Ban seiz car qơư Di tích Điện Biên heik pâuz, taz viv tsênhv chêx tsôngk cxiv kho côngz trênhx di tích qơư tsav trok, nhoz Di tích cấp têz qơưk chor thơưx tuz lênhv qơư uô hâux lưv tsav trok Điện Biên Phủ đrav ntêx (xã Mường Phăng, TP Điện Biên Phủ, tỉnh Điện Biên) đhâu thâuv iz tus ntông lox lor vâu lok ntâuk uô tsi jông, puôk tsuôx qơư di tích heik sâuv chiê phưx vưv tsôngv kruô sđ tuôx ndis seiz uô si. Trơưk li zơưv Nguyễn Anh Đạo, Giám đốc Ban seiz car Di tích tỉnh Điện Biên, đhâu thâuv muôx têx tsi jông li heik co, taz viv tưz đros têx cơ quan muôx vax huôv, hâu nov ntơưv qơư qênhz yuôx shuôs. Iz chas co, heik trâu Sở Vênhx huôv, Thêv thao thiêz Ju lix tỉnh Điện Biên cov heik Ủy ban tỉnh muôx tsưr ziv cxiv kho têx tsi jông, trâul puôk tsuôx. Txos hnuz xiêz 05/11, Ban seiz car Di tích tỉnh Điện Biên tưz qir tso nênhs muk ruôr hlê têx tsi jông chiê cxiv kho đuô, taz sik tsuv taz por cxiv uô, kho đuô trơưk iz zav li têx côngz trênhx kuz thâuv ntêx./.

(VOV-Riê Lâux cxeik, nhênhv)

Cux ntơưv tỉnh Điện Biên hâur 2 hnuz (4-5/11) nhiv kruôr đhâu, UBND huyện Mường Ảng, tỉnh Điện Biên tsưr tsix hnuz hôiv vênhx huôv-Zav nox cxuô mênhx cxưx thiêz hêik pâuz uô tiêr Ciêz Tsênhv qơư huyện ntu 1. Ntâu kror muôx hâur hnuz hôiv hêik tơưv tâu cxuô mênhx cxưx sâuv thax tsav li têx vênhx huôv jông cux xưk li piêr pâuz lok têx zav nox kaz muôx ntơưv tiv phaz. Tâu cxiv uô txix hli 2/2020, Ciêz tsênhv qơư huyện Mường Ảng tâu uô sâuv thax tsav đar muôx 13.700 thiêr ndis, đros uô hâur ntu 1 zos 2 qơư muôs huv thiêz têx qơư txơưr đuô li: kror đêx, qơư vêv xênhz, cxuô zav chiê phax cuz tuô cuz, qơư đêx ntưk…đros chor nhiêx txiêx uô tas muôx 8 tiv đêiv ntâu. Đhâu 8 luz hli ntâu cxiv tsa, txos nhiv no Ciêz tsênhv qơư huyện Mường Ảng tưz tâu uô tiêr thiêz muôz lok sir zôngv, paz zôngx ziv đuô trâu pêx xênhv tiv phaz li hâux lưv zuôr muôx têx hax huv./.

(Báo ĐB-Lik Thox cxêik nhênhv)

Ủy ban tỉnh Lào Cai nhiv kruôr côngz fur têx quyết tinhv hlôngr qơư uô hâux lưv thiêz bâux xeir 3 lênhx Giám đốc sở.

Tsênhv tsênhz, tso zơưv Hoàng Chí Hiền, Chánh Văn phongx Ủy ban tỉnh uô Giám đốc Sở Công thương tỉnh Lào Cai, hlôngr trâu zơưv Đỗ Trường Giang so lâuk. Bâux xeir pos Dương Bích Nguyệt, Phưv Giám đốc Sở Zoz zux uô Giám đốc Sở Zoz zux tỉnh Lào Cai, hlôngr trâu zơưv Nguyễn Anh Ninh so lâuk.

Tso zơưv Đỗ Văn Duy, Bí thư Đảng ủy Khối Cơ quan-Doanh nghiệp tỉnh uô Giám đốc Sở Kôngz nuv thiêz huôv tsar tox siêz tỉnh Lào Cai, hlôngr trâu zơưv Nguyễn Anh Tuấn so lâuk.

Têx quyết tinhv heik sâuv qir uô lơưr txix hnuz xiêz 01/11/2020, six hơưv bâux xeir zos 5 shông./.

(VOV-Riê Lâux cxeik, nhênhv)

Uô lơưr tsaz yênhx cxiv tsa jêx jok yiêz, ntâu shông đhâu Hôiv Nôngx mênhx huyện Mai Sơn, tỉnh Sơn La tưz hêik chor hôiv viên muôz ar, sik côngv đas jos cxiv tsa thiêz huôv tsar têz qơưk cov ziv hnuz ziv vav mênhx, jông đuô. Hôiv yax kriê đhâu chor jiês xênhz huôx chi hôiv, tôv hôiv; uô vênhx huôv, vênhx nghệ; muôz têx ntâuz ntơưr hêik kriê trâu têx qơư xênhz huôx, yax kriê đhâu têx chuôz zênhx thôngz xor mông. Tưz tsik zos li, Hôiv nôngx mênhx huyện Mai Sơn tsênhv kriz uô ciês têx tsưr ziv li: Chi hôiv nôngx mênhx sêiz shuôk têx cêr hur-njuôz-jông, sâu têx vuôz tsuôz uô hur đu tênhv qơư, huôv tsar uô kinh têr….Txos nhiv no tas nro huyện Mai Sơn uô tâu 239 luôs hâux lưv, xav luz đraz mak iz xar uô tâu muôx 11,38 luôs hâux lưv./.

(Trang trại viet-Lik Thox cxêik nhênhv)