Têik cik 1/8, pos Tòng Thị Phóng, Ủy viên bộ chính trị, phưv chủ tịch thường trực côx hôiv muôx jiês uô hâux lưv đros lênhx tov tỉnh Điện Biên lok uô lơưr jênhv vưv chính trị, huôv tsar kinh tế xã hội shông 2016 thiêz 6 luz hli hâur shôngk shông 2017. Hêik ntơưv jiês uô hâux lưv, phưv chủ tịch thường trực Côx hôiv Tòng Thị Phóng kruôk txos têx chêx cur mak tỉnh Điện Biên tưz uô tâu. Hâur co lok vênhv thix du lịch, phưv chủ tịch thường trực côx hôiv hêik mênhx oz tỉnh Điện Biên-Sơn La tưz zênhx muôx têx kror huôv tsar du lịch jông, taz sik sik côngv tsik tâu tâu mak tsuv xav tsưr ziv sik côngv oz tỉnh cov truôx đuô hâur ntu zuôr txos.“Lơưr cur mak zuôr txos no ĐIện Biên-Sơn La xav cov kriz đar tâu du lịch, cêr muk lok jông li no zos sik côngv hêik pâuz tâu têx hax huv, du lịch trâu chor hluôk nênhs txix Hà Nội tuôx Sơn La thiêz Điện Biên. Hok nhiv no nhiv kruôr tuôx txos Sơn La oz hnuz lơưr ho tror kaz muk tsêr. Sơn La sâu tâu jông txix du lịch mak Điện Biên cux tsuv sâu tâu, viv li sơưr đơưk tsuv njuôk xav tsưr ziv uô”./.

                                                                                                                         (Vũ Lợi-Lik Thox cxêik nhênhv)

Hnuz đhâu 1/8, UB tỉnh Yên Bái tsưr tsix ntâus grê iz shôngk krêz uô đề án njuôs xav têx tsêr cơưv đros cưk kriê mê nhuôs zâu, zaoz zux phổ thôngz sâuv thax tsav tỉnh Yên Bái ntu 2016-2020. Lơưr co, đhâu iz shôngk uô, ntơưv Yên Bái tưz txu grês 148 tsêr cơưv, 178 qơư cơưv ntơưr, 169 lớp cơưv, chuôz ndê 5.700 lênhx shux xênhz nhoz ciês hâur tsêr cơưv chiê cơưv ntơưr. HĐ tỉnh Yên Bái cux tưz cuiz tênhv tsês 150 tỷ đeiv pênhr têz qơưk thiêz zuôr xar 40 tỷ đeiv pênhr trái phiếu chính phuv uô đề án hâur six hơưv zuôr txos./.

                                                                                                                        (T. Xuân-Txâur Vax cxeik nhênhv)

Chiê gra siêz tsơưr lươngv, tsiv gri hax huv txir nhãn, zar hnuz kêix 1/8, ntơưv huyện Sông Ma, tỉnh Sơn La tưz tsưr tsix hội thảo, tsưr ziv huôv star txix nhãn truôx đrênhk. Ntơưv hội thảo, chor têiv plor tưz mnôngs hêik pâuz lok qênhx shênhx, tsưr ziv huôv tsar txir nhãn truôx đrênhk sâuv thax tsav tỉnh Sơn La, đros co tưz sêiz lax lok têx cêr chêi, tsưr ziv huôv tsar truôx txir nhãn sâuv thax tsav tỉnh li: zuz nôngz, tsoz phưz, phax tar caz hmoz, kỹ thuật uô, sâu đê txir…Phưv giáo sư, tiến sỹ Nguyễn Quốc Hùng, Viện trưởng viện nhênhz chơưv jâuz txir puz pâuz:

“Hâur ntu zuôr txos mak viện nhênhz chơưv jâuz txir muôx lok six ntâu tsưr ziv kriz uô lok nhênhz chơưv thiêz choz zok kỹ thuật sâuv tsoz ntông nhãn nhoz Sơn La hêik cxuô thiêz Sông Mã hêik taz. Iz hâur pêz li tsưr ziv zos zuôr muôz ntâu zav zuz nôngz yiêz thiêz muôx six hơưv txi txir sik txơưr, zav siêr nzor, siêz ndax chiv thiêz zav nôngz siêz lis, đros li co mak zuôr muôx six hơưv sâu đê truz têr muôx 2 luz hli, 2 hli ntâu trâu thax tsav chos txir nhãn nhoz Sông Mã”./.

                                                                                                                            (Hoàng Long-Lik Thox cxêik nhênhv)

Tas cik hnuz xiêz 1/8, UB huyện Bảo Yên, tỉnh Lào Cai tưz đros têx lưx lươngv tsưr tsix yưr lir hâux lưv txênhz yênhx cxênhz yiv ndis ar nhoz ciês ntơưv Qơư di tích lix xưv têz qơưk tsêr mnov Bảo Hà. Lơưr UB huyện Bảo Yên li pov cov, shông 2005, thâuv uô tiêr tul qox Bảo Hà-Tân An, qar tsav yêz gox đêx Bảo Hà- Tân An tsi huôx tôngv lơưv, pos Hoàng Thị Tuệ tưz chiv chir tsav iz cxiê phaz pênhv ntơưv no. Đrâuv hâux lưv yưr lir têx uô cxâuv heik sâuv, thêv chor ar co trâu chiz coaz coar lik, lưx lươngv muôx txơưx jênhv tsênhv hôx phưx ntu đêx trâus ar côngz chiê mul lol taz por đuô sâuv niêv đêx Liêz./.

                                                                                                                          (An Kiên- Txâur Vax cxeik nhênhv)