Ntơưv Quảng trường 7/5 (TP Điện Biên Phủ, tỉnh Điện Biên), Ủy ban tỉnh Điện Biên nhiv kruôr nthuôr uô têx txux chi cêr lov jêv đros njiêz luk “Cheix ntux yiêz Điện Biên” hơưv tok shông yiêz 2020.

Tsaz yênhx nthuôr uô lov jêv tok shông yiêz chiê kruôs txos Đảng tsưr ziv chox car, Lâuk Hôx lênhx tiz nênhs jông, têz qơưk vav mênhx, đhâu ntơư tôngv zênhx, cxơưz cxiz phôngz yaox sik tưr nhiêv têz nhiêv qơư, siz chos huôv tsar uô nox, moz siêz xar tơưv têx txux chi tsưr ziv jông, sik đros tsưx phưv truôx têz qơưk, uô tâu jông têx tsưr ziv lok huôv tsar kinh tế-XH, côx phax-txiv ngaz shông 2020 hâur thax tsav qơư./.

                                 (Vũ Lợi-Riê Lâux cxeik, nhênhv)

Hmo 31/12, ntơưv huyện ntus đriv Mường Tè, tỉnh Lai Châu tưz suôv câuv ntênhk hôiv lêiv poz nhoz chor huyện ntus đriv pêz têz qơưk Việt-Lào-Trung jiês tiv 6 shông 2019 thiêz tuô fov ntơưr tok hơưv shông yiêz 2020.

Hâur 3 hnuz kriz uô ntênhk hôiv, chor đoanx tưz uô têx vênhx huôv nghệ thuật jông, hêik txos vênhx huôv cxuô mênhx cxưx. Chor nênhs cxaz chuôz nhoz cxuô đoanx tưz sir jos sik tưr 5 zav thể thao: lêiv poz, sik lâuz pak, truz hluô, tuô hnênhr thiêz ntâuk tux luz lok zos vix vôngs. Giải iz tas nro đoanx zos Đoanx Mường Tè; giải oz zos đoanx thành phố Điện Biên Phủ; giải pêz zos đoanx Phong Sa Lỳ thiêz Ban tsưr tsix tưz khơưk kruôk trâu 27 lênhx nênhs./.

(Khắc Kiên-Lik Thox cxêik nhênhv)

Sở Zoz thôngz tỉnh Sơn La tưz chox kriê cxuô taz viv muôx yêz lox thâux xa kruô bax lênhx nênhs, têx yêz taz por txâuk lênhx nênhs tsar yêz thiêz chor yêz jông chiê thâux xa kruô mul lok hâur six hơưv tsiêz. Zơưv Phùng Mạnh Hiệp, Phưv Giám đốc Sở zoz thôngz tỉnh Sơn La heik:“Sở cux sir jos uô luôs hâux lưv qênhz yuôx shuôs têx yêz mul lok, li: Thâuv thâux xa kruô mul lok, six hơưv tsar yêz tsi so, lênhx nênhs tsar yêz six hơưv tsar thiêz uô hâux lưv hâur hnuz tsar yêz ntơư, thôngz đhâu têx meir cxeik, tsov seiz kaz chor nênhs tsar yêz, tsar yêz mul lok chiê xưv bluô têx uô cxâuv tsi trơưk cui tinhv. Tsi chiê muôx yưv têx tsi jông li: siz txênhz kruô ntơưv têx qơư tsav yêz; têx qơư muôx yêz thâux xa kruô tsuv phênhz lênhx nênhs cux li bax tsês têx yêz chiê đros thâux xa kruô thâuv kruô chôngz hênhr lok sik muôx kênh luz yêz tsi jông.....Sir jos tsi chiê têx yêz, lênhx nênhs tsar yêz tsi txâuk đas jos, tsi jông ntơưr thâux xa kruô mul lok, lol sik têx lênhx nênhs tsar yêz hâuk chơưr bia....thâux xa kruô”./.

(Thu Thùy-Riê Lâux cxeik, nhênhv)

Thâuv uô hâux lưv ntơưv thax tsav cêr Âu Cơ, xar Phúc Lộc, thành phố Yên Bái, Tổ côngz xưv Đôiv Cảnh sát qênhz yuôx nênhs uô cxâuv lok kinh têr thiêz Chức vụ Công an thành phố Yên Bái pov 3 lênhx hluôk nênhs thâux gra 31 poz fov ntơưr, 49  trax fov ntơưr zuôr ntơưv iz lênhx nênhs nhoz Lào lok Yên Bái chiê muôs.

Nhiv no Công an thành phố Yên Bái tưz piz khởi tố txuz án, chor nênhs uô cxâuv “Zuôr muôs hax huv txưr”, tror xav jênhv nzir chor nênhs tsênhv yuôr chiê xưv lik trơưk cêr chêi têz qơưk./.

(Đinh Tuấn-Lik Thox cxêik nhênhv)