Hâur têx hnuz hâur hlik 7 nhiv kruôr đhâu, ntux nas lox tưz uô 2 cxênhz ntâu yiv đruôz ar, poz jêz xưz poz lok cxuz tas ntâu txox cêr mul lok hâur xã, jêx jok hâur huyện Tủa Chùa, tsôngv box ntâu luz tsêr trâus ar, poz jêz cxuz; uô puôk tsuôx tas 4 côngz trênhx đêx liv. Đhâu hlo thâuv muôx têx tsi jông li heik sâuv, Ủy ban huyện Tủa Chùa tưz chox kriê lưv lươngv muôx vax huôv, đros cxuô thax tsav qir qênhz shuôs, ntâuk grê têx trâus uô ruôr hiêv; hu sơưr đơưk, têx yêz uz no tuôx đros thoz huk cêr, taz por yêz mul lok tâu đhâu thiêz muôx tsưr ziv yeik txar têx chuôz zis tsôngv box nhoz thax tsav riêz nênhs zôngx ziv muôx tox poz ar lơưk, trâus đêx nas cuôr yôngz muk nhoz qơư taz por./.

    (Vũ Lợi-Riê cxêik nhênhv)

Ndax chiv nhênhv 55 shông hnuz yênhx lix cêr coaz siv fôngx zưs Việt Nam-Lào thiêz 40 shông hnuz cir Hiệp ước hữu nghị thiêz sik hux jos Việt Nam-Lào, hnuz xiêz 5/7, tỉnh Sơn La tưz tsưr tsix krêz uô têx hâux lưv "Hnuz hội nthuôr uô cêr lov jêv vênhx huôv, thêv thao thiêz ju lix thax tsav ntus đriv Việt Nam-Lào".

Têx txux chi lov jêv heik sâuv tưz tâu krêz uô, muôx 160 ntâu lênhx nhoz 7 tỉnh ntus đriv Việt Nam-Lào tuôx đros côngv uô si lov jêv li: Tuô hnênhr, sik truz hluô thiêz sik lâuz pak. Iz chas ntơư, ntênhs krêz uô piêr kriê têx txux chi uô si lov jêv heik lok lênhx nênhs thiêz 10 tỉnh nhoz jê ntus đriv Việt Nam-Lào têx muôx jông; piêr kriê têx xiv huv vênhx huôv, ju lix tâu tsưr tsix ntơưv Tsênhv qơư TP Sơn La, tưz hu zâuv tâu chôngz lênhx ntâu tuk tsôngv box ntơưv qơư thiêz tsôngv kruô tuôx ndis seiz. Têx xiv huv co heik kriê lok sâuv têx thax tsav tox siêz, chor tỉnh nhoz jê đriv têz buôk têz qơưk Lào têx muôx jông./.

                                     (Hoàng Long-Riê Lâux cxeik, nhênhv)