Tsôngv box tox siêz, ntus đriv tỉnh Lai Châu lok six jông siêz thâuv Đại hội Đảng tas nro têz qơưk jiês tiv 13 tâu tsưr tsix yênhx côngz. Pox nhuôs njênhs njôngr Ban chấp hành thiêz Bộ chính trị zuôr muôx ntâu quyết sách, nzor chox Nghị quyết đại hội lok hâur luz nênhx chiê cxuôv yeiz thiv pluôs truôx vênhs trâu tox siêz, ntus đriv, chox têz qơưk ziv hnuz ziv huôv tsar. Zơưv Dờ Xênhv Shôngx, Bí thư Đảng ủy xã Sà Dề Phìn, huyện Sìn Hồ shir phaz heik: “Đại hội tưz xeir tâu têx lênhx nênhs lênhs tov jông lok hâur ủy viên Ban chấp hành, ủy viên Bộ chính trị. No zos têx lênhx nênhs lênhs tov muôx txâuk pênhr xưv txux chi lênhs tov tâu tas nro Đảng thiêz tâu tsôngv box njênhs njôngr. Xar njôngr têx lênhx nênhs lênhs tov no đros zuk li txơưx jênhv zuôr krêz uô nghị quyết, tiv zix zos Đảng li Nghị quyết Đại hội 13, uô têx njiêz luv co hâur luz nênhx, tiv zix zos thax tsav tsôngv box mênhx cxưx tox siêz”./.

(TTTB-Txâur Vax cxeik nhênhv)

Trơưk li Tsênhv qơư  kho moz gênhs tỉnh Yên Bái seiz njuôk shuôs moz, lênhx nênhs tâu nhoz jê đros lênhx nênhs trâul moz tâu sâu jênhv hnuz xiêz 1/2 ntơưv xã Nậm Búng, huyện Văn Chấn tưz pâuz tsênhz zos tsi trâul moz Covid-19. Đhâu hlo thâuv lênhx nênhs no cheix yêz kruô txix Hà Nội lok hâur thax tsav qơư tưz tâu chox mul kuôk cêv nưk nhoz nưk iz kro thiêz tso nyar seiz njuôk shuôs moz. Uô ntêx ntơư, Yên Bái cux muôx 5 lênhx nênhs zos tâu nhoz jê đros tus nênhs moz, đhâu seiz njuôk shuôs jiês iz tsi pov trâul moz SARS-Cov-2./.

(Thừa Xuân-Riê Lâux cxeik, nhênhv)

Hâux lưv cxơưx tsiêz trâu ziv chuôz zis pluôs, chuôz zis tâu sơưv cêr chei tsênhv tâu têx cấp têx nganhx tỉnh Điện Biên tsov cưv krêz uô. Đhâu seiz shuôk, tas nro tỉnh muôx 5 cxênhz 300 ntâu ziv chuôz zis, đros 22 cxênhz ntâu lênhx nênhs zuôr trâus tâu paz txưv chơưv yeiz hâur ntu nox tsiêz. Lơưr co, tỉnh tưz muôz cxôngx tiv phaz li phênhv cxênhx tsês paz tas nro 332 cxênhz 850 cir cxur trâu têx ziv chuôz zis pluôs. Zơưv Nguyễn Thanh Sơn, Giám đốc Sở lox tôngv saz pênhz thiêz xã hội tỉnh Điện Biên puz pâuz: “Nhiv no tưz xar txos tsiêz shông 2021. Sâuv tas nro 10 huyện, thị xã, thành phố sâuv thax tsav tỉnh puôr lênhx muôx têx đoanx muk khơưk muôz huv trâu têx lênhx nênhs muôx côngz, chuôz zis pluôs, lênhx nênhs tsi muôx qơư khov vav, mê nhuôs muôx luz nênhx txov nhêv tiv zix”./.

(Thu Thùy-Txâur Vax cxeik nhênhv)