UBND tỉnh Điện Biên nhiv kruôr muôx cuêz tênhv tso tơưv hêik pâuz kinh tế kỹ thuật yưv pênhr muôx 10 tiv đêiv ntâu cxiv uô côngz trinhx kriz uô plas, kho đuô qơư nhoz trâu pêx xênhv têx thax tsav zuôr zôngx ziv njiz trâus ntux têz uô hiêv thax tsav txov nhêv tiv zix Suối Lư. Lơưr co, 70 ntâu ziv chuôz zis nhoz hâur têx qơư zuôr njiz trâus phiv liv siêz chor jok Suối Lư 1, 2, 3, xã Keo Lôm, huyện Điện Biên Đông zuôr tâu chiê lok nhoz ntơưv Huổi Po, xã Keo Lôm. Hâur co, zuôr txar qơư nhoz trâu 50 ziv chuôz zis thiêz truôx tuk 20 ziv, paz uô tiêr chor hâux lưv cxiv tsa jêx jok yiêz./.

                                                                             (Vũ Lợi-Lik Thox cxêik nhênhv)

Zênhx pênhz phax Mường Cai-Bộ đội pênhz phax Sơn La đros Zênhx pênhz phax Mường Lạn thiêz Công an xã Mường Cai tưz ntês tâu 2 lênhx nênhs thâux gra zax zênhz. 2 lênhx nênhs co zos: Dê Xênhv Zax xênhz shông 1971 nhoz jos Pu Hao, xã Mường Lạn, huyện Sốp Cộp, tỉnh Sơn La thiêz Nênh Xênhv Khuô xênhz shông 1987 nhoz jos Kéo Củ, Cụm Nậm Cuổng, huyện Mường Én, tỉnh Hủa Phăn têz qơưk Lào. Sâu tâu 1 thôngx zax zênhz, 320 tsov đeiv, 1 luz yêz meir; 2 luz điện thoại đros ntâu chuôz zênhx txơưr. Nhiv no Zênhx pênhz phax Mường Cai tsênhv uô tiêr ntâuz ntơưr choz lênhx nênhs đros chuôz zis trâu chiz coaz muôx txơưx jênhv tror qênhz yuôx yưr lir./.

                                                                 (Tuyết Lan-Txâur Vax cxeik nhênhv)

Lưx lươngv txơưx jênhv tỉnh Lào Cai nhiv kruôr cxov tâu iz lênhx pov niêv lok kror cxâuv nhiês thâux gra, muôl muôs fov ntơưr đhâu ntus đriv hnhar muôx 160 cir.

Nhiv kruôr đhâu, ntơưv thax tsav ntus đriv jok Cửa Suối, xã Nậm Chạc, huyện Bát Xát, tỉnh Lào Cai, lưx lươngv công an huyện Bát Xát thiêz xã Nậm Chạc tưz pov iz lênhx pov niêv nhoz ntơưv ntus đêx đros iz hnaz hax huv muôx ntâu kror txơưr. Qênhz yuôx xuz thơưx puz pâuz lênhx nênhs co zos Đỗ Thị Lan Hoa, zus shông 1987, nhoz ntơưv jok Đại Phú 2, xã Phi Mỗ, huyện Lạng Giang, tỉnh Bắc Giang. Lênhx nênhs co jênhv tiêk, tiv muôx nênhs sưv nhoz saz Trung Quốc viv li tưz muk uô si thiêz zuôr tas nro muôx 108 poz fov ntơưr chox lok đhâu ntus đriv, đhâu co zuôr chox lok trâu Bắc Giang chiê muôs. Taz sik, tưz trâus công an pov thiêz cxov tsês. Nhiv no, txuz hâux lưv no tsênhv tâu chor lưx lươngv txơưx jênhv tror qênhz yuôx uô cov tsênhz mênhx./.

                                                                (AN Kiên-Lik Thox cxêik nhênhv)