Đhâu jiês nus Bôv trưởng Bôv tài nguyên thiêz tênhv qơư ntơưv jiês cơưv Côx hôiv, cử tri Hoàng Thị Thu, phường Bắc Cường, thành phố Lào Cai puz pâuz:

“Cur thôngx ziv đros Bôv trưởng li ziv chênhv lok cơ quan sêiz car tsuv sir jos sêiz kaz chor doanh nghiệp hâur uô lơưr Pháp luật lok tênhv qơư thiêz muôx tsưr ziv xưv lik ndar six hơưv đros têx kror uô cxâuv. Taz sik, tsênhv tsênhz puz pov mak chêx cur sêiz kaz thiêz xưv lik cux tsênhv tsik tâu siêz viv ntâu doanh nghiệp cux tsênhv uô cxâuv thiêz xưv lik tas lok cux tror uô cxâuv. Viv li, lơưr cur tsuv uô tsênhz mênhx côngz xưv sêiz kaz đros cơ quan sêiz car li txơưx jênhv, tsuv yưv pênhr cxiv luôs têx chuôz zênhx sêiz kaz yiêz jông thiêz tsuv muôx chêi xưv lik truôx têx kror uô zuôv”./.

(An Kiên-Lok Thox cxêik nhênhv)

Trơưk li sox seiz Côx hội jiês uô hâux lưv nuk, têz têx Bộ trưởng lok hnuz xiêz 4/6, cử tri Nguyễn Liên nhoz Tuy Lộc, TP Yên Bái, tỉnh Yên Bái heik:

“Cur pov Côx hội nuk sei thiêz têz tsênhz mênhx, ntơư zos iz kro lok six jông. Hur si Bộ trưởng Bộ zoz thôngz yêz lox thiêz Bộ đêx ar thiêz tênhx qơư puôr lênhx têz tâu tsênhz mênhx têx luk nus. Txơưv tiêk muôx iz cxiê luk nus, chor Bộ trưởng têz tsi yuô tâu mênhx trâu sđ, chor đại biểu tsuv tror nus đuô, taz sik trơưk li cur, nus thiêz têz li ntơư cux zos tsênhz lơưv, uô tâu trơưk cử tri sđ tsưr ziv, siêz xar”./.

(Thừa Xuân-Riê Lâux cxeik, nhênhv)

Chor Bôv trưởng li jiês têz têx luk nus ntơưv Côx hôiv nas hmo cux tsênhv tâu cử tri Sơn La tsov cưv txos. Cử tri Cầm Việt Hà, phường Tô Hiệu, thành phố Sơn La puz pâuz:

“Đhâu sêiz mnôngs Bôv trưởng Bôv zoz thôngz vận tải thiêz Bôv tài nguyên thiêz tênhv qơư li jiês têz têx luk nus, cur pov nus sêiz thiêz têz sêi mak lok six jông, nus ciês trâu vênhv thix thiêz lok six tsuv tsov cưv txos. Tiv zix zos Bôv trưởng Trần Hồng Hà li jiês têz têx luk nus lok tsưr ziv phax tar tsik hur phóng xạ txix Trung Quốc nhoz jê ntus đriv Việt Nam li 3 luz tsêr mêir tênhv hạt nhân uô trâu cử tri li pêz lok six tso siêz”./.

                                                                        (Trấn Long-Lik Thox cxêik nhênhv)

Phongx Cảnh sát hình sự, Công an tỉnh Lai Châu nhiv kruôr đros Công an huyện Phong Thổ ruôr por tsês tâu txuz plâuz uô tuz saz tuz nhiês, ntêk tâu 2 lênhx nênhs đros thiêz iz tuk tưv. 2 lênhx nênhs trâul ntêk tâu co zos Sinh Xênhv Thox, xênhz shông 1986 thiêz Ngải A Súa, xênhz shông 1986, puôr lênhx nhoz uô cê ntơưv xã Mù Sang, huyện ntus đriv Phong Thổ, tỉnh Lai Châu. Uô ntêx ntơư, thâuv 9 six tas cik hnuz xiêz 4/4, Súa đros Sinh muk trâu ntơưv xã Bản Lang, huyện Phong Thổ zok nriêr zuôr pax phax cxor thiêz txos 5 six tsâuk ntux đros hnuz Súa thiêz Sinh gơư tror lok tsêr. Thâuv lok txos thax tsav jok Nà Vàng, xã Bản Lang, Sinh thiêz Súa pov tix lâus Nzơưk Xênhv Vax chuôz zis tuk tưv tsênhv muôz khi tiv vax, gơưk txơưv xar tâu tsưr ziv tiêk nhiês tuk tưv co, gơưk chaz lok jêil tsês trâu tov xuz jôngr nhoz jok Hán Sung, xã Mù Sang, huyện Phong Thổ chiê tok lênhx tiz nênhs tuôx zuôr txơưv trâus qênhz pov thiêz ntêk tâu./.

(Khắc Kiên-Riê Lâux cxeik, nhênhv)