Ciês đhâu jênhv tâu xor mông ntơưv huyện Mù Cang Chải, tỉnh Yên Bái trâus huôv ntâu tiv ntux nas đêx ngaz cuôr, hnuz 3/8, phưv Thủ tướng chính Phủ Trịnh Đình Dũng đró đoàn côngz xưv tưz qênhz yuôx, chox kriê khưx phưx têx trâus hiêv ntơưv huyện Mù Cang Chải. Hêik trâu Thủ tướng, pos Phạm Thị Thanh Trà, Bí thư tỉnh ủy Yên Bái puz âpuz: xav txos 6 six zuôr tsâuk ntux hnuz 3/8, jiês ntux nas đêx ngaz cuôr tưz uô 15 lênhx nênhs tuôs thiêz tsik pov, 9 lênhx nênhs trâus saz; 32 luz yêr trâus cuôr yôngz tas hur si; 6 côngz trinhx tsêr cơưv ntơưr, đros yenhx châuv luz tsêr txơưr đuô trâus puôk tsuôx hnhar viv ar poz. Đhâu thâuv qênhz yuôx tsênhv tsênhz, phưv thủ tướng chính phủ Trịnh Đình Dũng hêik tỉnh Yên Bái thiêz huyện Mù Cang Chải tror bax khưx phưx têx phiv liv tiv ntux nas chuô, nzor truôx tuk luz nênhx thiêz uô xênhz yar trâu pêx xênhv; sir jos zok nriêr nênhs tsik pov thiêz chơưv kho nênhs trâus saz, tsik chiê huôv xênhz moz gênhs…./.

                                                                             (Tuấn Xuân-Lik Thox cxêik nhênhv)

Tsuôk hâur iz hmo xưz, iz chas têx trâus uô ruôr hiêv lok lênhx nênhs, đêx nas chuô lox tưz cuôr yôngz, uô hiêv tas ntâu têx chuôz zênhx, côngz trênhx uz no ntơưv huyện Mường La, tỉnh Sơn La, njuôk xav têx trâus uô ruôr hiêv xuz thơưx tas muôx nhos 375 tỷ đeiv.

Zar tsâuk ntux thiêz hmo xiêz 3/8 ntơưv huyện Mường La tror muôx ntux nas, têx đêx pêv hâur đêx thiêz thax tsav Ngọc Chiến, Nậm Păm tror muôx đêx huôv hloz lok trâu thị trấn Ít Ong uô ntâu ziv chuôz zis tsôngv box têx vax tsêr ziv trâus uô ruôr hiêv hnhar. Txix têx li heik no, UBND thị trấn Ít Ong tưz hu sơưr đơưk sik đros yeik txar 36 chuôz zis tsôngv box muk nhoz qơư taz por. Hâur hmo xiêz 3/8, têx chuôz zis tsôngv box cux tưz bax uô têx faz tsưr ziv taz por truôx tuk trâu chuôz zis lênhx nênhs thiêz chuôz zênhx chuôz tas. Zơưv Nguyễn Văn Nhã, Chủ tịch UBND thị trấn Ít Ong, huyện Mường La heik: "Tâu ntêr shông lok no tưz tsi tâu pov muôx iz jiês tưs ntux nas zuôr lox li no thiêz tsi tâu muôx iz jiês tưs njiz trâus li no hlo. Hur tiz si cxuô lênhx sơưr đơưk tưz sik đros seiz jor, qênhz shuôs ntơưv têx qơư zôngx ziv trâus uô ruôr hiêv, hâur ntơư muôx hur si têx lưv lươngv hâur tỉnh thiêz thị trấn. Iz cxiê chuôz zis tsênhv zôngx ziv trâus đêx nas cuôr yôngz, uô hiêv nzir mak pêz yêik txar tsôngv box muk nhoz trâu têx qơư truôx tuk đuô"./.

                                                                      (Thanh Thủy-Riê Lâux cxeik, nhênhv)

Thâuv muôx 2 lênhx nênhs tsik pov ntơưv jok Cô Lô Hồ, xã Tà Tổng, huyện Mường Tè, tỉnh Lai Châu cux tsênhv nriêr tsik tâu pov, mak ntơưv jok Căn Ma, xã Nậm Hăn, huyện Sìn Hồ, niêv tix Tẩn Thị Nhạn zus shông 1997, thâuv muk uô têz đhâu đêx Can Ma tưz trâus đêx cuôr yôngz thiêz trâus tuôs zar hnuz kêix 2/8. Chính quyền tiv phaz tưz sêiz nus, paz trâu chuôz zis 5 triệu đêiv. Đuô li, 32 ziv chuôz zis nhoz chor jok Nậm Chà, táng Ngá xã Nậm Chà, huyện Nậm Nhùn tsuv txar qơư nhoz sêi đrơưv tiv ntux lok nas lox, đêx pur siêz fưx lok trâu chor chuôz zis nhoz trơưk ntus đêx.

Đros qiv hơưv txơưr txar phiv liv, UBND tỉnh Lai Châu tưz chox kriê Ban chỉ huyz phax tar ntux têz uô hiêv thiêz zok nriêr chơưv paz chor huyện sêi đrơưv chox kriê chor lưx lươngv, kriz uô côngz xưv tir tar, khưx phưx têx phiv liv. Haur co tsêx trung thoz huk têx ar poz jêz poz lok sâuv têx cêr; sir jos yax kriê, hêik lok ntux nas chuô, ar poz thiêz têx tsưr ziv phax tar trâu pêx xênhv pâuz./.

                                                                            (Khắc Kiên-Lik Thox cxêik nhênhv

Nhiv no hâur thax tsav huyện Nậm Pồ, tỉnh Điện Biên cux tror muôx ntux nas lok lox, uô tox poz ar lơưk nhoz têx cêr lox mul lok hâur tsênhv qơư huyện thiêz iz cxiê xã ntus đriv. Sik thav đros têx tuz sâu xor xưv VOV tas cik hnuz xiêz 3/8, zơưv Nguyễn Văn Thái, Chủ tịch UBND huyện Nậm Pồ heik pâuz: Nhiv no hâur huyện Nậm Pồ cux tsênhv trâus đêx nas ngaz tưz muk tsi tâu đhâu trâu kror tưs. Lok sâuv têx trâus uô ruôr hiêv txơưr đuô tiv đêx nas uô hâur thax tsav huyện Nậm Pồ, muôx nhos 10 ntâu luz tsêr ntơưv têx xã Chà Nưa, Chà Tở tsuv yeik txar qơư nhoz zênhx max hâur hmo tiv đêx nas lok ngaz. Iz chas ntơư, đêx nas cux cuôr yôngz iz luz yêz meir, uô hiêv tas muôx 20 ha têx pak njêl; 70 ntâu ha blêx thiêz têx kôngz trâus ar, poz jêz cxuz, zuôr xar 20 cêik cưx đês liêx trâus đêx nas cuôr yôngz, ntâuk lor tsi jông tas. Njuôk xav têx trâus uô ruôr hiêv tưz ndê txos muôx 13 tỷ đeiv./.

                                                                        (Vũ Lợi-Riê Lâux cxeik, nhênhv)