Zar hnuz kêix 9/1, Hôiv hluôk nênhs lâul uô ntêx hlo thâuv ntêx tỉnh Yên Bái sik côngv đros pov chir Tiền Phong, Hôiv bôv đôiv lâul cơ quan trung ương Đoanx, Tập đoàn Phúc Sơn thiêz tỉnh Đoàn Yên Bái tưz khơưk muôz 40 poz hax huv tsiêz trâu chor Hluôk nênhs lâul uô ntêx hlo thâuv ntêx muôx luz nênhx txov nhêv nhoz tỉnh Yên Bái. No zos kror hâux lưv siêz jông, hêik tơưv Mênhx cxưx Việt Nam li cêr siz hluz siz paz, chiê paz trâu sơưr đơưk tok iz luz tsiêz shông 2019 sor so shir phaz đuô. Zơưv Nguyễn Thanh Trung, nhoz phường Nam Cường, thành phố Yên Bái, tỉnh Yên Bái hêik:“Hnuz no tâu Tỉnh hôiv, thành hôiv hluôk nênhs uô ntêx hlo thâuv ntêx Yên Bái đros Pov chir Tiền Phong paz hax huv tsiêz, cur pov shir phaz thiêz sor siêz đuô đros thiêz muôx sơưr đơưk paz tsov cưv txos”./.

                              (Thừa Xuân-Lik Thox cxêik nhênhv)

Công an huyện Mai Sơn, tỉnh Sơn La nhiv kruôr ntêk tâu iz lênhx nênhs zuôr muôs tsi trơưk chei têx fov ntơưr. Lênhx nênhs trâul ntêk tâu co zos Phan Duy Cường, xênhz shông 1991, nhoz ntơưv jok 10, thị trấn Hát Lót, huyện Mai Sơn, Sơn La. Lưv lươngv công an tưz uô ntơưr xưv bluô thiêz sâu tsês tâu 9 hnaz fov ntơưr mê, xar muôx 5 cir thiêz iz cxiê zav chuôz zênhx txơưr đuô cik txos. Ntơưv Cơ quan Công an, lênhx nênhs no krêz lênhk tiêk, tưz zuôr chor fov ntơưr co 1.350 cxênhz đeiv ntơưv iz lênhx txir nênhx tsi siz pâuz ntơưv thax tsav cêr yuôv Chiềng Mai, huyện Mai Sơn gra lok tsêr chiê tuô uô si hâur hnuz tsiêz, thâuv lok txos jok 6, xã Chiềng Mai txơưv trâus lưv lươngv Công an qênhz pov, ntêk tâu.

Công an huyện Mai Sơn tưz hux jos đros Viện kiểm sát huyện thiêz đội seiz car ciêz đrôngs sôr 2, huyện Mai Sơn krêz shuôs chor fov ntơưr co thiêz sâu tsês chiê muôz tik cêr cxâuv trơưk đreiv li chei têz qơưk cui tinhv./.

                   (CTVTTB-Riê Lâux cxeik nhênhv)

Hmo 8/1, Đội sêiz car ciêz đrôngs số 1 sik côngv đros phongx cảnh sát tênhv qơư, Công an tỉnh Lào  Cai piz qênhz yuôx iz chor hax huv zav nox tsês txiêk tsênhv tâu njêis chiê ntơưv thax tsav 3 txox cêr siz yuôv Trần Quang Khải, phường Duyên Hải, thành phố Lào Cai. Ntơưv six hơưv qênhz yuôx, tsik muôx lênhx tưs jênhv zos tsưr chor hax huv co thiêz cux tsik muôx ntâuz ntơưr đaz tsi hlo. Lưx lươngv txơưx jênhv tưz uô ntâuz ntơưr sâu tsês chor hax huv co chiê xưv lik. Đhâu qênhz yuôx, xav jênhv, chor hax huv co hnhar muôx 770 cir, zos tơưl kêiz, tik kêiz, têx njêl, shuôz, tơư buô, lênhs nhux…jov mok njuôk xav tsiv gri muôx 50 triệu đêiv. Tas nro chor hax huv co tưz tsư lưx tas.

Hnuz 9/1/2019, Cục sêiz car ciêz đrôngs tỉnh Lào Cai tưz tso tơưv cuêz tênhv sâu tsês; thôngx cxix, chox kriê đội sêiz car ciêz đrôngs số 1 sik côngv đros lưx lươngv cik txos hlơưr phâuk por tsês tas nro chor hã xhuv co lơưr cuiz tênhv./.

                                (An Kiên-Lik Thox cxêik nhênhv)

Txix hnuz xiêz 6/1, tỉnh Điện Biên qir fuô uô luôs hâux lưv cxax yuôx vắc xin ComBE Five (5 hâur 1) hlôngr yuôx vắc xin Quivanxem trâu 330 ntâu lênhx nhuôs zâu hâur thax tsav TP Điện Biên Phủ thiêz huyện Tủa Chùa. Hâur têx nhuôs zâu tâu cxax yuôx, tưz sâu jênhv 17 lênhx tsi huv zav yuôx vắc xin yiêz no, muôx 14 lênhx mak trâus siz li: Uô cuz uô no, luz kror côngz cxax moz thiêz o; 3 lênhx trâus hnhar zos iz chêr uô cuz uô no lox, mê nhuôv muôx kênh thâuv tsi hnor kaz......

Lok sâuv têx pov muôx yưv đhâu cxax yuôx vắc xin tas, zơưv Đoàn Ngọc Hùng, Giám đốc seiz car Tsênhv qơư qênhz njuôk shuôs têx moz gênhs tỉnh Điện Biên heik mênhx, chor yuôx vắc xin no zos zav yuôx jông, têx nhuôs cxax yuôx tas muôx yưv têx li heik sâuv, ntơư zos tsi uô chas, chênhr viv li chor uô niêv uô txir tsuv tso siêz, tsi cxoz cxơưx. Taz sik cux tsuv sox seiz njôngr tuk nhuôv đhâu cxax yuôx vắc xin tas, zos mê nhuôv uô cuz ndê txos 38 độ, mak chor uô niêv uô txir tsuv muôz yuôx trâu hâuk cov tus mê nhuôv co tsik cxoz cuz hênhr thiêz muôz fuôv lok so tuk nhuôv têx kror tso, hâur pliêx.... thiêz zos mê nhuôv ho uô cuz uô no lox hênhr mak tsuv chox ciês mê nhuôv muk chuôs cưk yuôx chiê sox seiz, chơưv kho./.

                     (Vũ Lợi-Riê Lâux cxeik, nhênhv)