UB qênhz yuôx tỉnh ủy Điện Biên nhiv kruôr muôx thôngz pov heik trâu pov tsir lok hâux lưv ntâu tiv phaz, đangv viên tỉnh Điện Biên muôx têx uô cxâuv zov chênhr, tsuv seiz shuôk kỷ luật. Lơưr co, Ban thường vụ Huyện ủy Nậm Pồ tưz muôx têx uô cxâuv hâur lênhs tov, chox kriê uô côngz xưv cán bộ, coar lik ar têz, nhiêx txiêx; Ban thường vụ huyện ủy Mường Nhé hâur lênhs tov, chox kriê tsi qênhz yuôx, seiz shuôk jông chiê muôx yưv têx uô cxâuv hâur uô cui chế uô hâux lưv, côngz xưv cán bộ, coar lik ar têz, yưv pênhr cxiv tsa, nhiêx txiêx; Ban thường vụ Huyện ủy Mường Chà uô cxâuv hâur lênhs tov, chox kriê tsưr tsix uô Ban chấp hành Đảng bộ huyện li cui chế uô hâux lưv, uô zênhr shar txos tiv phaz./.                               

(Vũ Lợi-Txâur vax cxêik nhênhv)

Đhâu thâuv UBND tỉnh Lào Cai tso tơưv cui tênhv lok phênhv paz têx trâus hiêv hâur phax tar caz moz tsiêx cxu, hâur co muôx moz ơưk buô Châu Phi. Têx tiv phaz hâur tỉnh piz muôz paz trâu chor chuôz zis muôx buô trâus moz. 9 ziv chuôz zis xuz thơưx ciês tâu paz nhoz ntơưv oz xar Phong Niên, Xuân Quang thiêz Thị trấn Phong Hải, huyện Bảo Thắng (tỉnh Lào Cai). Tas nro phênhv paz trâu chor chuôz zis zos 355 triệu đêiv trâu 11 tấn ntâu buô trâus tuôs tiv caz moz lơưr gri nhiv no zos 28 cxênhz đêiv iz cir buô mê nhuôv, buô grêix thiêz 42 cxênhz đêiv iz cir trâu chor tơư buô thiêz mâuv buô. Zơưv Nguyễn Anh Tuấn, Giám đốc Sở kôngz nuv thiêz huôv tsar jêx jok, tox siêz tỉnh Lào Cai puz pâuz:“Pêz hêik pox nhuôs uô jông lơưr tsưr ziv “5 tsik uô”: tsik jêik caz moz; tsik thâux xa buô thiêz têx zav txix buô muk lok hâur qơư muôx moz; tsik tuô fêik, muôs buô moz; tsik muôz têx buô moz trâus tuôs por tsês cxiê qơư; tsik sir zôngv zav nox sênhv thiêz tsik tâu đhâu xưv lik. Pêz cux yax kriê đêz đar chiê pox nhuôs pâuz tâu tiêk moz ơưk buô Châu Phi tsik cik trâu lênhx nênhs, hâux lưv zuôr muôs buô pâuz tsênhz qơư tsik muôx moz cux tâu uô jông, paz tsar tov trâu uô xênhz yar tâu ngaz tuk”./.

(An Kiên-Lik Thox cxêik nhênhv)

Lok nas lox ntâu hnuz đhâu sâuv thax tsav tỉnh Điện Biên tưz uô iz cxiê tiv phaz hâur tỉnh muôx đêx cuôr yôngz, tox poz. Tas sik hnuz đhâu ntơưv jos Nà Sản B, xã Xa Dung, huyện Điện Biên Đông đêx cuôr yôngz tưz cuôr lơưv 2 lênhx nênhs; 1 lênhx nênhs trâus saz. Tas cik sơưr nzor hnuz đhâu, đêx cuôr yôngz muôx yưv ntơưv jos Nà Sản Ba tưz uô tsôngv box thiêz chinhr quyênx tiv phaz yưr lir tsi zênhx. Đêx cuôr ciês niêv lâuk Mo Xênhv Thox xênhz shông 1997 li tsêr nhoz, uô niêv lâuk thiêz tul mê nhuôv nxeik zos May Xênhv Lâux xênhz shông 2018 trâus đễ cuôr lơưv. Tix lâuk Thái Xênhv Lâux zos niêv lâuk Mo tul txir cux trâus saz hnhar. Ruôr hiêv qir thơưx tiv ntux nas njuôs xav zos 150 tsov đeiv./.

(K.Kiên- Txâur Vax cxeik nhênhv)

Chêix ntux nas chuô shông 2018, tỉnh Lai Châu trâus hiêv ntâu lok lênhx nênhs thiêz cxuô zav, hâur co têx côngz trinhx zoz thôngz, đêx liv, tsêr cơưv ntơưr thiêz vax tsêr, tsoz chos cxuô zav tas muôx 400 tiv đêiv ntâu. Cux hâur chêix ntux nas chuô shông uô ntêx, tiv phaz tưz tsuv txar qơư nhoz sêi đrơưv trâu 100 ntâu ziv chuôz zis muk nhoz trâu têx qơư yiêz. Lơưr thôngz sâu, nhiv no tas nro tỉnh cux tsênhv yuôr muôx 200 ntâu ziv chuôz zis tsênhv uô nênhx nhoz jê ntơưv têx ntus cưx đêx, cưx ha thiêz têx qơư zuôr njiz trâus phiv liv siêz. Taz sik, hâux lưv tsưr tsix txar qơư nhoz trâu chor ziv chuôz zis no tsênhv uô tsik tâu tâu tiv muôx tsik txâuk nhiêx txiêx: Zơưv Hà Văn Um, Giám đốc sở kôngz nuv-huôv tsar tox siêz Lai Châu hêik pâuz:“Nganhx Kôngz nuv đros phưv chủ tịch UBND tỉnh muk qênhz yuôx ntơưv têx huyện Nậm Nhùn, Phong Thổ thiêz Sìn Hồ. Nhiv no pêz cux tưz muôx hêik pâuz lok têx qơư tsik ngaz tuk mak tsuv txar qơư nhoz ciês. Hok kror tưs tsik yuô phiv liv mak cux tsuv max mav uô, viv nhiv no tỉnh Lai Châu nhiêx txiêx tsês trâu hâux lưv phax tar ntux têz uô hiêv muôx tsik ntâu. Kror qơư tưs tsik yuô cxơưx thêv mak tỉnh max mav njuôk xav chiê txar jux juk”./.

(Khắc Kiên-Lik Thox cxêik nhênhv)

Công an đrôngs Sơn La, tỉnh Sơn La nhiv kruôr pov thiêz ntês tâu Nguyễn Thị Yến xênhz shông 1966, nhoz phường Chiềng Sinh muôv muôs tsi trơưk cêr chei zax zênhz. Sâu tâu 1 cxênhz 200 njiêr zax zênhz, đros iz cxiê chuôz zênhx txơưr. Krêz đar tơưv txênhz, lưx lươngv Công an ntês âu Nguyễn Hữu Chuyên xênhz shông 1979 nhoz huyện Thủy Nguyên, đrôngs Hải Phòng sâu tâu 2 đeiv zênhz đơưz, 6 cxênhz 800 njiêr zax zênhz đros ntâu chuôz zênhx txơưr muôx lênhx coaz. Txuz hâux lưv tâu lưx lươngv công an tror qênhz yuôx uô tsênhz mênhx./.

(Trấn Long-Txâur Vax cxeik nhênhv)