Huyện ntus đriv Sốp Cộp, tỉnh Sơn La, têx shông đhâu, tập thể canr bôv, chiến sỹ Đoanx kinh tế-Côx phax 326 (nhoz Quân khu II) tưz muôx ntâu hâux lưv uô jông thiêz tsênhv tsênhz, paz tsôngv px cxuô heir nênhs thax tsav ntus đriv truôx tuk luz nênhx, huôv tsar uô nox uô hnar. Thượng tá Trần Mạnh Cường, Phưv Đoanx tsar Đoanx kinh tế-Côx phax 326 heik pâuz:“18 shông uô hâux lưv nhoz hâur thax tsav dưv anr, Đảng ủy, Chỉ huy đoanx thâuv tưs tưz moz siêz, muôz jông six hơưv trâu tsôngv px cơưv shâuv têx tsưr ziv huôv tsar uô nox. Nhiv no ntơưv Đoanx qơư uô hâux lưv, cux muôx têx hâux lưv uô iz kro mê njik chiê trâu px tuôx seiz shuôs, cơưv shâuv. Iz chas ntơư, lok thâuv hâur hli 10, hli 11 niêx shông, Đoanx puôr lênhx cơưv têx lâuk jok , tsar jok thiêz hu têx chuôz zis huôv tsar uô nox, lax luôv hâur thax tsav dưv anr tuôx ntơưv Đoanx chiê lơưr ndis seiz, cơưv shâuv têx tsưr ziv, hâux lưv uô jông ntơưv Đoanx, đhâu co muk uô trơưk ntơưv zuk thax tsav qơư nhoz.  Tiv 2 zos chiê trâu tsôngv px sđ tâu siz chuôs njiz, sik cơưv shâuv têx tsưr ziv uô nox uô hnar”./.

(Thu Thùy-Riê Lâux cxeik, nhênhv)

Zơưv Sơn Xênhv Muôk, Chủ tịch UBND tỉnh Điện Biên nhiv kruôr cir ntơưr hêik Bôv Zoz thôngz Vận tải thiêz Cục Hàng không Việt Nam tso chêi hãng hàng không Bamboo Airways tâu nhênhz chơưv kriz đar đuô jiês yêz za muk lok txos Cảng hàng không Điện Biên txix yêz za phản lực Embraer 195. Zos tiêk txox cêr yêz za no tâu kriz uô, Điện Biên zuôr txuôk tâu đros tas nro chor tiv phaz sâuv thôngz têz qơưk, hâur co muôx têx qơư lox đar li TP HCM, Đà Nẵng, Hải Phòng, Cần Thơ…txix têx jiês za ndax, li co zuôr paz thâux tâu chôngz nênhs thiêz ntâu zav tsik tiêk tsuôk muôx 2 jiês za Hà Nội-Điện Biên thiêz Hải Phòng-Điện Biên txix yêz za ATR72 xưz./.

(Báo Đầu tư-Lik Thox cxêik nhênhv)

Đhâu 15 hnuz thâuv Ủy ban MTTQ VN tỉnh Lai Châu muôx luk hu lơưk taz viv, tsưr tsix, lênhx nênhs thiêz tsôngv px cxuô heir nênhs hâur thax tsav tỉnh tưz uô lơưr cêr sik thôngx siêz, siz hluz siz paz, sik đros paz max trâu tsôngv px têx tỉnh faz Trung trâul  ruôr hiêv tiv đêx nas, tox xưz poz uô. Xav txos nhiv no, Ban Thường trực Ủy ban MTTQ VN tỉnh lênhk txeik sđ têx nhiêx txiêx siz chos gôngr paz tuôx, xav tas hur si tâu zuôr xar 580 tsov đeiv. Hâur co: Ntơưv Đại hội Đại biểu Đảng bộ tỉnh jiês tiv 14, sđ sik gôngr tâu zuôr xar 82 tsov đeiv; lênhk txeik ntơưv Cơ quan Ủy ban MTTQ VN tỉnh thiêz đhâu Cuiv nhiêx chơưv paz ntơưv tsêr nhiêx têz qơưk tỉnh zos zuôr xar 500 tsov đeiv. Uô ntêx thâuv phuôx tôngv hu lơưk sđ sik đros paz co, Cuiv nhiêx chơưv paz tỉnh tưz xa chor nhiêx muôx nhos 1,2 tyv đeiv paz trâu têx tỉnh: Quảng Bình, Quảng Trị, Quảng Nam thiêz Thừa thiên-Huế khưx phưx têx trâul ruôr hiêv tiv đêx nas, tox xưz poz uô (iz tỉnh 300 tsov đeiv)./.               

                  (Báo Lai Châu-Riê Lâux cxeik, nhênhv)

Qơư tsar đrêk yêz kruô zos iz hâur têx thax tsav tsik so muôx chôngz nênhs tiv zix ntơưv Lào Cai. Hâux lưv chox ntâuz bos kror ndâux ntơưv no tưz thiêz tsênhv tâu uô jông lơưr têx cui tênhv. Lơưr zơưv Phan Sĩ Hiếu, Giám đốc sêiz car Công ty Cổ phần sêiz shuôk qơư tsar đrêk yêz kruô Lào Cai, uô jông lơưr têx cui tênhv lok phax tar moz Cov id-19 ntơưv qơư tsar đrêk yêz Lào Cai cux tâu uô jông txix ciês thâuv muôx yưv caz moz, khov co, cán bộ, nhân viên, tsôngv kruô cux sir jos uô trơưk. Chor kruô uô ntêx thâuv zuôr ndê muk sâuv yêz puôr lênhx tsuv njuôk shuôk đas jos, hêik pâuz y têr, nzuôr têk thiêz chox ntâuz bos kror ndâux cov jông. Zơưv Hiếu puz pâuz:

“Đrâuv chor yêz hêik pâuz điện tử mak pêz cux hêik cov lơưr hêik pâuz lok y têr sâuv ntâuz ntơưr. Hêik pâuz tas mak pêz thiêz chiê yêz tâu muk lok, cov pâuz tas nro xor mông lok chor kruô txix qơư tsar đrêk yêz tsênhv qơư Lào Cai muk trâu têx tiv phaz txơưr đuô”./.

(An Kiên-Lik Thox cxêik nhênhv)