Uô ntêx hnuz krêz shông cơưv yiêz cux zos thâuv ntâu jok, xã thax tsav tox siêz hâur huyện Mường Tè, tỉnh Lai Châu nhiv kruôr hla đhâu têx trâus ruôr hiêv tiv đêx nas chuô uô. Nhiv no ntâu txox cêr mul lok cux trâus xưz poz lox, iz cxiê tuk qox trâus đêx nas cuôr yôngz tsi jông tas..... Pos Phạm Thị Hương, Phưv tsar phongx Zoz zux thiêz Thox cxov huyện Mường Tè heik pâuz, đros trâu Ban giám hiệu, têx lênhx cưk kriê ntơưr cux li cấp ủy, hâu nov têx xã cêr moz siêz, tsênhv muôx canr bôv, chiến sĩ têx zênhx pênhz phax hâur thax tsav đros paz thiêz. “Têx tsêr cơưv txix ciês hâur shôngk shông cơưv cux tưz lês uô zênhx max têx hâux lưv bax trâu kriê txux chi, tsưr tsix qơư nox nhoz ntơưv têx tsêr cơưv trâu shux xênhz thiêz tsưr tsix uô têx hâux lưv ngoại khóa, muôz qơư uô si lov jêv trâu shux xênhz thâuv tuôx tsêr cơưv, cơưv ntơưr”./.

                                     (TTTB-Riê Lâux cxeik, nhênhv)

Đros tsênhz njiêz “Tuôr chiê, phuôx huiz thiêz hêik pâuz têx tsiv gri vênhx huôv jông cxuô mênhx cxưx”, nhiv kruôr đhâu, ntơưv jok Mường Chiến, xar Ngọc Chiến (Mường La, Sơn La) tưz muôx ntênhk hôiv hơưv mor blêx yiêz shông 2019. Kriz thơưx trâu ntênhk hôiv mor blêx yiêz zos phongx cxưx txi côngv mor blêx yiêz ntơưv tsêr txi côngv pox côngz zơưv côngz jok Mường Chiến. Txir nênhz hêik uô tsâus txos chor pox côngz zơưv côngz, ntux têz, thor muôx ntux yar ntux nas jông, kôngz lôngk sâu tâu ntâu. Hâur ntênhk hôiv, ntơưv tiêx uô si lov jêv jok Mường Chiến tưz muôx nhtuôr uô cêr lov jêv, thể thao thiêz têx zav uô si mênhx cxưx jông./.

(Báo Sơn La-Lik Thox cxêik nhênhv)

Shông 2019 zos shông xuz thơưx huyện Mù Cang Chải, tỉnh Yên Bái tsưr tsix uô lov jêv xiêz 2/9, đhâu ntơư tưz hu zâuv tâu 17 cxênhz ntâu lênhx kruô thiêz yênhx vạn lênhx tsôngv box ntơưv qơư tuôx ndis seiz uô si thiêz đros nthuôr uô têx txux chi cêr lov jêv. Hâur tsưr tsix uô têx cêr lov jêv hơưv tok xiêz 2/9 thiêz ciêz Mù Cang Chải shông 2019, tsôngv box thiêz tsôngv kruô tưz đros cxaz chuôz têx cêr uô si lov jêv li: Lêiv poz, bos kror muôs ntâuk poz, ntâuk tux luz, muk chuôv shôngz, đhiê pax vuôs, sik truz hluô, sik lâuz pak, tuô hnênhr......./.

                    (KT-Riê Lâux cxeik, nhênhv)

Nhiv kruôr no, ntơưv Sa Pa muôx tsaz yênhx ntênh hôiv nhtuôr uô cêr lov jêv tâus cêr hâur đrôngs shông 2019 đros ntâu kror vênhx huôv jông. Ntênhk hôiv muôx zuôr xar 200 lênhx nênhs tuôx txix chor đoanx nhoz 5 xar Tả Van, Nậm Sài, Sả Pả, Thanh Phú, Bản Khoang cxaz chuôz uô. Chor nênhs co nhtuôr uô zuk mênhx cxưx têx vênhx huôv jông li: Hmôngz, Cho, Giáy, Tày, Xa Phó…sâuv cxuô txox cêr, txix co tưz paz muôx tsaz yênhx vênhx nghệ jông, zaz zâuv chôngz lênhx nênhs tuôx sêiz shuôk./.

(Báo LC-Lik Thox cxêik nhênhv)

Njuôk xav hâur 2, 3 hnuz zuôr txos, ntơưv thax tsav tỉnh Sơn La zuôr tror muôx ntux nas, muôx kênh suôv qơư nas lok lox, nhoz têx cưx đês cưx ha, đêx mê zôngx ziv muôx đêx huôv lox, cuôr yôngz, tox xưz poz thiêz đêx nas zuôr ngaz ntâu thax tsav qơư. Ban seiz car phax tar ntux uô hiêv thiêz zok nriêr chơưv paz lênhx nênhs cxuô huyện, TP chox kriê hâu nov ntơưv qơư tsưr tsix seiz jor, qênhz shuôs njôngr thiêz jông ntux txơưr txar; iz chas ntơư, bax têx tsưr ziv phax tir thêir thâuv njiz têx tsi jông chiê txo grêk tsơưs têx trâus uô hiêv./.

(Thu Thùy-Riê Lâux cxeik, nhênhv)