Tas cik hnuz 30/9, Ntênhs chiv nhênhv 30 shông tror yênhx lix tỉnh Lào Cai (xiêz 1/10/1991-1/10/2021) tưz tâu tsưr tsix đros muôx ntâu lênhx nênhs, lênhs tov tỉnh, đros têx sở, nganhx tiv phaz thiêz têx tsưr tsix, lênhx nênhs jông đhâu têx six cxiv tuôx cxaz chuôz. Hâur 30 shông cxiv tsa thiêz huôv tsar, txos nhiv no, tỉnh Lào Cai li tas nro xiv huv sâuv thax tsav fênhx pheiz lênhx nênhs tưz ndê siêz đuô 100 jiês pir đros thiêz ntu nhiv kruôr yênhx lix; phênhv sâu têz qơưk chuôz ndê siêz đuô 250 jiês; chor ziv chuôz zis pluôs grês yuôr 8% ntâu lok shông 2020, tsi yuôr tsêr lav uô lav nhoz, tsêr xơư nas. Lào Cai cux zos qơư muôx têx hlôngr yiêz jông hâur zaoz zux tox siêz; tsôngv box li đas jos tâu muôz siêz. Hâur Ntênhs chiv nhênhv, tâu Chủ tịch têz qơưk choz, Bộ trưởng, Chủ nhiệm UB mênhx cxưx Hầu A Lênhs tưz khơưk muôz Huân chương lox tôngv hov 1 trâu Đảng bộ, tsôngv box têx mênhx cxưx tỉnh Lào Cai./.

(Vũ Lợi-Txâur Vax cxeik nhênhv)

Hnuz 30/9, Hội đôngx tỉnh Sơn La khóa 15, ntu 2021-2026 tsưr tsix jiês cơưv chuyên đề jiês  tiv iz.

Ntơưv jiês cơưv no, chor têiv plor tsêx trung sêiz lax thiêz sêiz shuôk, thôngz đhâu 6 nghị quyết lok phênhz têx nhiêx txiêx têz qơưk thiêz njuôk xav chor nhiêx zuk tsuv muôx chiê kriz uô Tsaz yênhx tsưr ziv zoz zux thax tsav tox siêz, thax tsav txov nhêv ntu 2016-2020, cxaz nzir shông 2021; phênhz chor nhiêx txiêx tsik so kriz uô tsaz yênhx tsưr ziv têz qơưk cxiv tsa jêx jok yiêz shông 2021; cui tênhv tsênhz mênhx lok cêv kuôk thiêz xav jênhv thax tsav shux xênhz tuôx cơưv tsik tâu ntơưr tas tror lok tsik tâu tsêr hâur hnuz; sêiz shuôk kho đuô tsưr ziv yưv pênhr iz cxiê dự án ntu 2021-2025; Kho đuô, cxaz nzir iz cxiê tsênhv njiêz Nghị quyết sôr 283/2021 lok  hâux lưv tso tơưv tsưr ziv yưv pênhr cxuô dự án yênhx phênhv hâur Đề án truôx tuk qơư nhoz trâu pêx xênhv, huôv tsar kinh têr-xar hôv thax tsav qơư nhoz yiêz chiê uô tsêr mêir đêx tênhv Sơn La ntu 2018-2025…100% têiv plor Hội đôngx tỉnh tưz xêir thôngz đhâu cxuô Nghị quyết hêik hâur jiês cơưv./.

(Trấn Long-Lik Thox cxêik nhênhv)

Muôx lênhx coaz txos xor mông shux xênhz iz luz tsêr cơưv nhoz huyện Lục Yên, tỉnh Yên Bái tâu so ntơưr viv tsêr cơưv tsưr tsix hâuk chơưr xênhz trâu Hiệu trưởng tưz tâu tso sâuv mạng xã hội nhiv kruôr jê ntơưv no, pos Nông Thu Hà, Phưv Chủ tịch UB huyện Lục Yên, tỉnh Yên Bái puz pâuz: Lok saz huyện tưz pâuz tâu xor mông lok hâux lưv no thiêz tsênhv choz trâu phongx Zaoz xux thox cxov huyện yênhx lix Đoanx côngz xưv muk qênhz yuôx, xav tênhv. Zos pov muôx hâux lưv trơưk li xor mông sâuv mạng xã hội mak huyện zuôr muôx tsưr ziv yưr lir txos qơư lơưr têx uô cxâuv. Uô ntêx co, zar hnuz keix hnuz 29/9/2021, sâuv mạng xã hội pov muôx xor mông cưk kriê chủ nhiệm iz lớp cơưv nhoz huyện Lục Yên (Yên Bái) thôngz pov sâu nhóm Zalo trâu shux xênhz li niêv txir tiêk “Zar hnuz keix hnuz no tas nro tsêr cơưv so ntơưr, shux xênhz chiv chir nhoz tsêr cơưv ntơưr”. Lik zơưx zos “zar tar su no tsưr tsix hâuk chơưr xênhz trâu Hiệu trưởng, viv li zuôr tsi taz por six hơưv kriê ntơưr”. Xor mông no tâu pheiz kênh trâu sâuv mạng xã hội, tâu chôngz lênhx ntâu tul tsov cưv txos. Ntâu lênhx uô niêv uô txir lok six tsi jông siêz. Tâu pâuz, taz viv tsêr cơưv heik txos sâuv zos Tsêr cơưv cxênhx 1 thiêz cxênhx 2 Tân Lĩnh, huyện Lục Yên, tỉnh Yên Bái./.

(Thừa Xuân-Txâur Vax cxeik nhênhv)

Ntơưv thax tsav tuk ndêx chiv ntus đriv117 Việt Nam-Lào  nhoz thax tsav jok Púng Bửa, xar Na ư, huyện Điện Biên, tỉnh Điện Biên, chor lưx lươngv muôx vax huôv nhiv kruôr pov thiêz cxov tsês Lâux Xênhv Zax, zus shông 1962, nhoz ntơưv tôv dân phố 2, thị trấn Điện Biên Đông, tỉnh Điện Biên thâux gra tsik zos chêi zax zênhz txix cêr zâu sâuv thax tsav ntus đriv Việt Nam-Lào lok hâur thax tsav qơư. Têx sâu tâu zos 3 đêiv zênhz đơưz thiêz 20 poz zâu hâur co muôx 4.000 luz yuôx shơư zax zênhz. Lâux Xênhv Zax hêik pâuz tiêk tâu iz lênhx nênhs (Pâuz tsik tsênhz bê) ntiêr muk trâu thax tsav ntus đriv gra chor zax zênhz co txix iz lênhx nênhs Lào lok trâu ntơưv chuôz zis luz tsêr têz chiê jêik tsês, đhâu co zuôr tâu thêv nhiêx côngz 7 triệu đêiv thiêz 3 đêiv zênhz đơưz chiê sir zôngv. Thâuv tsênhv gra lok chêk trâus lưx lươngv muôx vax huôv pov thiêz cxov tsês. Nhiv no txuz hâux lưv tsênhv tror tâu qênhz yuôx, nriêr pâuz chiê muôz tik cêr cxâuv trơưk chêi têz qơưk cui tênhv./.

(Vũ Lợi-Lik Thox cxêik nhênhv)