Têis cik 5/5, Ủy ban tỉnh Sơn la sik côngv đros Ban sêiz car Di tích Chủ tịch Hồ Chí Minh ntơưv Phủ Chủ tịch tưz tsưr tsix kriz uô piêr pâuz đuôz đros tsênhv njiêz “Hloz Hôx đros thiêz pêx xênhv cxuô mênhx cxưx tỉnh Sơn La”. Jiêr piêr pâuz zos hâux lưv tok hơưv 60 shông Hloz Hôx thiêz đoanx côngz xưv Trung ương tuôx chuôr yuôx thiêz thav pêv đros cán bộ, chiến sỹ thiêz tsôngv box mênhx cxưx Tây Bắc 7/5/1959-7/5/2019. Đros muôx 350 đêiv đuôz, jiês piêr pâuz tưz hêik tơưv tâu lok hloz Hôx luz nênhx, têx hâux lưv uô trâu mênhx cxưx, têz qơưk. Hêik tơưv zơưv li siêz đros thiêz tsôngv box cxuô mênhx cxưx Tây Bắc, Sơn La…Chiến sỹ Vũ Văn Sơn, trung đoàn 754, Bôv chỉ huy quân sự tỉnh Sơn La hêik:“Hnuz no cur tuôx no cxaz chuôz tsaz yênhx piêr pâuz đuô hloz Hôx lok chuôr yuôx cxuô mênhx cxưx Sơn La mak cur lok six shir phaz. Đhâu đoanx li têx đuôz thiêz hâux lưv uô mak cur pov zuk tsuv nriêr pâuz nzir đuô têx txux chi lok lịch sử Sơn La  cux xưk li lịch sử cxôngx nzor hêik cxuô, viv li hâur qênhx shênhx cơưv shâuv, uô côngz xưv cur zuôr sir jos uô tiêr têx jênhv vưv tâu choz”./.

                              (Trấn Long-Lik Thox cxêik nhênhv)

Ndar txos chiv nhênhv 65 shông ntâus zênhx lix xưv Điện Biên Phủ xiêz 7/5/1954-7/5/2019, hâur têx hnuz no, txơưv nhoz Điện Biên qiv hơưv cuz sor txơưr txar yax six, yênhx cxênhz lênhx tsôngv box nhoz têx đoanx bộ đội lâuk, shux xênhz, tsôngv kruô hâur têz qơưk, saz đrâuv têz qơưk tưz mul têx qơư nza sâuv thax tsav tỉnh chiê hlơưr shaz ndo txos têx lênhx bộ đội tâu tas siv nênhx viv têz qơưk. Lênhx tưs cux xar heik tơưv zuk siêz uô tsâus ntâu txos têx cxênhx nênhs tov ntêx li têx gôngr côngv. Zơưv Đinh Công Chúc đros đoanx bộ đội lâuk jos Ngọc, xã trung Minh, đrôngs Hòa Bình, tỉnh Hòa Bình tuôx seiz qơư nza liệt sỹ A1 thiêz heik:

“Pêz hnuz no cxôngx Hòa Bình tuôx hlơưr shaz trâu têx zênhz shôngx liệt sỹ. Pêz lok six txưv haox, thiêz pêz chiv chir xar njôngr zuôr sir jos uô tiêr jông jênhv vưv cxiv kho têz qơưk” ./.

                                  (B.Thủy- Txâur Vax cxeik nhênhv)

Hnuz 4/5, sâuv mạng xar hôiv facebock muôx yưv xor mông iz chor nênhs uô hâux lưv siêz jông thor chính quyền xar Thanh Kim (huyện Sa Pa-tỉnh Lào Cai) paz zuôr 3 puô cir grêix buô chiê bax tsưr tsix tsaz yênhx “Pluôs mor muôx grêix” trâu shux xênhz pluôs sâuv thax tsav. Taz sik thâuv tuôx txos qơư, chor nênhs co pov têx grêx buô tâu uô co xưk li trâus muôx chaz cxur, viv li tsik khênhr uô nox. Đhâu nriêr pâuz, cơ quan uô hâux luvư no li chêx cur qênhz yuôx puz pov, tas nro chor grêix buô co zos 4 tuk buô tưz tâu tuô txơưv tiêk tsik trâus moz muôx chaz cxur, taz sik cux tâu cxax yuôx, thiêz chor yuôx co muôx nhoz hâur têx grêix; viv li tsik taz por vêv xênhz chiê uô zav nox trâu lênhx nênhs.

Đhâu ciês muôx cơ quan uô hâux lưv no li chêx cur qênhz yuôx, tas nro chor grêix buô co tưz tâu muôx hlơưr phâuk por tsês. Qơư muôs têx zav grêix tsik taz por vêv xênhz zav nox muôx bê Ngô Minh Phụng ntơưv thành phố Lào Cai cux tsuv tror thêv chor nhiêx 19 triệu đêiv tror trâu chor nênhs uô têx hâux lưv siêz jông co./.

                                        (An Kiên-Lik Thox cxêik nhênhv)

Hnzu xiêz 4/5, ntơưv jos Co Chàm, xã Lóng Luông, huyện Vân Hồ, tỉnh Sơn La , Côngz ngaz huyện Vân Hồ lov lik đros côngz ngaz huyện Mộc Châu, phongx cảnh sát zaoz thôngz côngz ngaz tỉnh Sơn La pov thiêz ntês tâu 2 lênhx nênhs zos Xê Xênhv Thox, luz bê txơưr zos Juôs Xênhv Thox xênhz shông 2000, nhoz xã Đông Sang, huyện Mộc Châu thiêz Dũng Xênhv Lâux xênhz shông 1990 nhoz xã Vân Hồ, huyện Vân Hồ, tỉnh Sơn La. Lưx lươngv muôx txơưx jênhv tưz sâu tâu 2 cxênhz 600 njiêr zax zênhz cxuô zav, 1 luz yêz ô tô thiêz iz cxiê chuôz zênhx muôx lênhx coaz txơưr. Krêz đar qênhz yuôx, Chiz coaz cảnh sát qênhz yuôx côngz ngaz huyện Vân Hồ tưz ciêr chênhr seiz car Hàng Xênhv Shôngx xênhz shông 1993 li qơư nhoz ntơưv xã Lóng Luông, huyện Vân Hồ thiêz sâu tâu 3 đeiv zax zênhz, 2 poz zênhz đơưz hnhar 1.400gam; 48 gam ntâu zax zênhz tâu uô txiêk; 365 njiêr zax zênhz cxuô zav thiêz iz cxiê chuôz zênhx txơưr muôx lênhx coaz. Hâux lưv no nhiv no tsênhv tror tâu qênhz yuôx uô tsênhz mênhx./.

                         (Trấn Long- Txâur Vax cxeik nhênhv)