Tỉnh Sơn La muôx 1.315 lênhx muk sêiz shuôk têz qơưs txix Đà Nẵng thiêz tỉnh Quảng Nam tror lok hâur thax tsav, chor hêik ntơư nhiv no tsênhv taz tov tâu cêv kuôk nhoz hâur zuk tsêr.

          Chor hêik ntơư, muôx 16 lênhx nhoz huyện Mộc Châu, Thuận Châu, Phù Yên thiêz đrôngl Sơn La, tâu xav muôx têx jiês nziv trâus cik moz Covid-19, viv chor nênhs co pov muôx yưv uô cuz uô no thiêz chor nênhs hêik co tưz tâu chox  muk chơưv kho, sêiz njuôk shuôk moz trâu tsêr kho moz thiêz cêv kuôk. Đhâu sêiz njuôk shuôk, 16 lênhx nênhs hêik co tâu xav zos trâus cik moz Sát-Covi 2. Txơưv li ntơư, tsôngv px tsik cxoz cxơưx, tsuv muôz siêz truôx bo cêv kuôk, tsưx phơv jông đas jos./.

                                                                                   Tsu cxêik nhênhv-Chia -Thành BT

Cux ntơưv tỉnh Sơn La, 2 hnuz đhâu, ntâu tiv phaz hâur tỉnh muôx ntux lok nas, tiv zix zos thax tsav faz nam tỉnh muôx ntux nas lox. Têx hnuz lơưr no, tỉnh Sơn La tror muôx ntux lok nas, têx qơư mak lok nas lox. Ntơưv têx huyện: Vân Hồ, Mộc Châu, Bắc Yên, Yên Châu zôngx ziv muôx yưv chuô lox, ar poz. Đros ntux yar ntux nas txơưr txar phiv liv, Ban sêiz car phax tar ntux têz uô hiêv thiêz zok nriêr chơưv paz 12 huyện, thành phố hâur tỉnh tưz bax kriz uô têx tsưr ziv phax tar, txar qơư nhoz trâu chor chuôz zis ntơưv têx qơư phiv liv muk trâu chor qơư ngaz tuk; tiv zix zos bax cxix cxuô lênhx nênhs, cxuôz zav chiê tir tar têx phiv liv muôx yưv./.

(Trấn Long-Lik Thox cxêik nhênhv)

Viv coz nas chuô số 2 uô ruôr hiêv, hâur thax tsav đrôngl Yên Bái tưz muôx yưv ntux lok nas lox zâu. Chênhr zos li hêik ntơư, Chủ tịch tỉnh Yên Bái tưz  muôx luk chox car cxuô lênhx hâur Ban sêiz car tir thêir nas chuô, chơưv paz lênhx nênhs; uỷ Ban cxuô huyện, thành phố tsuv muk sêiz shuôk, qênhz yuôx, zos pov thax tsav qơư tưs zôngx ziv trâus đêx nas cuôr yôngz lok sik ar trâus poz; tsuv yêik zênhx max chor chuôz zis nhoz têx thax tsav qơư muk nhoz trâu têx qơư tsik riêz nênhs, nas chuô tsik uô ruôr hiêv txos sđ li luz nênhx nox nhoz muk lok hâur niêx hnuz./.

                                                                                Tsu cxêik nhênhv-Thừa xuân-Chia BT

Lơưr qơư njuôk ntux yar ntux nas tỉnh Lào Cai, txix hmo 2/8, ntơưv Lào Cai muôx ntux nas sâuv thax tsav đar. Iz cxiê qơư ntux lok nas lox. Jiês ntux nas no mak zuôr truz ntêr txix 4 txos 5 hnuz. Đhâu thâuv pâuz tâu têx xor mông, têx tiv phaz  hâur tỉnh Lào Cai tưz sêi đrơưv tso tơưv tsưr ziv chiê phax, tar, đros co zos qênhz shuôk têx qơư phiv liv, zôngx ziv trâus ntux têz uô hiêv chiê phax tar. Zơưv Quảng Văn Việt, phưv chánh văn phòng Ban sêiz car ntux têz uô hiêv thiêz zok nriêr chơưv paz tỉnh Lào Cai puz pâuz:“Hâux lưv yax kriê mak tsêx trung trâu têx tsưr ziv phax, tar ntux têz uô hiêv chiê pêx xênhv pâuz tâu tsuv uô li chak uô ntêx, hâur thiêz đhâu trâus ntux têz uô hiêv txos chiê txar jav tâu cxuô kror phiv liv muôx yưv”./.

(An Kiên-Lik Thox cxêik nhênhv)