Zar hnuz kêix 2/10, đhâu cơưv ntơưr tas tâu chuôz zis tok lok tsêr, chor shux xênhz muôx 17 lênhx cxênhx cơưv nhuôs zâu, 9 lênhx cơưv cxênhx iz thiêz 7 lênhx cơưv cxênhx oz, sik đros nhoz ntơưv jok Hát Tinh, xar Chiềng Ken (huyện Văn Bàn, tỉnh Lào Cai) tưz siz zâuv ndê muk pêv trôngz jê ntơưv tsêr chiê đêx txir Hồng Châu nox thiêz tưz trâus tưx.

Đhâu thâuv txêik tâu xor mông, UBND huyện Văn Bàn tưz chox kriê cxuô phongx, ban đros chính quyền ntơưv qơư sik côngv đros chuôz zis sêiz đrơưv tsưr tsix chox chor nhuôs tuôx chơưv paz ntơưv têx qơư y têr.

Txơưv tiêk tưz tâu chor y, bác sỹ sir jos chơưv paz, taz sik txos muôx nhos 4 six zuôr tsâuk ntux hnuz 3/10, 1 lênhx shux xênhz tưz trâus tuôs; 8 lênhx shux xênhz tâu yêv lok trâu ntơưv Hà Nội chiê chơưv kho; 8 lênhx txơưr nhiv no tsênhv tâu sir jos chơưv kho ntơưv Tsêr kho moz Đa khoa huyện Văn Bàn./.

(TTTB-Lik Thox cxêik nhênhv)

Txix hnuz xiêz 04/10, tỉnh Sơn La tror tso chei uô iz cxiê luôs hâux lưv zuôr muôs hax huv, huôv tsar cêr uô nox, trơưk tỉnh tsưr ziv phax tir thêir moz Covid-19.

Iz chas ntơư, têx hâux lưv uô nox, zuôr muôs hax huv tror tâu tso chei uô zos: Têx qơư lênhk tok tsôngv kruô tuôx nhoz so, pư đhâu hnuz hmo, yưx têx qơư tâu têz qơưk muôz zôngv phưx vưv luôs hâux lưv phax tar moz Covid-19 hâur tỉnh. Chor qơư no tâu uô hâux lưv 50% thiêz tsuôk tâu lênhk tok têx lênhx kruô hâur thax tsav tỉnh. Hok chor kruô đrâuv luôs 2 chas tỉnh mak zos Ủy ban têx huyện, TP cui tinhv.

Têx qơư uô jâuz mor nox yôngz cok, qơư ju lix hâur thax tsav tỉnh cux tâu tror uô hâux lưv, taz sik tsi muôx chôngz nênhs hênhr. Ciês lok sâuv nox yôngz cok mak tsơưs hu zâuv txos chor kruô nhoz đrâuv luôs 2 chas tỉnh tuôx. Têx lênhx kruô nhoz saz đrâuv luôs 2 chas thax tsav tuôx tsuv krêz heik lol đas jos, têx qơư nhoz, muk lol đhâu trâu Ban chox kriê phax tar moz Covid-19 ntơưv qơư pâuz thiêz uô trơưk tỉnh têx tsưr ziv phax tir thêir moz gênhk./.

(VOV-Riê Lâux cxeik, nhênhv)

Thâuv 10 six hnuz 3/10, ntơưv jok Pa Kha, xar Lóng Luông, huyện Vân Hồ, tỉnh Sơn La, lưx lươngv muôx vax huôv tỉnh Sơn La pov luz yêz lox muôx biển số 34C-24261 zos zơưv Nguyễn Công Lan, zus shông 1964, nhoz ntơưv jok An Quý, xar Nguyên Giáp, huyện Tứ Kỳ, tỉnh Hải Dương tsar thâux 62 thungr ntơưr trâu têx txir ntông pâuz tsik tsênhz quô chos.

Chor hax huv co muôx 50 thungr txir táo đa, 12 thùng txir nho njuôz, hnhar muôx 1.060 cir, tâu Nguyễn Công Lan zuôr txix tỉnh Hải Dương chiê thâux tuôx muôs ntơưv huyện Sông Ma, tỉnh Sơn La. Thâuv tsênhv thâux tuôx muk chêk trâus cxov tsês.

Lưx lươngv muôx vax huôv tưz uô ntâuz ntơưr xưv bluô Nguyễn Công Lan 6 triệu đêiv nhiêx txiêx; thôngx cxix, sâu tsês tas nro chor txir ntông co chiê xưv lik trơưk cêr chêi têz qơưk têx cui tênhv./.

(TTTB-Lik Thox cxêik nhênhv)

Txơưv tiêk têx tsêr cơưv tưz hux jos truôx đros chor lưv lươngv muôx vax huôv sir jos yax kriê têx tsưr ziv uô trơưk chei cheix yêz muk lol tâus cêr trâu têx shux xênhz. Taz sik, six hơưv jê lok no, tror pov muôx yưv iz cxiê lênhx shux xênhz nhoz hâur tỉnh Yên Bái uô cxâuv chei cheix yêz muk lol tâus cêr li têx cui tinhv, uô tsi truôx tuk trâu luôs lưv tus cheix muk lol tâus cêr thiêz chênhr têx nhuôv shux xênhz co.

Thâuv zar tas cik lok sik luz six hơưv chor shux xênhz cơưv so ntơưr lok tsêr jov jơưk ntơư, sâuv têx cêr lox hâur đrôngs Yên Bái, tỉnh Yên Bái pov tsi tsơưs lênhx shux xênhz cheix yêz meir, yêz meir tênhv tsar yêz chênhr, muk đaz muk tuôs, muôx têx tsi ntông câuk mov por hưv tâuz hâu, muk đhâu tênhz liêz….., zôngx ziv uô tsi truôx tuk zoz thôngz. Tix lâus Trần Đức Văn, nhoz đrôngs Yên Bái, lênhx nênhs tsi so cheix yêz muk lol tâus cêr thâuv luz six hơưv muôx ntâu lênhx shux xênhz muk cơưv thiêz so ntơưr lok tsêr li co heik pâuz:“Cur lok six cxơưx thâuv ntâu lênhx nhuôv zâu cơưv ntơưr cxênhx 2, cxênhx 3 xưz, cheix yêz muk lol tâus cêr tsar lok six chênhr. Lar heik zos thâuv tas cik sơưr nzor lok sik luz six hơưv têx nhuôv so ntơưr lok tsêr jov jơưk ntơư, pov chor nhuôv lơưr tsar yêz muk uô têx paz muôx 3, 4 lênhs muk iz nzêis, muôx kênh thâuv pov têx nhuôv tsar yêz muk đaz muk tuôs, lok six riêz nênhs, zôngx ziv uô yêz siz yar, tsông luôs lưv tus muk lol tâus cêr”./.

(Thừa Xuân-Riê Lâux cxeik, nhênhv)