Tas cik hnuz xiêz 3/6, Thành đoanx Yên Bái tsưr tsix ntênhs uô lơưr “Hnuz ciêz njuôz hur jông”, đros thiêz muôx 350 lênhx hluôk nênhs cxaz chuôz. Uô lơưr têx cêr uô ntêx nyuôs hâur cxuô luôs hâux lưv, chor hluôk nênhs tưz tsưr tsix qêz suô têx kiêk nênhs vuôz tsuôz; luôx, đoz đu lus têx đrox ntơưv ntus pak đêx, hâur pak đêx qơư uô si Yên Hòa thiêz thoz huk tul đêx Ngòi Yên hâur phườngHồng Hà, cov đêx ntưk tâul, tsi pur, tsi ngaz hâur cheix ntux nas.

No zos hâux lưv uô tsênhv tsênhz hơưv tok hnuz tênhx qơư ntiêx têz xiêz 5/6 thiêz qir uô têx hâux lưv hluôk nênhs uô têx nuv jông siêz cheix ntux sor shông 2018, paz gra siêz canr bôv, đoanx hluôk nênhs, têx tuz nxeik nhuôs zâu thiêz tsôngv px sđ txux chi, tsưr ziv jênhv pâuz hâur por hưv tênhx qơư nox nhoz cov hur si, đu lus./.

(KT-Riê Lâux cxeik, nhênhv)

Trơưk six hơưv tsưr tsix Ciêz vênhx huôv-ju lix ntơưv huyện Bắc Hà, tỉnh Lào Cai shông 2018, yênhx cxênhz tênhr txir khơưz nyar- iz hâur têx xiv huv nto bê nhoz tiv phaz tsênhv siêr liêz vok chiê tsôngv kruô tuôx nox siv. Lơưr nganhx kôngz nuv huyện li ntâus grê, txir khơưz nyar shông no tâu chiv cheix, muôs tâu grê. Đros mênhv chêx 550 hecta, huyện li chor txir khơưz njuôs xav tax 3.500 tênhr, txâuk chiê cungz trâu niêv ciêz. Xav txos six hơưv tsưr tsix Ciêz vênhx huôv- ju lix, pox nhuôs nôngx mênhx chos txir khơưz tưz đê thiêz muôs trâu tsôngv kruô nhoz đêz tuôx thiêz têx lênhx nênhs uô luôv. Ciêz vênhx huôv- ju lix Bắc Hà 2018 tsưr tsix cxôngx hnuz xiêz 1/6 txos hnuz xiêz 9/6 đros ntâu huôx tôngv jông li tưr thik cheix nênhk chax chês, tuôv yêz, ndis seiz dinh thự Hoàng A Tưởng, piêr kriê đuôz shav, têx zav nox nto bê, nriêr pâuz pax vuôk xòe Tà Chải....No zos huôx tôngv vênhx huôv ju lix lox tiv zix cxôngx thâuv ntêx txos nhiv no tâu tsưr tsix nhoz tox siêz no./.

(An Kiên- Txâur Vax cxeik nhênhv)

Thâuv 3 six 30 zar hnuz kêix xiêz 3/6, ntơưv cêik cêr 4+209, txox cêr lox sôr 279 hâur jok Huổi Hạ, thị trấn Tuần Giáo, huyện Tuần Giáo, tỉnh Điện Biên muôx iz txuz yêz ntos tox, uô iz lênhx trâus saz. Thâuv luz six hơưv heik sâuv, luz yêz lox HINO, muôx biển số 98C-16948 zos Đỗ Việt Đức, xênhz shông 1988, nhoz ntơưv Hải Dương tsar tsênhv muk txix Tuần Giáo-Điện Biên lok txos trâu ntơưv đrơưv trôngz Tà Cơn, jok Huổi Hạ, thị trấn Tuần Giáo txơưv trâus blênh los, ntos tox pôngz trâu hâur cưx ha toz. Luz yêz co thâux muôx 1,5 tênhr điz cuô cux trâus ntos tox, tơưl tas por tsês thiêz luz tâuz hâu yêz mak tơưs, pluôr tsi jông tas hur si. Lênhx nênhs tsar yêz trâus lor têk tưz tâu chox zênhx max muk chơưv kho trâu tsêr kho moz. Đhâu hlo muôx yưv têx li heik sâuv, lưv lươngv muôx vax huôv, Cảnh sát zoz thôngz huyện Tuần Giáo, tỉnh Điện Biên tưz zênhx max muôx njêx muôs ntơưv qơư chiê qênhz yuôx shuôs, uô tsênhz mênhx qir tiv./. 

(Vũ Lợi-Riê Lâux cxeik, nhênhv)

Xưk li tưz tso mông lok 2 lênhx nxeik trâus plox mông zos Lường Thị Tâm thiêz Vì Thị Tiêm, puôr lênhx cơưv lớp 10 nhoz xã Nà Nghịu, huyện Sông Mã thor mul ndis shuôk ju lix đros fôngx zưs taz sik tsi pov tror lol tsêr. Thâuv chuôz zis nus cưk kriê thiêx li pâuz 2 lênhx nxeik co đas niêv txir. Chuôz zis lok six cxơưx thiêz nriêr cxuô qơư, pov trâu chiz coaz Công an huyện Sông Mã chiê tâu paz max. Txos zar hnuz keix hnuz xiêz 2/6, zơưv Lường Văn Lả, xã Nà Nghịu puz pâuz: Đhâu sir jos nriêr cur tul nxeik zos Lường Thị Tâm thiêz nưs tul fôngx zưs zos Vì Thị Tiêm, txos nhiv no chuôz zis tưz nriêr tâu 2 lênhx ntơưv Hà Nội, tsênhv chox lol tsêr, njuôs xav 9 six tsâus ntux thiêx chox lol txos. Tâu pâuz, chuôz zis 2 lênhx nxeik lok six txov nhêv, iz ciêz đhâu, 2 chuôz zis tưz tsuv txeik ntâu nhiêx txiêx chiê mul nriêr 2 lênhx nxeik trâus plox mông./.

    ( KT- Txâur Vax cxeik nhênhv)