Tỉnh Ủy Yên Bái tsưr tsix jiês hênhr kruôk chor tập thể, tiz nênhs uô tâu jông hâur cơưv shâuv thiêz uô lơưr zơưv hloz Hôx li cêr uô nênhx jông thiêz têx bí thư chi bộ uô tâu hâux lưv jông ntu 2016-2018. 60 tập thể, tiz nênhs uô tâu jông tâu Tỉnh ủy Yên Bái hênhr kruôk zos têx kror yax kriê jông, tsênhv tsênhz muôx ntâu kror jông tiv zix. Đros co zos 128 Bí thư chi bộ uô tâu jông, chor nênhs yênhx hnuz, yênhx six hơưv uô ntêx hlo, phuôx huiz zuk pưk txux, txơưx jênhv zos chor nênhs sơưr thơưx tsưr tsix Đảng, kruôz kriê Đảng, têz qơưk têx cêr chêi trâu hâur luz nênhx ntơưv cơ quan, tiv phaz, taz viv. Tix lâus Phạm Hải Triều, đoanx viên huyện Lục Yên lok dự jiês hênhr kruôk shir phaz hêik:

“Cur pov lok six tso siêz, shir phaz viv tâu cxuô cấp lênhx tov tsov cưv viv tsênhz tiês pêz nhiv kruôr piz kriz uô nox chêx cur cux tsik tâu ntâu luôx tưs, taz sik li no zos kror tôngv vênhx chiê paz trâu pêz tror sir jos đuô. Nhiv no pêz cxiv uô tsưr ziv tu zus luôr, tưz yênhx lix hợp tác xã cê uô xênhz yar cê sâu zuôr muôs trâu pox nhuôs. Pêz li qơư tu zus muôx 2000 ntâu tuk luôr, đuô li pêz tsênhv sâu zuôr muôs trâu pox nhuôs huyện Lục Yên, huyện Văn Bàn (Lào Cai) thiêz huyện Phong Thổ (Lai Châu)…/.

                                            (Tuấn Xuân-Lik Thox cxêik nhênhv)

Zar hnuz keix hnuz xiêz 1/10, Đoanx teiv plor côx hôiv tỉnh Điện Biên tưz muôx jiês njiz cử tri 2 huyện : Mường Nhé thiêz Nậm Pồ. Ntơưv jiês njiz, đ/c Trần Thị Dung, Phưv chủ nhiệm Côx hôiv li UB Pháp luật tưz thôngz pov txos cử tri njuôs xav tsaz yênhx jiês khiêz phêv tiv 6, Côx hôiv khá 14; hâur co, têx dự thảo chei zuôr tâu côx hôiv thôngz đhâu ntơưv jiês khiêz phêv muôx Chei Công an ( kho đuô), lênhx coaz txos cán bộ, chiến sĩ hâur lưx lươngv Công an li chế độ, chính sách. Cử tri li têx ziv chênhv cxaz chuôz lol Dự thảo Chei công an ( kho đuô) chêx chôngk iz cxiê njiez luv li: Zênhx Công an phưv txơưx thax tsav li txơưx jênhv, jênhv vưv, qênhx liv; têx tsi tâu uô tâu hâur hâux lưv chox lưx lươngv công an chính quy lol công an xã uô jênhv vưv....Đ/c Trần Thị Dung ntâus grê siêz cử tri li têx ziv chênhv gôngr côngv; thôngx cxix puz pâuz, Đoanx teiv plor côx hôiv zuôr sâu jênhv têx ziv chênhv chiê heik tơưv trâu Ban thường vụ Côx hội hâur jiês khiêz phêv zuôr txos./.

(KT- Txâur Vax cxeik nhênhv)

Têis sik 1/10, UBND huyện Bắc Hà, tỉnh Lào Cai tsưr tsix phuôx tôngv ntênhk ciêz uô lơưr cơưv shâuv tas siv nênhx shông 2018 đros tsênhv njiêz “Cơưv ntơưv tsêr cơưv ntơưr, cơưv hâur ntâuz ntơưr, sik cơưv shâuv thiêz cơưv pêx xênhv”. Dự ntênhk muôx lênhx tov Sở Zoz zux thiêz Thox cxov Lào Cai, Huyện ủy, UBND huyện Bắc Hà, Hội cxơưz cxiz cơưv ntơưr huyện Bắc Hà, Si Ma Cai thiêz thành phố Lào Cai. Ntênhk phuôx tôngv tưz jênhv tâu chor tsêr cơưv, têx tsênhv qơư cơưv shâuv côngv thôngx, shux xênhz thiêz pêx xênhv tiv phaz li thôngx ziv. Hâur jiês phuôx tôngv tsênhv muôx piêr pâuz têx ntâuz ntơưr lok cơưv shâuv nhoz tiv phaz thiêz ndis shuôk têx qơư cơưv shâuv jông sâuv thax tsav huyện Bắc Hà./.

                                                                                                   (KT-Lik Thox xcxêik nhênhv)

Nhiv kruôr đhâu, 2 lênhx shux xênhz tsêr cơưv mê nhuôs zâu Cầu Đường, xã Chiềng Chăn, huyện Mai Sơn, tỉnh Sơn La tưz trâus pôngz đês tuôs. Tsôngv box nriêr pov 2 lênhx mê nhuôs co hâur pas đêx nhoz jos Cầu Đường, kuôk tsêr cơưv muôx nhos 100 yiv. 2 lênhx mê nhuôs trâus pôngz đês tuôs zos Thái Xênhv Hơưx thiêz Hồng Xênhv Hơưx, puôr lênhx muôx 4 shông, mênhx cxưx Hmôngz, thiêz puôr lênhx nhoz jos Cầu Đường, xã Chiềng Chăn, huyện Mai Sơn. Xor mông qir thơưx tâu xav tênhv zos thâuv mul cơưv ntơưr 2 lênhx mê nhuôs co mul pas đêx no uô si, thiêz trâus pôngz đês tuôs. Ciês thâuv muôx yưv hâux lưv no, chinhr quyênx tiv phaz tưz tuôx seiz nus, tôngv vênhx chuôz zis mê nhuôs trâus nanv. Têx lưx lươngv muôx txơưx jênhv tsênhv qênhz yuôx, uô cov tsênhz mênhx hâux lưv no./.

(BTS- Txâur Vax cxeik nhênhv)