Zơưv Lê Huy Hợp, 60 shông nhoz hâur Đảng, kuz Trưởng Ban Tuyên giáo Tỉnh ủy Yên Bái hêik tiêk, kror Ban chấp hành Trung ương Đảng khóa 12 thôngx ziv hêik pâuz Tổng Bí thư Nguyễn Phú Trọng chiê Côx hôiv bâux xêir uô Chủ tịch têz qơưk zos kror huv đros, huv chêi, huv đros Đảng thiêz pêx xênhv li siêz xar:

“Pêz Đảng nhiv no tsênhv uô lơưr kho đuô cxiv luôs tsưr tsix cov muôx chêx cur, tsơưr lươngv thiêz txo grêk tsơưs nênhs uô hâux lưv. Ntâu luz têz qơưk cux tưz uô chiê Tổng Bí thư uô Chủ tịch têz qơưk. Nhoz Việt Nam mak cux tưz sêiz lax ntâu taz sik tsik tâu kriz uô. Lơưr cur mak nhiv no uô li co zos jông tiv zix, zơưv Nguyễn Phú Trọng, Tổng Bí thư Đảng tâu hêik pâuz chiê uô chủ tịch têz qơưk, viv li co cêr huv chêi, huv siêz xar, paz trâu cxô kror hâux lưv zuôr uô tâu jông đuô…”./.

                                                        (Tuấn xuân-Lik Thox cxêik nhênhv)

Hnuz xiêz 4/10, Phưv Chủ tịch Ủy ban tỉnh Điện Biên Lê Văn Quý muôx jiês uô hâux lưv đros huyện Điện Biên Đông lok sâuv lês uô têx hâux lưv nhoz têx ngênhx zoz zux, y tế, vênhx huôv-thêv thao thiêz ju lix hâur 9 luz hlik đhâu. Phưv Chủ tịch Ủy ban tỉnh Lê Văn Quý sâu jênhv luôs hâux lưv mak huyện Điện Biên Đông tưz sir jos uô tâu hâur six hơưv đhâu. Heik huyện tsuv moz siêz txos đuô hâux lưv qênhz yuôx, qênhz shuôs têx chuôz zis pluôs taz por zos lênhx nênhs pluôs. Iz chas ntơư, moz siêz uô jông tsênhv chei paz txo grêk yeiz pluôs, gra siêz luz nênhx nox nhoz trâu tsôngv px, seiz shuôs hlôngr yiêz tsưr ziv paz cov huv đros. Huyện tsuv chuôz tsar tiês hâux lưv yax kriê gra siêz txux chi tsưr ziv jênhv pâuz trâu tsôngv box, txo grêk qênhx shênhx xênhz zus tuk nhuôv tiv 3; car seiz, txo grêk tsơưs chor nênhs trâus moz HIV hâur thax tsav, gra siêz tsơưr lươngv seiz njuôk shuôs, kho moz; tsoz phưz đas jos trâu tsôngv box...../.

            (KT-Riê Lâux cxeik, nhênhv)

Nhoz têx tỉnh tox siêz faz Bắc, hâur ntu no qiv hơưv tsênhv hlôngr chêix, txiêk cuz siz hlôngr, uô trâu têx caz moz gênhk zôngx ziv huôv  xênhz.

Ntơưv tsêr kho moz Đa khoa tỉnh Sơn La, hâur ciêz nhiv kruôr đhâu tưz muôx zuôr xar 400 lênhx nênhs moz, tsar ndê zuôr xar 250 lênhx nênhs moz pir li shông uô ntêx. Têx zav moz phênhv ntâu zos cik txos cêr uô pa li: Moz ka, cxơưk njưs, moz njưk. Bác sỹ Mai Lan Hương, Phưv giám đốc tsêr kho moz Đa khoa tỉnh Sơn La hêik:

“Thâuv qiv hơưv txơưr txar mak tsuv tsov cưv txos uô cov sor iz chêr. Thâuv qiv hơưv hlôngr chêix mak ntux kruôr tsuv hâuk ntâu đêx, vêv xênhz kror njưs cux li nox hâuk txâuk tsơưr pưr thiêz ox ntâu zav txir ntông”./.

(Trấn Long-Lik Thox cxêik nhênhv)

Tas cik hnuz xiêz 04/10, ntơưv TP Laox Cai tưz tsưr tsix cơưv uô lơưr “Hnuz ntiêx têz phax tar moz vưv” zos Bộ y tế đros Bộ Kôngz nuv-huôv tsar tox siêz thiêz Ủy ban tỉnh Lào Cai tsưr tsix. Tuôx cơưv muôx têx lênhx hlôngr njêx muôs trâu 36 tỉnh thành khênhr muôx moz vưv huôv xênhz hâur hur si têz qơưk đros trâu ntâu tuk chôngz lênhx tsôngv box ntơưv qơư. Trơưk li Bộ Y tế thôngz sâu txix shông 2008 txos tas hli 9/2018, hur si têz qơưk tưz muôx 512 lênhx nênhs trâul tuôs tiv moz vưv. Ciês 9 luz hlik hâur shôngk shông no muôx 67 lênhx trâul tuôs, hâur co tỉnh Lào Cai muôx 8 lênhx. Iz chas ntơư, muôx nzir 6 tỉnh nhiv kruôr muôx lênhx nênhs trâul tuôs tiv moz vưv zos: Hòa Bình, Phú Thọ, Kiên Giang, Bến Tre, Vĩnh Phúc thiêz Kon Tum. Lar heik, 90% chor nênhs trâul tuôs viv moz vưv zos tsôngv box tsi muk cxax yuôx vắc xin phax tar moz vưv.....

Tsưr tsix ntênhs li heik sâuv chiê hu lơưk cxuô thax tsav qơư cxơưz tiês yax xa mông, choz kriê tsưr ziv lok phax tar moz vưv; tsar ndê cxax yuôx vắc xin phax tar moz vưv trâu têx đêr; thâuv trâus têx tuk đêr tâu xav tiêk moz vưv tov mak tsuv zênhx max muk têx qơư y tế cxax yuôx vắc xin phax tar moz cxix cxuô; sir jos uô cov tâu trơưk tsưr ziv tsi muôx lênhx tiz nênhs tưs trâul tuôs viv moz vưv lok shông 2030./.

(An Kiên-Riê Lâux cxeik, nhênhv)