Đros chor nênhs Việt Nam saz đrâuv têz qơưk tror lok têx jâuv zuôr chuôz ndê chôngz đhâu thâuv kriz uô tsik cêv kuôk xar hôiv, tỉnh Sơn La tưz bax têx tsưr ziv chiê tir tar moz Covid-19 cik tâu lok hâur thax tsav txix ciês ntơưv thax tsav ntus đriv. Bôv chỉ huy Bôv đôiv Pênhz phax tỉnh Sơn La tưz kriz uô 48 qơư sêiz jor qênhz yuôx caz moz Covid-19 ntơưv têx trôngx đriv, qơư qênhz yuôx; đuô li tsênhv kriz uô 20 tôv qênhz yuôx caz moz muk txos têx jêx jok, cxiê qơư chiê phax, tar caz moz ntơưv thax tsav ntus đriv tỉnh Sơn La. Thiếu tá Bàn Tiến Vĩnh, Zênhx tsar zênhx pênhz phax Phiêng Pằn, Bôv Chi huy Bôv đôiv Pênhz phax tỉnh Sơn La puz pâuz:“Chiê tir tar tâu truôx jông moz covid-19 cik lok đhâu ntus đriv mak Đảng ủy Ban Chi huy Zênhx tror chuôz cxaz lênhx nênhs, chuôz zênhx por vêv ntus đriv, sir jos qênhz yuôx jông ntus đriv, tiv zix zos têx cêr zâu muôx nhoz thax tsav sêiz car; tiv oz zos uô truôx jông Thủ tướng chính phủ li Chỉ thị 19 lok têx tsưr ziv phax, tar moz covid-19 hâur ntu nhiv no”./.

(Trấn Long-Lik Thox cxêik nhênhv)

Hnuz xiêz 5/5, Hội chữ thập đỏ Việt Nam tỉnh Yên Bái đros Zênhx hangx Công thương Việt Nam Chi nhánh tỉnh Yên Bái khơưk muôz 500 phênhv huv trâu lênhx nênhs muôx luz nênhx txov nhêv, trâus zênhr shar tiv moz Covid-19 huôv xênhz. Ntơưv 2 qơư muôz cxur tsi pôngz nhiêx txiêx nhoz TP Yên Bái thiêz huyện Yên Bình, iz chuôz zis txov nhêv tâu jênhv 5 cir cxur, tas nro cxur muôz hâur jiês no zos 2,5 tênhr, tsiv grê zuôr xar 40 tsov đeiv. No zos chor cxur tâu Công đoàn nganhx zênhx hangx Viettinbank, chi nhánh tỉnh Yên Bái muôz cxôngx Cuiv siêz jông chiê paz. Têx shôngk đhâu, Zênhx hangx Viettinbank, Chi nhánh tỉnh Yên Bái tưz paz txưv uô 200 luz tsêr nhoz trâu nênhs pluôs ntơưv tỉnh Yên Bái, tsiv grê 10 tỷ đeiv, tsưr tsix seiz njuôs, kho moz thiêz khơưk muôz huv trâu nênhs pluôs, têx ziv chuôz zis trâus zênhr shar tiv ntux nas ntơưv têx huyện tox siêz Văn Chấn, Mù Càng Chải, Trạm Tấu, tỉnh Yên Bái./.

(Tuấn Xuân- Txâur Vax cxeik nhênhv)

Cik txos têx xor mông hêik pâuz muôx iz chor nênhs sơưr uô hâux lưv zok nriêr qơư đrêk yêz chiê zuôr nhiêx ntơưv Trôngx đriv Ntiêx têz cêr ar số 2 Kim Thành, ntơưv jiês cơưv hêik pâuz xor mông trâu pov chir hnuz 5/5, zơưv Hoàng Chí Hiền, Chánh văn phòng UBND tỉnh Lào Cai puz pâuz, tỉnh tưz choz zok trâu cơ quan txơưx jênhv nriêr pâuz, xưv lik truôx têx uô cxâuv zos muôx. Lơưr co, Ban sêiz car thax tsav qơư kinh têr tâu choz jênhv vưv sêiz car, tsuv muôx Hải quan cxaz chuôz đros chor lưx lươngv Pênhz phax uô têx hâux lưv no. Tsưr ziv yiêz cui tênhv hâux lưv kho, nriêr qơư đrêk yêz tsuv tâu uô txix thâuv 7 six- 9 six sơưr nzor yênhx hnuz thâuv muôx txưv 3 lưx lươngv no sik đros uô; chor yêz tưs hêik pâuz  trâu Hải quan tas thiêz tâu muk trâu hâur qơư đrêk yêz ntơưv tsêr liên nganhx tok chiê thâux hax huv muôs tơưv muk saz đrâuv têz qơưk./.

(An Kiên-Lik Thox cxêik nhênhv)

          Đồng chí Lê Trọng Khôi, Phưv chủ tịch HĐ tỉnh Điện Biên nhiv kruôr mul seiz thiêz khơưk muôz huv trâu 5 ziv chuôz zis sâuv thax tsav huyện Mường Ảng trâus ruôr hiêv hnhar lok tsêr nhoz tiv ntux nas. Đồng chí tưz pheiz kênh, tôngv vênhx têx chuôz zis sir jos khưx phưx têx trâus ruôr hiêv, nzor ngaz tul luz nênhx xênhz huôx thiêz tror tsiv uô kôngz lôngk. Tâu pâuz, jiês lok lơưs cxôngx hnzu 23-24/4 tưz uô ruôr hiêv tsôngv box 5 luz tsêr nhoz, Tsêr cơưv THCS Mường Lạn li luz tsêr uô mor thiêz yênhx châuv hecta ntông nox txir, tsoz chos kôngz nuv trâus lor, ruôr hiêv cxôngx 30-70%./.

(Báo ĐBP-Txâur Vax cxeik nhênhv)