Ciês hâur hnuz xuz thơưx hla trâu shông yiêz 2019, ntơưv trôngx đriv ntiêx têz cêr ar số II Kim Thành (thành phố Lào Cai, tỉnh Lào Cai), chor yêz thâux hax huv kôngz nuv Việt Nam sik lơưr liês muk đhâu ntus đriv tâu zôngx ziv.

Chor hax huv hâur jiês xuz thơưx zos Công ty TNHH Ngọc Diệp li 400 ntâu tấn txir thanh long, txix faz Trung tâu uô ntâuz ntơưr chiê thâux muk đhâu trôngx đriv cêr ar Kim Thành tsuôk hâur tsik tâu muôx 10 phênhz. Uô ntêx co, Chor hax huv tưz tâu piêr pâuz thiêz đrêk tok ntơưv qơư đrêk nhoz jê trôngx đriv, viv li paz trâu uô ntâz ntơưr muk lok tâu sêiz đuô. Sâu jênhv thâuv hâur shôngk shông yiêz 2019 no, tưz muôx 10 doanh nghiệp muôs êx hax huv Việt Nam tơưv saz đrâuv têz qơưk, hâur co phênhv ntâu zos kôngz nuv li thanh long, cà phê, hmôngr kok ntông… đros tas nro tsiv gri muôx 700 cxênhz ntâu USD./.

                                                (An Kiên-Lik Thox cxêik nhênhv)

Zar hnuz kêix xiêz 01/1, ntơưv qơư tsav yêz za Điện Biên Phủ, TP Điện Biên Phủ, tỉnh Điện Biên, Sở Vênhx huôv, Thêv thao  thiêz ju lix tỉnh Điện Biên tsưr tsix tsaz yênhx tok têx lênhx kruô ntiêx têz xuz thơưx tuôx ndis shuôs têz qơưk uô si txos thax tsav txix cheix yêz za. Têx lênhx kruô ntiêx têz xuz thơưx tuôx txos Điện Biên hâur shông yiêz no txix tuôx yêz za zos 2 lênhx txir tuz nhoz têz qơưk Anh thiêz iz lênhx zơưv nhoz têz qơưk Mỹ ./.

                                              (Vũ Lợi-Riê Lâux cxeik nhênhv)

Tỉnh Đoàn Sơn La tưz sik côngv đros tsưr tsix siêz jông “Luz tsêr cơưv siêz vav njôngr”, Đônx pênhz phax Chiềng On, huyện Yên Châu, tỉnh Sơn La tsưr tsix tsaz yênhx siêz jông “Ntus yiêz sor siêz ntus đriv”.

Hâur tsaz yênhx, đoanx tưz tsưr tsix uô tiêr 4 luz tsêr cơưv: jok Nà Mùa, Xar Lóng Phiêng; Jok Trạm Hốc, xar Chiềng On; tsêr cơưv cxênhx iz thiêz nhuôs zâu jok Nà Khoang, xar Tú Nang, tas nro tsiv gri xar muôx 500 triệu đêiv. Đuô li, tsênhv khơưk muôz 10 suất học bổng (tsiv gri 500 cxênhz đêiv iz suất) trâu shux xênhz muôx luz nênhx txov nhêv tsêr cơưv cxênhx iz Chiềng On; khơưk muôz 924 luz yo sor, hnaz ntơưr, chưx mêv, ntơưr sâu… trâu shux xênhz, cưk kriê ntơưr 4 luz tsêr cơưv, tsiv gri muôx 110 triệu đêiv ntâu; khơưk muôz “Luz vax jâuz chiến sỹ” trâu cán bộ, chiến sỹ Đônx pênhz phax Chiềng On tsiv gri 21 triệu đêiv ntâu…/.

                                             (KT-Lik Thox cxêik nhênhv)

Txos iz jiês no, ntơưv tỉnh Yên Bái tsi tâu pov muôx qênhx shênhx têx tsiêx lox trâul tuôs no hlo. Tỉnh cux tsênhv tror chox kriê cxuô thax tsav qơư, lar heik zos têx huyện tox siêz cxơưz tiês hâux lưv phax tar no trâu têx tsiêx cxu..... Zơưv Nông Ích Chấn, Phưv Chủ tịch Ủy ban huyện Văn Chấn heik pâuz: “Huyện tưz cxơưz tiês yax kriê đêz đar trâu tsôngv box pâuz lok sâuv têx tsưr ziv phax tar yeiz thiêz no, moz trâu têx tsiêx. Chox kriê canr bôv kỹ thuật, lênhx nênhs uô hâux lưv kho moz tsiêx cxu, cxiz kôngz ntơưv qơư uô jông hâux lưv hâur cxuô thax tsav, hux jos truôx đros cấp ủy, hâu nov ntơưv qơư chox kriê, heik tsôngv box pâuz lok têx faz tsưr ziv phax tar yeiz thiêz no, vêv xênhz, qêz suô têx qơư tu zus tsiêx cxu đu lus, hur si, qênhz yuôx shuôs, phax tir thêir moz trâu têx tsiêx.....”./. 

                                              (Tuấn Xuân-Riê Lâux cxeik, nhênhv)