênhz yar./.

                                           (Tuấn Xuân- Txâur Vax cxeik nhênhv)