Đros trâu shux xênhz hâur tas nro têz qơưk, ntơưv  tox siêz faz Bắc, shux xênhz têx tỉnh Yên Bái, Lào Cai, Lai Châu, Sơn La, Điện Biên...cux shir phaz lus tror tuôx tsêr cơưv cơưv ntơưr. Chiê phax tar moz, shux xênhz hur si cxuô cấp cơưv  nhoz cxuô tỉnh tsuv phênhz six hơưv cơưv nhiêk txơưr nhiêk trâu yênhx khối lok tas cik lol sik zar hnuz kêix, chor tsêr cơưv puôr lênhx muôz lớp pheiz uô 2 paz cơưv, tso iz tus shux xênhz jâuv kuôk đêz iz tus muôx 1,5 thiêr; qêz suô hur si tsêr cơưv, lớp cơưv, njuôk shuôs đal jos trâu shux xênhz./.

                                                                               (TTTB-Riê Lâux cxeik, nhênhv)

Ntơưv jos Phiêng Khàng, xã ntus đriv Phiêng Pằn, huyện Mai Sơn tỉnh Sơn La Bộ chỉ huy bộ đội pênhz phax tinh Sơn La nhiv kruôr uô tiêr tsêr cơưv cxênhx mê nhuôs zâu Nà Mòn, jos Phiêng Khàng khơưk muôz trâu chor mê nhuôs shux xênhz. Đhâu ntâu shông cơưv ntơưr hâur tsêr cơưv fênhz suôz, luz tsêr cơưv yiêz tâu cxiv đros muôx 3 qar cơưv, 2 tsêr vêv xênhz, muôx trôngx vas truôx tul. Tas nro nhiêx txiêx yưv uô zos 300 tsov đeiv tâu Bộ chỉ huy bộ đội pênhz phax tỉnh Sơn la huiz tôngv cxôngx têx cán bộ, chiến sĩ hâur tas nro lưx lươngv. Tix lâuk Hờ A Chư, muôx mê nhuôs cơưv ntơưr hâur tsêr cơưv yiêz no puz pâuz:“Thâuv ntêx tsi tâu muôx tsêr cơưv yiêz mak mê nhuôs mul cơưv ntơưr lok six phêv liv, ntux lok nas tsuv khiêr muk gâuv lok sik so ntơưr. Nhiv no muôx tsêr cơưv yiêz jông mak cur tso siêz đuô, chiê mê nhuôs mul cơưv ntơưr cxix cxuô”./.

(VOVTB- Txâur Vax cxeik nhênhv)

Sở Vênhx huôv-Thêv thao thiêz Ju lix tỉnh Lào Cai thôngz sâu tso pov, têx lênhx kruô tuôx ndis shuôs têz qơưk uô si hâur thax tsav hâur six so ntênhs 30/4 thiêz xiêz 1/5 nhiv kruôr đhâu tưz txo grêk tsơưs zuôr xar 90% pir li luz six hơưv no hâur shông uô ntêx. Tsênhv tsênhz, hur si hâur têx hnuz so no tsuôk muôx nhos 11 cxênhz lênhx kruô tuôx Lào Cai ndis shuôs têz qơưk uô si, sâu tâu muôx 34 tyv đeiv ntâu. Chor kruô tuôx uô si hâur têx hnuz so ntênhs shông no phênhv ntâu zos kruô hâur thax tsav, lơưr tuôx ntâu trâu ntơưv Sa Pa, đhâu co zos muk trâu TP Lào Cai thiêz huyện Bắc Hà, Bát Xát, Bảo Yên...., têx qơư kruô tuôx nhoz, so ndis seiz têz qơưk uô si xav kror đruôz đraz tsuôk tas nhos 15-20%./.

(An Kiên-Riê Lâux cxeik, nhênhv)

Công an huyện Mường La, tỉnh Sơn La nhiv kruôr tso tơưv cuiz tênhv ntês cxov Lò Văn Tiêm xênhz shông 1993, nhoz xã Ngọc Chiến, huyện Mường La viv hâuk chơưr tsar yêz thâux ntông tsi trơưk chei thiêz muôx têx hâux lưv tir tar nênhs uô côngz xưv.

Uô ntêx co, hmo xiêz 2/5, CÔng an huyện Mường La jênhv tâu côn an xã Nặm Păm li pov muôx iz lênhx nênhs tsar yêz ô tô gra biển số 29U-8964 mul lơưr saz Ngọc Chiến-thị trấn Ít Ong, huyện Mường La thâux ntông tsi trơưk chei. Công an huyện Mường La tưz tsưr tsix tar cêr ntơưv jos Bâu, xã Nặm Păm chiê qênhz yuôx yêz, taz sik Tiêm tsi uô trơưk mak tsar yêz khiêr. Thâuv khiêr mul txos thax tsav tiểu khu 5, huyện Mường La cxôngx têx tsưr ziv nghiệp vụ, tưz ntês tâu Tiêm./.

(Trấn Long-Txâur Vax cxeik nhênhv)