Nhiv kruôr đhâu, ntơưv jok Púng, xar Chiềng Ngần, thành phố Sơn La muôx iz txuz poz jêz ntos lok trâus tsêr, uô iz lênhx nênhs tuôs, 1 lênhx nênhs trâus saz, 1 luz tsêr lơưx trâus vâu. Nhiv no, thành phố Sơn la tưz tso xar muôx 1.000 lênhx nênhs zos công an, quân đội chor nênhs nhoz ntơưv qơư tuôx paz khưx phưx têx trâus hiêv. Zơưv Nguyễn Thế Phương, Phưv Chủ tịch UBND thành phố Sơn La tuôx ciês ntơưv qơư chiê sêiz car chox kriê hâux lưv khưx phưx puz pâuz, Tiv luz tsêr trâus puôk tsuôx tas zuôr nhoz tsik tâu lơưv, viv li uô ntêx, UBND thành phố Sơn La tưz hêik UBND xar chiê 6 lênhx nênhs hâur chuôz zis no muk nhoz ntơưv chor  vax tsêr txơưr đuô hâur jok. Đros co, hêik xar, jêx jok hêik trâu pêx xênhv hâur jok pâuz lok têx qơư phiv liv muôx poz jêz ntos mak txar muk nhoz trâu têx qơư truôx tuk đuô./.

(Thu Thùy-Lik Thox cxêik  nhênhv)

Cux ntơưv tỉnh Yên Bái, thâuv 4 six zuôr tsâuk ntux hnuz 9/8, sâuv txox cêr 37, ntu đhâu tôv 7, phường Yên Thịnh, thành phố Yên Bái, tỉnh Yên Bái muôx yưv iz txuz txiêz nanv zoz thôngz nhoz yêz thâux xa kruô biến số BKS 21B-002.65 zos tix lâus Hoàng Đình Khiêm, zus shông 1972, nhoz huyện Lục Yên, Yên Bái tsar đros luz yêz mêir muôx biên số 21 E1-023.58.

Txuz txiêz nanv uô Đinh Trung Quân (zus shông 2003) zos nênhs tsar yêz mêir tuôx ciês ntơưv qơư, oz luz yêz trâus puôk tsuôx ntâu. Ciês muôx yưv txiêz nanv, lưx lươngv Công an thành phố Yên Bái tưz muôx njêx muôs chiê xưv lik, qênhz yuôx uô tsênhz mênhx qir tiv txuz txiêz nanv no./.

(Thừa Xuân-Lik Thox  cxêik nhênhv)