Shông tưs txos hnuz xiêz 2/9, pox nhuôs têx mênhx cxưx thiêz tsôngv kruô nhoz cxuô qơư ho sik zâuv tuôx Mộc Châu, Sơn La chiê uô si, ndis shuôk. Tuôx no, tsôngv kruô tâu nriêr pâuz têx ntênhs phêv, vênhx huôv chax chês têx mênhx cxưx li: tsưr ziv uô zav nox mênhx cxưx; tuôr nduôr bâuv, uô pax ntâuz, têx tsưr ziv uô si trâur lâus....Tiv zix zos thik piêr kriê vênhx huôv côngv thôngx li tsôngs yo, đhiê pax vuôs....Tix lâuk Khu Xênhv Muôk nhoz jos Tà Số, xã Chiềng Hắc, huyện Mộc Châu heik pâuz: “Niêx shông cux tsi lol nas, shông no xiêz 2/9 ho lol nas, taz sik cux muôx cxix cxuô têx mênhx cxưx, chôngz hênhr. Tas nro chuôz zis sik đros muk uô si, lov jêv hênhr”./.                               

          (Vũ Lợi-Txâur Vax cxêik nhênhv)

Txix 31/8 txos 2/9, ntơưv Lai Châu tưz kriz nthuôr uô ntâu cêr lov jêv hâur Hnuz hôiv vênhx huôv Thể thao cxuô mênhx cxưx txêik tok hnuz 2/9. Ntơưv chor huyện Than Yên, Phong Thổ, Nậm Nhùn, Tân Uyên puôr lênhx sik đros tsưr tsix hnuz hôiv thể thao cxuô mênhx cxưx, đros muôx ntâu zav uô si, zaz zâuv chôngz lênhx nênhs đros nthuôr uô cêr lov jêv. Chor hnuz hôiv vênhx huôv tâu uô đros ntâu kror jông li: sik tưr chêix fuôx, piêr pâuz vênhx huôv, ciêz tox siêz, hnar tsôngk yo mênhx cxưx, sik tưr đhiê kênhx, uô zav nox. Đuô li, ntơưv cxuô huyện tưz tsưr tsix chor zav uô si cxôngx nzor thiêz sik tưr têx zav thể thao mênhx cxưx li: tó má lẹ, sik lâuz pak, truz hluô, tuô hnênhr…/.

(Khắc Kiên-Lik Thox cxêik nhênhv)

Jê ntơưv no, công ty tênhv jos Lào Cai tưz tsưr tsix uô tênhv tênhz trâu 3 jos zos jos Mo1, Mo 2, Mo 3 (xã Xuân hòa, huyện Bảo Yên), chox lol cêr shir phaz trâu tsôngv box hâur hnuz tsiêz xiêz 2/9. Dự án no zos Công ty tênhv jos Lào Cai uô tsưr yưv pênhr, tâu krêz côngz uô hnuz 26/6/2019. Đhâu 2 luz hlik uô, dự án tâu uô tiêr thiêz choz sir zôngv. Hâux lưv no paz 191 ziv chuôzz is nhoz jos Mo 1, Mo 2, Mo 3 thiêz têx tsêr cơưv tâu zôngv tênhv tênhz têz qơưk taz por. No zos 3 jos txov nhêv tiv zix xã Xuân Hòa, đros 3 mênhx cxưx Hmôngz, Cho, Phù Lá nhoz uô nênhx; chor ziv chuôz zis pluôk, chuôz zis zuôr xar pluôk nhoz tas nro 3 jos zos 100%./.

(An Kiên- Txâur Vax cxeik nhênhv)

Xav txos 3 six zar hnuz kêix 2/9 moz ơưk buô Châu Phi muôx yưv ntơưv 2.370 ziv chuôz zis; 315 jêx jok; 103 xar, phường, thị trấn nhoz 9 huyện, thị xar, thành phố tỉnh Yên Bái. Têx tiv phaz tưz muôz muôx 10.400 lir yuôx tsuôs, sir zôngv xar muôx 35.000 cir hmôngr jêz siz chiê tsuôs, mfông tuô lov caz moz, vêv xênhz tênhv qơư tir tar caz moz tsik chiê cik đêz đar trâu cxuô qơư. Tỉnh Yên Bái tưz yênhx lix 76 qơư qênhz yuôx caz moz buô Châu phi./.

(KT-Lik Thox cxêik nhênhv)

Phax tar zax zênhz thiêz nênhs phamv cxâuv, bộ đội pênhz phax tỉnh Điện Biên nhiv kruôr đros Phongx PC 04 Công an tỉnh Điện Biên, têx zênhx pênhz phax Mường Pồn, Mường Mươn ntês tâu 2 lênhx nênhs thâux gra 20 cxênhz njiêr zax zênhz shơư yuôx. Co zos Chinhr Xênhv Zax xênhz shông 1989 thiêz Lưv Xênhv Lik xênhz shông 1989 puôr lênhx nhoz jos Kết Tinh, xã Mường Mươn, huyện Mường Chà, tỉnh Điện Biên./.

(Vũ Lợi-Txâur Vax cxeik nhênhv)