Tiv coz nas chuô lox uô hiêv txos, nhoz ntâu thax tsav qơư ntơưv tỉnh Yên Bái hâur têx hnuz đhâu tưz muôx ntux nas lox lok ntêr. Ntux nas hloz tưz uô iz cxiê txox cêr muk lol trâul ngaz thiêz xưz poz, lar heik zos txox cêr lox sôr 37, ntu muk đhâu thax tsav xã Thượng Bằng La, huyện Văn Chấn, đêx huôv hloz tưz ngaz cêr tas, yêz muk lol tsi tâu đhâu hâur ntâu six hơưv. Ntâu lênhx nênhs tsar yêz heik pâuz, đêx nas ngaz tas iz ntuk cêr hor ntêr, xar muôx nhos iz cêik, toz nhos iz thiêz , uô têx yêz lox, yêz thâux xa kruô cux muk tsi tâu đhâu, lar heik zos thâuv txix 3-6 six tas cik sơưr nzor ntơư, đhâu co đêx cux grik jux juk lơưv thiêz./.

(Đinh Tuấn-Riê Lâux cxeik, nhênhv)

Cux ntơưv tỉnh Sơn La, muôx iz txuz uô tơưs luz lâux câuz uô tâuv pax lok zar zuôr tsâuk ntux hnuz xiêz 04/8, nhoz jok Toọng, xã Hua La, TP Sơn La, uô 2 luz tsêr trâul zơưk trur, iz lênhx nênhs trâul moz.

Txuz lâux câuz tơưs co zos ntơưv zơưv Cà Văn H, nhoz jok Toọng, xã Hua La, TP Sơn La chuôz zis. Thâuv tsênhv taz tov uô tâuv pax chiê muôs, tsi pâuz shor zos viv li chas mak luz lâux câuz uô tâuv pax co txơưv trâul tơưs, uô zơưv H luz tsêr thiêz iz luz tsêr nhoz jê ntơư têx vuôk trâul zơưk thiêz za tas, ntâu zav chuôz zênhx uz no hâur tsêr trâul puôk tsuôx tsi jông; zơưv H tus nhaz trâul moz ntơưv co tơư, tâu chox zênhx max muk chơưv kho trâu tsêr kho moz. Tsôngv px sđ tsuv tiz jông seiz shuôs lok têx tsi jông li heik sâuv chiê truôx tuk trâu zuk tiz nênhs thiêz chuôz zis./.

(Trấn Long-Riê Lâux cxeik, nhênhv)