Jiês têz nus Bộ trưởng Bộ lox tôngv saz pênhz thiêz xã hội Đào Ngọc Dung zar hnuz keix hnuz đhâu tâu chôngz cử tri ntơưv Điện Biên ntâus grê siêz, tiv zix zos đros vênhv thix zuôr nzor sik seiz lax đros têx Bộ hâur hli 7 ciê muôz trâu chinhr phuv krê zuô đề án muôz siêz luz nênhx trâu mê nhuôs tox siêz. Cử tri Đặng Lan Phương, nhoz tuêv jênh phôr 1, phường Noong Bua, thành phố Điện Biên Phủ heik:

“ Đros thiêz tỉnh Điện Biên nhiv no phênhv ntâu zos têx chuôz zis pluôs, tiv mê nhuôs tox siêz li luz nênhx, hâux lưv cơưv ntơưr, uô si tsênhv yuôr ntâu phêv liv. Cur lok six thôngx ziv đros Bộ trưởng li têx lul têz thiêz chủ tịch côx hôiv Nguyễn Thị Kim Ngân li ziv chênhv chox kriê. Chinhr phuv tsuv nzor muôx cxaz têx đề án tsênhz mênhx thiêz muôz pênhr chiê taz por trâu mê nhuôs tox siêz li têx tỉnh Tây Bắc tâu sơưv txâuk 3 qênhx zos cơưv ntơưr, uô si, muôx txâuk tsơưr pưr thiêz hnhar sor li tưz heik hâur jiês khiêz phêv tov ntêx”./.

(Vũ Lợi- Txâur Vax cxeik nhênhv)

Sâu thiêz xưv lik têx zav vuôz tsuôz ntơưv chor qơư đô thị nhoz Lào Cai tâu xar muôx 85%. Lơưr co, hâur muôx nhos 400 tấn vuôz tsuôz xênhz huôx iz hnuz txix chor đô thị hâur tỉnh mak muôx 340 tấn tâu muôz muk phâuk, xưv lik. Đrâuv 18 qơư phâuz, xưv lik hâur tas ro tỉnh, ntơưv thành phố Lào Cai muôx iz luz tsêr mêir xưv lik têx vuôz tsuôz xênhz huôx chiê uô yênhx têx zav hữu cơ zos qir hmôngr uô tâu 100 tấn iz hnuz.

Đrâuv kror hâux lưv no tưz thiêz tsênhv tâu kriz uô muôx chêx cur ntơưv chor đô thị mak nhoz têx jêx jok, no cux tsênhv zos vênhv thix phiv liv. Lơưr thôngz sâu, hâur tas nro 200 ntâu tấn vuôz tsuôz xênhz huôx iz hnuz hmoz ntơưvtêx jêx jok Lào Cai, tsuôk muôx 15-20% chor no tâu sâu tsês thiêz xưv lik./.

(An Kiên-Lik Thox cxêik nhênhv)

Cxôngx hnuz 21/5 txos hnuz 22/6, thành phố Lai Châu, tỉnh Lai Châu tsưr tsix cxax yuôx phax moz cheix ntux sor trâu paz tsiêx cxu sâuv thax tsav. Lơưr co, thành phố cxax 100% yuôx phax moz nhiệt thán trâu nhux tưv nhux đas, nênhk hâur thax tsav tsuv cxax yuôx, thax tsav njuôs xav muôx moz huôv xênhz siêz; yuôx phax moz đôngs nyar trâu 90% paz nhux tưv nhux đas; yuôx phax moz thox plaz trâu 70% chor buô muôx hâur thax tsav tu zus chêx chôngk thiêz têx qơư 3 shôngk jê ntơưv no pov muôx moz huôv xênhz. Hâur têx shông jê ntơưv no, iz cxiê moz cik li nhiệt thán, đôngs nyar, thox plaz pov muôx yưv ntâu sâuv paz nhux tưv, nhux đas, buô nhoz têx xã, phường sâuv thax tsav thành phố. Viv li, hâux lưv cxax yuôx phax moz chiê gôngr phênhv tir tar moz, por vêv thiêz huôv tsar paz tsiêx cxu, por vêv tsôngv box li đas jos thiêz por vêv tênhx qơư nhoz uô nênhx./.

( KT- Txâur Vax cxeik nhênhv)

Ntux nas lox hmo 4/6 thiêz têik cik 5/6 sâuv thax tsav faz Tây tỉnh Yên Bái tưz uô muôx ar poz, cuôr tas plas cêr uô trâu txox cêr 174 (Trạm Tấu-Nghĩa Lộ) muk lok tsik tâu. Sở zoz thôngz tỉnh yên Bái tưz sêi đrơưv chox kriê lưx lươngv xưv lik, taz por cov cêr muk lok tâu.

Zơưv Bùi Quốc Hưng, giám đốc công ty cổ phần cxiv tsa cêr ar 1 tỉnh yên Bái, taz viv sêiz car txox cêr 174 puz pâuz: xar muôx 8 six têik cik no txos cêr no tưz muk lok tâu đhâu./.

(BTS-Lik Thox cxêik nhênhv)