UBND tỉnh Lai Châu nhiv kruôr tsưr tsix jiês cơưv sêiz shuôk, ntâuk gri lok tsav txênhz cấp tỉnh (PCI) shông 2018; tso tơưv tsưr ziv, jênhv vưv thiêz hlôngr yiêz PCI shông 2019. Têx shông đhâu, txơưv tưz muôx ntâu sir jos hâur hlôngr yiêz tênhv qơư yưv pênhr, kinh doanh, zaz zâuv chor nênhs yưv pênhr, taz sik hâur 3 shông tror lok no, tỉnh Lai Châu li PCI puôr lênhx nhoz trâu thênhv kik pir li tas nro têz qơưk, sơưr tiv 60-62/63 tỉnh, thành hâur têz qơưk. Qir tiv chênhr zos tiv thax tsav, kinh têr, xar hôiv nhoz trâu thênhv kik thiêz cấp ủy, chính quyền, cxiv luôs chính trị tsik tâu sir jos uô thiêz tsik tâu muôx têx hâux lưv uô tsênhv tsênhz chiê hlôngr yiêz PCI…Shông 2019, tỉnh Lai Châu tso tơưv 15 jênhv vưv, tsưr ziv, chox kriê cxuô cấp, nganhx yênhx lix Ban chox kriê PCI, uô hâux lưv hlôngr yiêz tênhv qơư yưv pênhr…đros sir jos cxiv uô tênhv qơư yưv pênhr kinh doanh jông, ndax ndênhk, tsênhz mênhx, paz tsar tov trâu nênhs yưv pênhr; sir jos cov tas nro 10 kror hâur PCI puôr lênhx chuôz ndê, txix co gra siêz jux juk qơư sơưr trâu PCI cấp tỉnh./.

(Khắc Kiên-Lik Thox cxêik hênhv)

  Hâur six hơưv so ntênhs 30/4- xiêz 1/5 ntêr hnuz shông no, têx kruô mul ndis shuôk ju lix sâuv thax tsav tỉnh Điện Biên chuôz ndê siêz. Hâur hnuz thơưx so ntênhs 27/4 tưz muôx zuôr xar 6 cxênhz jiês kruô ndis shuôk ju lix tuôx ndis shuôk ntơưv têx qơư di tích sâuv thax tsav tỉnh; têx hnuz lơưr co muôx cxôngx 9 cxênhz txos 10 cxênhz jiês kruô tuôx ndis shuôk hâur iz hnuz. Hâur co muôx 150 ntâu jiês zos kruô nhoz saz đrâuv têz qơưk. Ntơưv tỉnh Điện Biên nhiv no tsênhv tsưr tsix Ntênhs chiv nhênhv 65 shông Hnuz ntâus zênhx lix xưv Điện Biên Phủ thiêz chiv nhênhv 110 shông hnuz yênhx lix tỉnh, viv li njuôs xav têx hnuz zuôr txos kruô tuôx Điện Biên tsênhv zuôr tror chuôz ndê siêz. Chiê phưx vưv jông trâu tsôngv kruô li zoz qơưx, tỉnh Điện Biên tưz chuôz tsar lưx lươngv phưx vưv, lênhx nênhs kriê cêr chiê paz tsôngv kruô muôx jiês ndis shuôk jông tiv zix thâuv tuôx tỉnh Điện Biên ndis shuôk ju lix./.

(Vũ Lợi- Txâur Vax cxeik nhênhv)

Lơưr Ban sêiz car phax tar ntux têz uô hiêv thiêz zok nriêr chơưv pz tỉnh Yên Bái, ntux nas chuô nhiv kruôr đhâu tưz uô 230 luz tsêr nhoz huyện Trấn Yên trâus za trur, puôk tsuôx, hâur co muôx 1 luz tsêr trâus poz vâu tas hur si. Ntux nas chuô cux uô 100 hec ta blêx, 23 hec ta poz cưk, 21 hec ta tsoz ntông trâus lor vâu, 5 luz tsêr tu zus caz nox jâuz trâus vâuv, 5000 tuk kêiz ol trâus tuôs. Đuô li, iz cxiê côngz trinhx sâuv thax tsav huyện Trấn Yên cux trâus hiêv ntâu…Njuôk xav têx trâus hiêv muôx 3 tiv đêiv ntâu. Đros qênhx shênhx qiv hơưv txơưr txar phiv liv, tỉnh Yên Bái tsênhv chox kriê chor nganhx txơưx jênhv thiêz têx tiv phaz sir jos uô côngz xưv hêik pâuz, kruôz kriê pêx xênhv phax tar jông ntux têz uô hiêv, paz txo grêk tsơưs têx trâus hiêv./.                                                                             

                                                                                            (Đinh Tuấn-Lik Thox cêik nhênhv)

Iz tas hmo hnuz xiêz 1/5, iz jiês chuô lox đros thiêz lok nas pov muôx yưv sâuv ntâu thax tsav tỉnh Lào Cai uô ruôr hiêv muôx nhos 120 tsôngv box li luz tsêr nhoz chêx chôngk nhoz 3 huyện Bảo Yên, Bắc hà, thiêz Bát Xát. Lok nas lox nhoz thax tsav hâur đêx, đêx huôv lox sâuv tul đêx Nghĩa Đô (huyện Bảo Yên) cuôr lơưv 1 tul qox sâuv cêr 153 uô ntu cêr no mul lok tsi tâu. Ciês thâuv muôx ntux nas ruôr hiêv, têx lưx lươngv chơưv paz tưz tâu huiz tôngv tuôx paz max tsôngv box khưx phưx têx trâus ruôr hiêv, ngaz tul luz nênhx trâu tsôngv box, kho đuô cxix luôk cxuô zav..../.

                                                                                          (An Kiên- Txâur Vax cxeik nhênhv)