Hâur 4 hnuz so tsiêz ntiêx têz nhiv kruôr đhâu, thax tsav qơư du lix Mộc Châu, tỉnh Sơn la tưz muôx 15 cxênhz lênhx kruô tuôx uô si sêiz shuôk têz qơưs.

Ntơư zos tsôngv kruô tuôx ndis shuôk têx qơư jông jav li: Trôngz jôngr ntông chiêz jos Áng, sêiz shuôk têx têz chos ntông yuôx zêx, sêiz shuôk thax tsav qơư tu zus nhux tso cuô mik.

Pos Đinh Thị Hường, tsar phôngx vênhx huôv huyện Mộc Châu hêik pâuz tiêk:  Pir li shông uô ntêx, tsôngv kruô tuôx ndis ntux uô si trâu Mộc Châu mak ziv hnuz ziv tsar ndê siêz. Thiêz haur shông no, hâu nov huyện tưz tso tơưv luôs hâux lưv uô huôv tsar du lix côngv thôngx Mộc Châu cov ziv hnuz ziv muôx chôngz lênhx kruô tuôx ndis shuôk txos Mộc Châu./.

                                  (Tsu cxêik nhênhv-Trấn Long)

Tâu yênhx lix cxôngx 7 taz viv trực thuộc Sở y tế, Tsênhv qơư seiz car moz tỉnh Lai châu muôx cuiz tênhv yênhx lix cxôngx hnuz 15/10/2018 thiêz qir huôx tôngv cxôngx hnuz xiêz 1/1/2019. Zơưv Nguyễn Văn Đối, Giám đốc Sở y tế Lai Châu puz pâuz: Tsênhv qơư tâu yênhx lix thiêz têx công chức, viên chức thiêz nênhs lox tôngv muôx ntơưv 7 tsênhv qơư tâu tso lok uô hâux lưv lơưr đề án tưz tâu thôngz đhâu. Hâux lưv no tâu uô yênhx trus, taz por uô jông, tsênhz mênhx thiêz jênh chuv: “Tsênhv qơư yênhx lix thiêz huôx tôngv zuôr muôx têx kror jông đuô thâuv sik côngv têx taz viv uô hâux lưv. Sik côngv yênhx iz tsênhv qơư thâuv krêz uô, mul seiz car mak tsuôk zuôr iz jiês uô; hâux lưv sik côngv têx njiêz luv, tsaz yênhx hâur 7 taz viv no cux krêz uô txos têx huyện jông đuô. Thâuv 7 taz viv sik côngv mak zuôr sênhv 2 qơư uô xưv, zuôr pheiz trâu 2 taz viv cxôngx thâuv yênhx lix txos nhiv no tsi tâu muôx qơư uô xưv zos tsênhv qơư pháp y thiêz Chi cục vêv xênhz taz por zav nox”./.

                  (K.Kiên- Txâur Vax cxeik nhênhv)

Shông 2018, ngênhx y tế Yên Bái tưz fuô uô 129 dịc vụ kỹ thuật trâu cxuô luz tsêr kho moz hâur thax tsav tỉnh, paz phênhv muôx liv trâu tsôngv px tuôx kho moz zôngx ziv trâu têx tsêr kho moz nhoz jê hâur thax tsav. Zơưv Nguyễn Văn Tiến-Giám đốc sở y tế hêik pâuz: Ngênhx y tế hâur thax tsav tưz sir zôngv kỹ thuật siêz chox lok sêiz njuôk kho moz; txix ntơư tưz muôx chôngz lênhx px tuôx sêiz njuôk shuôk moz.

Xav txos trâu nhiv no,  hur si ngênhx y tế tỉnh Yên Bái tưz fuô sir zôngv kỹ thuật siêz chiê chơưv kho têx lênhx nênhs trâus moz gênhk hnhar, sêiz njuôk shuôk moz trưx phax…/.

                     (Tsu cxêi nhênh-VOV4)

Hâur têx hnuz đhâu, jêx tưv qir txu grês kis, tiv zix zos têx huyện tox siêz: Sa Pa, Bát Xát, Mường Khương, tỉnh Lào Cai. Chiê por vêv trâu paz tsiêx cxu, nênhs tu zus iz cxiê xã tox siêz hâur tỉnh tưz lơưr tsiêx cxu mul qơư kis đuô, lok sik cơư hâur guôx, puz nox tâux, kuôr cưk thiêz krâur chiê chuôz cxaz đas jos tir tar no trâu tsiêx cxu. Qiv hơưv txơưr txar tsi so, Sở kôngz nuv thiêz huôv tsar nôngx cxênhz tưz chuôz tsar canr bộ mul têx tiv phaz; ziv chuôz zis chiê qênhz yuôx, heik kriê tsôngv box their guôx, uô vêv xênhz guôx cơư, cơư tsiêx cxu hâur guôx thâuv jêx tưv grês kis, tsi tso kuk..../.

                             ( KT- Txâur Vax cxeik nhênhv)