Têis cik 5/9, 440 ntâu qơư zoz zux đros 200 ntâu cxênhz shux xênhz sâuv thax tsav tỉnh Yên Bái tưz kriz cơưv shông cơưv yiêz 2019-2020. Ủy viên Bộ Chính trị, Phưv Chủ tịch thường trực Côx hôiv  Tòng Thị Phóng đros đoanx côngz xưv côx hôiv tưz dự jiês kriz cơưv ntơưv tsêr cơưv cxênhx pêz Hoàng Văn Thụ, huyện Lục Yên, tỉnh Yên Bái. Tsêr cơưv cxênhx pêz Hoàng Văn Thụ, huyện Lục Yên muôx 1.300 ntâu lênhx shux xênhz, 75% zos shux xênhz mênhx cxưx tsơưs nênhs. Shông 2018-2019 nhiv kruôr đhâu, chor shux xênhz cơưv tiêr ntơưr hâur tsêr cơưv muôx 97% ntâu, 60% ntâu shux xênhz cơưv tâu txơưx, chôngz lênhx shux xênhz nhoz tsêr cơưv tax tâu giải siêz hâur chor jiês thik tưr cấp têz qơưk…/.

(TTTB-Lik Thox cxêik nhênhv)

Ntơưv thành phố Lào Cai, Ban chỉ huiz phax tar ntux nas thiêz nriêr chơưv nanv Bộ y tế nhiv kruôr tsưr tsix Phêv ziv kriê cxaz côngz xưv tuôv zênhv y tế thâuv muôx ntus nas shông 2019. Cxaz chuôz Phêv ziv muôx hlôngr njêx muôk Sở y tế, tsêr kho moz đa khoa 10 tỉnh faz Bắc thiêz 5 tsêr kho moz hlôngr njêx muôs têx tsêr kho moz thiêz Viện nhoz Bộ y tế thax tsav faz Bắc cxôngx tỉnh THừa Thiên Huế tror lol. Đhâu kriê cxaz, têx học viên zuôr tâu kriê têx yênhx tưv lok qênhx shênhx ntux nas thiêz tsuv tuôv zênhv y tế thâuv muôx ntux nas nhoz Việt Nam; têx tsưr ziv tuôv zênhv thiêz tsưr ziv sik côngv y tế ntơưv têx thax tsav trâus zênhr shar tiv ntux nas; cxiv tsa tsêr kho moz li tsưr ziv tuôv zênhv y tế..../.

(An Kiên- Txâur Vax cxeik nhênhv)

Têx shông đhâu, chor cán bộ trạm Y tế xar Lùng Thàng (huyện Sìn Hồ, Lai Châu) sir jos uô muôx chêx cur côngz xưv tsoz phưz, por vêv đas xuz thơưx trâu pêx xênhv. Trạm Y tế xar Lùng Thàng tsênhv kriz uô muôx chêx cur côngz xưv yax mông-zoz zux đas jos chor tsaz yênhx y tế. Txix hâur shôngk shông txos nhiv no, Trạm tsưr tsix 7 jiês yax mông y tế trâu 200 ntâu lênhx nênhs. Tsênhv njiêz mak tsêx trung trâu kruôz kriê pox nhuôs nox nhoz huv vêv xênhz, bax phax tar têx zav moz thâuv qiv hơưv hlôngr chêix…/.

(Báo LC-Lik Thox cxêik nhênhv)

Niêx shông ntơưv huyện tox siêz Điện Biên Đông, tỉnh Điện Biên puôr lênhx muôx yênhx châuv txuz nox yuôx tuôs. Txơưv chinhr quyênx tiv phaz tưz yax mông, tir tar,taz sik têx lênhx nênhs xeir nox yuôx tuôs cux tsi tâu tâu txu gris. Qir tiv zos tiv muôx têx tsi jông siêz lok luz nênhx pir li tsi tâu chuôz zis zuôr xor tênhv, zuôr yêz cux nriêr muk nox yuôx tuôs...Tix lâuk Ly A Mua nhoz jos Keo Lôm 2, xã Keo Lôm, huyện Điện Biên Đông puz pâuz, tix lâuk muôx tul nhuôv nxeik nhiv kruôr tâu têx bác sĩ chơưv tâu chiêx viv nox yuôx tuôs: “Xuz thơưx nưs tsi thav tul tsi hlo, taz sik cur truô nưs kror muôs mak txơưv pâuz ciês tiêk nưs nox yuôx tuôs. Cur thiêx li nus tiêk pok zos cox nox yuôxuôs? Thiêz ciêr chênhr chox ciês muk tsêr kho moz, têx bác sĩ heik tiêk yuôx tưz xâuk tas nzuôr tsi tâu, tsuv lav nzuôr thiêz cxax yuôx chơưv kho, môngr jông chơưv tâu mê nhuôs thiêz nhiv no nưs tưz jông lơưv”./.

(VOVTB-Txâur Vax cxeik nhênhv)