Hâur jiês uô côngz xưv ntơưv Yên Bái nhiv kruôr đhâu, Thủ tướng chính phủ Nguyễn Xuân Phúc tưz muôx jiês uô hâux lưv đros hâux nov tỉnh Yên Bái. Hêik ntơưv jiês uô hâux lưv, Thủ tướng Nguyễn Xuân Phúc tưz ntâuk gri siêz tỉnh Yên Bái tưz sir jos thâuv njiz phiv liv, tax tâu ntâu chêx cur jông sâuv cxuô kror. Tiv zix Đảng Bộ tưz sik côngv, thôngx ziv, iz siêz viv côngz xưv cxuô; muôx ntâu tsưr ziv uô tsênhz mênhx, pêx xênhv luz nênhx tâu hlôngr yiêz, chor chuôz zis pluôs trâus txo grêk sêi. Taz sik, tiv qir tiv kik, Yên Bái cux tsênhv zos tỉnh pluôs, huôv tsar tsik tâu huv đros têx kror zênhx muôx; iz cxiê tsôngv box nhoz tox siêz, tsôngv box mênhx cxưx tsơưs nênhs tsênhv txov nhêv…/.

                                                                           (Tuấn xuân-Lik Thox cxêik nhênhv)

Đros thiêz têx cêr vav chiê siêz paz trâu nênhs lox tôngv hnuz tsiêz sor si thiêz shir phaz đros chuôz zis, têx nênhs cxênhz jê thiêz tsôngv cưr tix nênhx tsa, têx fôngx zưs, liên đoanx Lox tôngv tỉnh Sơn La tưz tsưr tsix tsaz yênhx “Tsiêz shir phaz” shông 2018.

Uô lơưr tsaz yênhx no, liên đoanx Lox tôngv tỉnh Sơn La tưz tsês 350 tsov đeiv uô huv muôz puz trâu zuôr xar 60 lênhx công nhân, viên chức, lox tôngv thiêz 20 lênhx shux xênz zos canr bôv viên chức lox tôngv muôx luz nênhx txov nhêv têx tuz nhuôs; paz 20 chuôz zis canr bôv viên chức lox tôngv trâus ntux uô ruôr hiêv, đêx nas cuôr yôngz hâur thax tsav huyện Phù Yên, iz chas ntơư muôz huv puz trâu zuôr xar 70 lênhx canr bôv viên chức lox tôngv, 6 lênhx nhuôs shux xênhz muôx luz nênhx txov nhêv, choz 3 luz tsêr niêv côngv siêz công đoanx trâu công nhân lox tôngv ntơưv huyện Mộc Châu thiêz huyện Vân Hồ. Tix lâus Đinh Văn Hà, xã vân Hồ, huyện Vân Hồ, tỉnh Sơn la shir phaz heik:

“Tâu tsôngv cưr tix nênhx tsa sđ moz siêz paz trâu cur, cur zuôr sir jos uô jông zuk têx luôs hâux lưv, Công đoanx hâux lưv zok muôz mak cur zuôr sir jos uô cov tiêr, yuôr zuk têx nuv  chênhr zos yiz têx chês ntông mak zuôr sir jos uô cov tiêr tâu jông”./.

                                                                               (Hoàng Long-Riê Lâux cxeik, nhênhv)

Têik cik 3/2, Hội pov chir tỉnh Điện Biên sik côngv đros Sở thôngz mông thiêz yax mông, Sở vênhx huôv, Thể thao thiêz Du lịch đros chor cơ quan pov chir hâur tỉnh tsưr tsix kriz uô hôiv pov chir ntux yiêz Đêr shông 2018.

Hôiv pov chir ntux yiêz ntơưv tỉnh Điện Biên 2018 tâu tsưr tsix txix hnuz 3 txos 5/2, đros muôx 17 cơ quan pov chir, chor cơ quan, taz viv, chor nganhx, huyện thành phố hâur tỉnh li thôngz xor mông điện tử thiêz iz cxiê pov chir hâur thôngz têz qơưk xcaz chuôz./.

                                                                                 (Vũ Lợi-Lik Thox cxêik nhênhv)

Chuô txiêk ntâu uô trâu jêx tưv nhoz cxuô thax tsav qơư hâur tỉnh Lào Cai tror grêk kis. Ntơưv têx thax tsav qơư kis hâur tỉnh li: TP Lào Cai thiêz têx huyện Bảo Thắng, Bảo Yên, xav kror đruôz đraz njuôk tâu jêx tưv muôx nhos 10 tưv. Yuôr ntơưv têx thax tsav tox siêz mak txix 4-5 tưv. Ciês hâur thị trấn Sa Pa, huyện Sa Pa, jêx tưv tưz grêk txos zênhz 0,4 tưv, no cux zos jiês ntux no njiv hênhr yax  ntơưv thax tsav qơư no xav txix thâuv hâur cheix ntux no txos nhiv nor./.

                                                                            (An Kiên-Riê Lâux cxeik, nhênhv)