Nhiv kruôr đhâu, tsaz yênhx “Paz max trâu têx nhuôs zâu trâul muôx moz gênhs” đros Viettel Yên Bái, Tsêr kho moz plơưr Hà Nội, tsêr kho moz xênhz zus nhuôs, seiz njuôk shuôs moz plơưr tsi zuôr nhiêx trâu têx nhuôs muôx txix 16 shông tror hâur ntơưv tỉnh Yên Bái. Hâur 2 hnuz, tsaz yênhx tưz seiz njuôk shuôs moz trâu 2.725 lênhx nhuôv. Ntơưv Tsêr kho moz Đa khoa thax tsav Nghĩa Lộ, tsaz yênhx tưz seiz njuôk shuôs moz thiêz heik kriê tsưr ziv tir thêir moz gênhk trâu 1.300 ntâu lênhx nênhs moz, đhâu seiz njuôk shuôs muôx 15 lênhx tsuv tâu fêis kho moz; 5 lênhx chiê tror sox seiz, njuôk shuôs đas jos. Ntơưv tsêr kho moz xênhz zus nhuôs, seiz njuôk shuôs moz trâu 1.425 lênhx nênhs, muôx 49 lênhx qênhz pov cik txos moz plơưr; 12 lênhx tâu heik cov fêis kho moz. Tsaz yênhx “paz max têx nhuôs zâu trâul moz plơưr” zos tsaz yênhx fêis kho moz plơưr jông siêz trâu chor nhuôs zâu uô nênhx pluôs muôx txix 16 shông tror hâur, zos Cuiv nhiêx paz jông siêz VN, Đeix xa đuôz VN thiêz tập đoanx Công nghệ-Viễn thông quân đội (Viettel) sik đros uô. Tsaz yênhx tưz paz max fêis kho moz trâu zuôr xar 6 cxênhz lênhx nhuôv muôx luz nênhx txov nhêv, uô 68 tsaz yênhx seiz njuôk shuôs moz plơưr trâu 130 cxênhz ntâu lênhx nhuôs hâur tas nro têz qơưk, trâul muôx moz thâuv tsênhv xênhz hâur lênhx niêv luz chêr./.

(Yên Bái Online-Riê Lâux cxeik, nhênhv)

Têis cik 2/11, Ban chox kriê cxiv tsa jêx jok yiêz, txo grêk yêiz pluôs truôx đrênhk thị xar Sa Pa, tỉnh Lào Cai tưz tsưr tsix jiês hêik pâuz xar Liên Minh uô tiêr luôs hâux lưv cxiv tsa jêx jok yiêz shông 2020. Đhâu 10 shông kriz uô luôs  hâux lưv cxiv tsa jêx jok yiêz, xar Liên Minh tưz uô tâu tiêr 9 cêik cêr muk lok hâur jêx jok; 99% ntâu chor ziv chuôz zis tâu sir zôngv tênhv tênhz têz qơưk; 96% ntâu chuôz zis tâu sir zôngv đêx hur huv vêv xênhz…; pov njôngr pêx xênhv luz nênhx tưz muôx ntâu hlôngr yiêz. Txos nhiv no, iz lênhx nênhs sâu tâu 36 triệu đêiv nhiêx iz shông; chor chuôz zis pluôs tâu txo grêk yuôr muôx 10%./.

(Báo LC-Lik Thox cxêik nhênhv-Vàng Lan BT)

Thâuv tar su hnuz xiêz 01/11, iz lênhx canr bôv hâur Tiểu đoàn huấn luyện cơ động, nhoz Bộ chỉ huy Bôv đôiv pênhz phax tỉnh Sơn La tưz qênhz pov iz lênhx pox niêv đei chax đaz tuôs ntơưv thax tsav har jôngr nhoz jê taz viv iz saz (pêv kâuv tsêr qơư muôs trox yêz Bó Ẩn, ntơưv jok 1, phường Quyết Tâm, TP Sơn La, tỉnh Sơn La). Đhâu hlo co, lênhx canr bôv no tưz heik zênhx max trâu cơ quan muôx vax huôv pâuz.

Ciês thâuv txeik tâu mông, chor cơ quan muôx vax huôv TP Sơn La thiêz tỉnh Sơn La tưz muk qênhz shuôs, qênhz yuôx.

Đhâu xav jênhv xuz thơưx, lênhx nênhs đei chax đaz tuôs co muôx bê zos N.T.M, xênhz zus shông 1972, nhoz ntơưv jok 1, thị trấn Mường Ảng, huyện Mường Ảng, tỉnh Điện Biên. Lênhx pox niêv heik co tưz qir lưx, lưv lươngv muôx vax huôv heik pâuz, muôx têx tus pox niêv no tưz trâul tuôs kuôk no muôx 7-8 hnuz uô ntêx ntơư.

Đhâu thâuv uô têx ntâuz ntơưr tas, cơ quan muôx vax huôv tưz choz zok lênhx pox niêv tuôs heik sâuv trâu chuôz zis chox muk uô đaz uô kruô trơưk li zuk chei đaz kruôs ntơưv qơư./.

(Trấn Long-Riê Lâux cxeik, nhênhv)