Trơưk li Sở y tế tỉnh Lai Châu hêik pâuz, nhiv no tỉnh tsênhv taz tov cêv kuôk 454 lênhx. Chor nênhs tâu muk trâu thax tsav muôx moz Covid-19 tror lok thiêz đhâu siv nyar pov muôx caz moz sát Covi 2 jiês 1. Zơưv Nguyễn Văn Đối, Giám đốc sở y tế tỉnh lai Châu cux hêik pâuz tiêk:  Iz chas sêiz njuôk shuôk, qênhz yuôx ntov chor nênhs muk lok đhâu ntus đriv, cxuô lực lươngx cux cxiv tsa tâu 64 thax tsav qơư, chiê sox sêiz, qênhz yuôx  chor nênhs muk lok đhâu têx cêr mê tsik chiê muk lok đhâu ntus đriv thiêz qênhz yuôx pov lênhx nênhs tưs tâu xav zos trâus cik moz tsuv tâu chox muk cêv kuôk zos đrêiv chêi tso tơưv./.

                                                  Tsu cxêik nhênhv-Khắc Kiên -Chia  BT

Tiv ntux lok nas lox đhâu muôx coz chuô số 2, thâuv xar muôx 8 ntâu tsâuk ntux hmo 3/8, sâuv txox cêr 6, ntu đhâu thax tsav huyện Vân Hồ, tỉnh Sơn La tưz poz muôx 100 ntâu yiv thôngx ar, poz jêz lok  cxuz cêr, uô trâu chor yêz muk lok tsik tâu đhâu thiêz đrêk ntêr muôx yênhx cêik cêr. Thâuv ar poz co mak hmôngr jông tsik muôx nênhs thiêz yêz muk lok đhâu ntơưv ntu cêr no viv li tsik muôx nênhs uô chak. Đhâu thâuv muôx ar poz jêz poz lok, taz viv sêiz car ntu cêr tưz chiê têx mêir tuôx thoz huk cov cêr muk lok tâu thôngz. Txos 10 six iz tas hmo 3/8, cêr tưz lav muk lok tâu đhâu.

Taz sik uô ntêx co, iz cxiê tsưr têx yêz lav txar chor poz jêz lox chiê yêz muk lok tâu đhâu, uô li no mak lok six phiv liv zos tiêk têx poz jêz tror poz ntos lok nzir./.

(Trấn Long-Lik Thox cxêik nhênhv)

Hâur ntu nhiv kruôr đhâu tsik ntêr no,  hâur thax tsav tỉnh Yên Bái pov muôx ntux lok nas lox thiêz zâu, uô puôk tsuôx txos tsôngv px iz cxiê kôngz lôngk, vax tsêr. Trơưk li Ban sêiz car tir thêir nas chuô, chơưv paz lênhx nênhs tỉnh Yên Bái hêik pâuz, xav txos hnuz xiêz 3/8, hauar thax tsav muôx iz chuôz zis tsuv yêik zênhx max muk nhoz trâu têx qơư txơưr. Đros ntơư, muôx nas chuô, xoz tưz tuô 6 tus nhux đas trâus tuôs nhoz trâu xã Túc Đán, huyện Trạm Tấu.

Têx cêr muk txix xã Tà Xi Láng cux trâu poz 4 ntu; txox cêr muk xã Pa Hu thiêz ntu cêr Làng Nhi-Phình Hồ, huyện Trạm Tấu cux trâus poz iz cxiê ntu cêr, yêz muk lok tsik tâu đhâu./.

                                          Tsu cxêik nhênhv-Tuấn-Xuân -Chia BT

Zênhx Pênhz phax Si Ma Cai, tỉnh Lào Cai nhiv kruôr cxov tâu chôngz lênhx nênhs muk lok đhâu ntus đriv tsik zos chêi. Uô ntêx co, Tôv côngz xưv phax tar moz Covid-19 Zênhx Pênhz phax Si Ma Cai pov 9 lênhx nênhs zos 5 lênhx txir nênhx, 4 lênhx pox niêv tsênhv hla đêx muk đhâu ntus đriv ntơưv jok Lù Dì Sán, xar Sán Chải, huyện Si Ma Cai (buôs ti jê tỉnh Hà Giang) chiê lok hâur têz qơưk Việt Nam. Đhâu nus, chor nênhs no puôr lênhx zos nênhs Việt Nam, nhoz ntơưv huyện Si Ma Cai thiêz Bắc Hà, tỉnh Lào Cai, tưz zênhx nhiês cêr muk uô jos trâu saz Trung Quốc thâuv uô ntêx tsiêz shông 2020. Thâuv hli 7 nhiv kruôr đhâu, chor nênhs no trâus lưx lươngv saz Trung Quốc qênhz yuôx, pov thiêz cxov tsês thâuv tsênhv nhoz tsik zos chêi saz Trung Quốc.

Txos hnuz 2/8, chor nênhs no nhiês cêr khiêr lok Việt Nam chêk trâus lưx lươngv Pênhz phax ntơưv tiv phaz pov thiêz cxov tâu. Zênhx Pênhz phax Si Ma Cai tưz uô ntâuz ntơưr xưv bluô hành chính; đros co uô ntâuz ntơưr choz zok chor nênhs no chiê chox muk cêv kuôk tsêx trung phax, tar moz Covid-19 trơưk li cui tênhv./.

(An Kiên-Lik Thox cxêik nhênhv)