Hnuz xiêz 3/10, Đoanx đại biểu Quốc Hội tỉnh Sơn la tưz tsưr tsix hội nghị chiê hêik cxaz nzir trâu dự án chêi cxiv kho đuô cxaz nzir iz cxiê grê hâur chêi zoz zux Đại học ntơưv tsêr cơưv đại học Tây Bắc. Hâur jiês cơưv no, muôx hâu nov sở, Ban ngênhx hâur thax tsav tỉnh Sơn la cux tuôx đros cơưv. Luôs hâux lưv cxiv kho đuô cxaz nzir uz cxiê grê lok chêi zoz zux jiês no muôx 12 yôngx, 73 grê. Ntơưv jiês cơưv,  cxuô lênhx đại biểu cux xav tiêk: Luôs hâux lưv cxiv kho đuô cxaz nzir chêi zoz zux đại học shông 2012 cux zov chênhr, chiê cxiv kho têx chiê ntơư cov huv đros cxuô têz qơưs sâuv ntiêx têz. Zơưv Phan Đức Ngữ, phưv chủ tịch Liên Hiệp cxuô hội khoa học kyz thuật tỉnh Sơn la hêik pâuz:

 “Iz chas têx luôs hâux lưv zuk tưx uô tâu truôx mak pêz tsuv cxươz cxiz thiêz hlôngr yiêz uô cov tâu truôx đuô cxuô luôs hâux lưv jông hâur tsêr cơưv, chơưr lươngx siêz, muôx liv trâu sđ”./.

                                                                                (Tsu cxêik nhênhv-Trấn Long)

Hâur 2 hnuz xiêz 6-7/10/2018, tsêr kho moz plơưr Hà Nội zuôr đros  Cuiv paz txưv Vinacapital thiêz Cuiv paz txưv mê nhuôs tỉnh, Tsêr kho moz đa khoa tỉnh Điện Biên tsưr tsix seiz njuôs, fuô moz plơưr trâu mê nhuôs pluôs, mê nhuôs tâu sơưv cêr chei hâur thax tsav tỉnh. Lơưr co, nhoz huyện tâu tsưr tsix seiz njuôs lok hnuz xiêz 6/10 ntơưv 2 qơư. Qơư tiv 1 zos ntơưv Tsênhv qơư y tế huyện Tuần Giáo muôx têx huyện: Tuần Giáo, Tủa chùa thiêz Mường Ảng. Qơư tiv 2, ntơưv tsênhv qơư y tế huyện Mường Chà, muôx têx huyện Mường Chà, Nậm Pồ, Mường Nhé thiêz thị xã Mường Lay. Đros tỉnh, tâu tsưr tsix seiz njuôs hnuz xiêz 7/10, ntơưv tsêr kho moz đa khoa tỉnh Điện Biên. Lênhx nênhs tâu seiz njuôs zos mê nhuôs mos txos chor muôx 18 shông, njuôs xav trâus moz plơưr thâuv nhiv kruôr xênhz zus lol, zuôr tâu têx chuyên gia, bác sĩ cxôngx Tsêr kho moz plơưr Hà Nội thiêz bác sĩ Tsêr kho moz đa khoa tỉnh Điện Biên seiz njuôs, heik kriê ntơưv qơư./.

                                                                                    ( KT- Txâur Vax cxeik nhênhv)

Hnuz xiêz 3/10, công an huyện Tân Uyên, tỉnh lai Châu hêik pâuz: Công an tsênhv taz tov cơư zơưv Lò Văn Liên, xênhz shông 1995, nhoz jos Hua Chang, Thị Trấn Tân Uyên, huyện Tân Uyên, chiê qênhz yuôx cov tsênhz mênhx qir tiv, uô cxâuv chêi tuô lênhx nênhs.

Hâur hmo xiêz 1/10, zơưv Lò Văn Liên muk hâur chơưr lok txos tsêr, nưk txir zos zơưv Lò Văn Văn, 47  tsênhv taz tov jâuv hâur chơưr hâur tsêr taz kruô. Txơưv zơưv Liên tưz hâuk ntâu chơưr, taz sik Liên cux lok jâuv đros nưk txir taz kruô. Taz sik, đhâu thâuv kruô muk tsêr tas, Liên thiêz Văn oz txir tuz tưz muôx luk siz char siz chês thiêz zơưv Văn ho muôz trôngx mor ndơưk nquôr tas. Đhâu ntơư, zơưv Liên bâu tơưk, zơưv Liên thiêx muôz iz traz triêv ntax nưk tưx uô chox ok tuô zơưv Văn, zos Liên txir  tuôs ciês ntơưv qơư.

Nhiv no, công an tsênhv taz tov qênhz yuôx uô cov tsênhz mênhx chiê muôz zơưv Lò Văn Liên tik cêr cxâuv cov zos đrêiv chêi têz qơưs tso tơưv./.

                                                                              (Tsu cxêi nhênhv-An Kiên-Tây Bắc)

  Công an huyện Bảo Thắng, tỉnh Lào Cai nhiv kruôr ntês tâu 2 lênhx nênhs tuz saz tuz nhas sâuv thax tsav. Uô ntêx co, Công an huyện Bảo Thắng jênhv tâu xor mông lok txuz hâux lưv niêv lâuk Lương Thị Ca xênhz shông 1988 nhoz jos Nhuần 2, xã Phú Nhuận, huyện Bảo Thắng, tỉnh Lào Cai tsênhv mul yêz meir thâux tul txir zos tix lâuk Hoàng Văn Bộ cxôngx hâur tsêr mul tsêr kho moz đa khoa huyện Bảo Thắng txơưv trâus 2 lênhx hluôk nênhs mul iz luz yêz meir huôz niêv lâuk Ca li luz hnaz. Thâuv jênhv tâu xor mông, CÔng an huyện Bảo Thắng tưz qênhz yuôx, xav tênhv tâu 2 lênhx nênhs co zos Hoàng Văn Thỏa thiêz Hoàng Văn Hiệp ( puôr lênhx nhoz xã Võ Lao, huyện Văn Bàn) thâuv huôz tâu niêv lâuk Ca li luz hnaz, 2 lênhx nênhs fêv co tưz tsir mul qơư txơưr. Đhâu hâux lưv vênhv tôngv, hnuz xiêz 2/10/2018 2 lênhx nênhs co tưz chiv chir tuôx chiz coaz Công an jênhv hâux lưv uô cxâuv. Chêx cuk qênhz yuôx tso pov, 2 lênhx nênhs no puôr lênhx muôx zênhs zax zênhz. Nhiv no, hâux lưv no tror tâu chiz coaz qênhz yuôx uô cov tsênhz mênhx./.

                   (BTS- Txâur Vax cxeik nhênhv)