13 tiv đêiv ntâu zos chor nhiêx mak tỉnh Lào Cai muôz txix nhiêx txiêx tiv phaz thiêz phênhv xã hôiv hóa chiê tsoz phưz tsiêz trâu chuôz zis tâu sơưv cêr chêi, chuôz zis pluôs, nênhs muôx luz nênhx txov nhêv. Lơưr co zuôr muôx 3.800 lênhx nênhs muôx côngz, nênhs cxênhz jê chor nênhs muôx côngz tâu khơưk muôz 500 cxênhz đêiv iz kror huv; 34.700 ntâu chuôz zis pluôs tâu khơưk muôz 300 300 cxênhz đêiv iz chuôz zis; 110 lênhx nhuôs njuôs, nếnh slâul tsik muôx qơư khov vav tsênhv tâu tu zus, tsoz phưz ntơưv tsênhv qơư côngz xưv xã hôiv tỉnh tâu khơưk muôz 200 cxênhz đêiv iz kror. Jiês no tỉnh Lào Cai tsênhv paz 95 ziv chuôz zis cán bộ, cưk kriê ntơưr, nênhs lox tôngv hâur nganhx zoz zux muôx luz nênhx txov nhêv sâuv thax tsav đros chor nhiêx 1 triệu đêiv iz ziv chuôz zis. Zơưv Đặng Xuân Phong, Chủ tịch Ủy ban tỉnh Lào Cai puz pâuz:

“UBND tỉnh đros Mặt trận têz qơưk tsưr tsix hmo tsiêz trâu nênhs pluôs tưz hêik paz tâu nhiêx txiêx thiêz cxuô zav muôx 7 tiv đêiv ntâu. Thôngx cxix pêz cux tưz phêiz chor cxur, kôngz krâur chiê chơưv paz trâu chor chuôz zis yêiz plaz đros xar muôx 200 tấn thiêz pêz tưz uô tiêr kror hâux lưv no”./.                              

                                                             (Thanh Thủy-Lik Thox cxêik nhênhv)

Lơưr văn phongx Ban taz por zaoz thôngz tỉnh lào Cai, cxôngx hnuz xiêz 3/2 txos nhiv no, jêx tưv grês kis uô cêr 4D nhoz đrik tox trôngz Ô Quý Hồ, huyện Sa Pa, tỉnh Lào Cai ( buôk huyện Tam Đường tỉnh Lai Châu) trâus đâuk bu. Chiê jav qênhx shênhx têx yêz mul lol tsi tâu ntêr, têx tsưr ziv tưz tâu tso tơưv chiê txu grês qênhx shênhx yêz mul lol tsi tâu. Tsênhz mênhx lơưr tsưr ziv, pheiz uô têx jiês yêz mul lol ntơưv 2 tos cêr 4D, zos đâuk bu tuôz mak tsi puz yêz lox mul cxôngx Thành phố Lào Cai. Têx yêz tưz mul lơưv mak tâu pheiz đrês ntơưv qar vênhv tongv thị trấn Sa Pa./.

                                                               (An Kiên- Txâur Vax cxeik nhênhv)

Ntơưv tỉnh Yên Bái, ntux no chênhr, no njiv chor hnuz đhâu tưz uô 90 ntâu tuk nhux tưv trâus tuôs. Chor nhux tưv trâus tuôs nhoz chor huyện: Trạm Tấu 45 tuk, Lực yên 35 tuk, thị xã Nghĩa Lộ 14 tuk. Njuôk xav trâus hiêv muôx 1,7 tiv đêiv. Chor tsiêx cxu trâus tuôs no zos chor nhux tưv lâul, mê nhuôs, iz cxiê tuk tuôs tiv tsik muôx jos, iz cxiê tuk zos trâus moz vôngk têx têk tơư trâus tuôs.

Nhiv no chor nganhx txơưx jênhv thiêz chính quyền tiv phaz cux tsênhv muôx njêx muôs ntơưv chor tiv phaz paz pêx xênhv khưx phưx têx trâus hiêv, kruôz kriê pêx xênhv thêir vor têx tsêr guôx, trâur tơưl trâu nhux tưv ntê cov sor, cxaz nzir chor zav nox chiê tsiêx cxu muôx jos đuô. Li co tsuôk đhâu oz jiês ntux no nhiv kruôr đhâu, tas nro tỉnh Yên Bái tưz muôx 200 ntâu tuk tsiêx cxu trâus tuôs no./.

                                                           (Đinh Tuấn-Lik Thox cxêik nhênhv)