Tổng bí thư Nguyễn Phú Trọng li jax phuôx plov krêz uô Phêv ziv jiês tiv 4 BCH Trung ương Đangv khóa 13 tâu ntâu lênhx đangv viên nhoz Tây Bắc thôngx ziv siêz, tiv zix zos đros têx vênhv thix cxiv tsa, hlôngr yiêz Đangv. Lơưr đangv viên NGuyễn Huy Long, Chủ tịch Hiệp hội doanh nghiệp tỉnh Lào Cai, Tổng bí thư li thix ziv đros hâux lưv tsuv nhênhz chơưv, cxaz nzir, uô tsênhz mênhx đuô thiêz têx phênhv, qir tiv thiêz txux hiêv hâur têx hâux lưv muôx yưv zos lok six zuôr trâus, gôngr phênhv muôz siêz chêx cuk tir tar têx siêz xar tsi jông. Cxôngx têx tsi jông co zuôr uô muôx yưv thaz huôz nox nhiêx, tsi taz lok chuôz zênhx chuôz tas mak tsênhv thaz huôz lok cơ chế. Viv li, chiê pâuz tâu têx tsi jong tsuv uô jông, phuôx huiz têx kênh thôngz xor mông cxôngx tsôngv box thiêz doanh nghiệp.“Tsôngv box thiêz doanh nghiệp li têx phêv liv zos hâur pâus uô muôx yưv têx hâux lưv tsi jông hâur chiz coaz têz qơưk, chiê têx lênhx nênhs muôx qênhx tâu huôz nox nhiêx txiêx sâu liv. Xar njôngr đhâu Phêv ziv Trung ương 4, têx chiz coaz Đangv, têz qơưk zuôr uô txos qơư đuô thiêz, đrâuv tơưv txênhz phax tar cux tsuv mnôngs, por vêv têx lênhx nênhs car heik kriê chiê pov tâu têx huôx tôngv tsi jông, thaz huôz nox nhiêx...”./.

(An Kiên-Txâur Vax cxeik nhênhv)

Ntơưv thax tsav qơư tsik sâu nhiêx txiêx njuôk shuôk sêi caz moz Covid-19 trâu chor nênhs tror lok txix 4 tỉnh faz Nam, zos thax sav qơư tsênhv muôx moz Covid-19. No zos Chủ tịch UBND tỉnh Sơn La Hoàng Quốc Khánh hêik pâuz ntơưv jiês cơưv txuôk đros cxuô thax tsav qơư lok côngz xưv phax, tar moz Covid-19, tâu tsưr tsix têis cik 5/10.

Lơưr co, huyện Phù Yên (zos thax tsav qơư ntơưv tỉnh Sơn La tsênhv muôx caz moz Covid-19, đros muôx 250 lênhx nênhs moz) hêik trâu tỉnh cov cxaz nzir nhiêx txiêx kho đuô qơư sêiz jor, njuôk shuôk caz moz Đu Lau; huyện Vân Hồ (nhoz sâuv txox cêr lox số 6, zos luz huyện nhoz puôz ntus đriv têx tỉnh qơư kik) hêik pâuz tsưr ziv txêik tok chor nênhs txix saz đrâuv tỉnh tror lok hâur thax tsav tỉnh thiêz chor nênhs nhoz têx tỉnh Điện Biên, Lai Châu muk lok đhâu sâuv thax tsav huyện Vân Hồ thiêz tỉnh Sơn La. Cxuô thax tsav qơư txơưr mak hêik tiêk oz huyện Phù Yên thiêz Vân Hồ tsuv sir jos sik côngv hêik pâuz têx xor mông thâuv muôx nênhs lok hâur thax tsav tỉnh chiê tsưr tsix tok, cêv kuôk cov huv zos thiêz ndar six hơưv.

Giám đốc Sở Y têr tỉnh Sơn La hêik cxuô lưx lươngv kriz uô njuôk shuôk sêiz thiêz phêiz cxuô zav nênhs chiê chox muk cêv kuôk ciês ntơưv têx qơư sêiz jor phax tar caz moz; cxuô thax tsav qơư cux tsuv bax uô jông têx qơư chơưv kho zos tiêk pov muôx lênhx nênhs trâus cik moz./.

(Trấn Long-Lik Thox cxêik nhênhv)

UB tỉnh Lai Châu li hâux lưv qênhz yuôx dự án uô cêr kror ar muk đhâu trôngz Hoàng Liên Sơn chiê nhênhz chơưv tsưr ziv uô huv đros muôz trâu Ban thường vụ Tỉnh ủy Lai Châu seiz shuôk, cuiz tênhv.

Cêr kror ar Hoàng Liên tâu cxiv uô nhoz đơưv Ô Quý Hồ, sâuv neiev cêr 4D, đros tas nro pênhr yưv uô njuôs xav zos 3 cxênhz 500 tỷ đeiv. Luz đơưv no txuôk huyện Tam Đường (Lai Châu) đros thị xã Sa Pa (tỉnh Lào Cai), ntêr muôx nhos 40 cei cêr, niêv cêr 4D cux zos txox cêr tsênhv muk cxôngx Lai Châu muk cêr muk chênhr Lào Cai- Hà Nội thiêz têx thax tsav kinh têr coaz tsôngv nhoz têx tỉnh tiêx đras Bắc Bộ.

Thâuv cêr kror ar Hoàng Liên tâu cxiv uô chox lok sir zôngv zuôr tsi tsuv muk 17 cei cêr ar nxaz thiêz, cêr nkrâuk lok six lax muk; muk sei đuô thâuv muk đhâu đơưv Hoàng Liên cxôngx 40 phênhz grês yuôr 8 phênhz; car chêx tâu qênhx shênhx tox poz, uô zaoz thôngz lax muk lok hâur cheix ntux nas./.

(K.Kiên-Txâur Vax cxeik nhênhv)

Thâuv 10 six 10 phênhv tar su hnuz 4/10, ntơưv thax tsav jok Huổi Khương, xar Vàng Đán, huyện Nậm Pồ (tỉnh Điện Biên), Công an huyện Nậm Pồ sik côngv đros chor lưx lươngv muôx vax huôv cxov tâu Chữ Vàng Xênhv Vax, zus shông 1962, nhoz ntơưv jok Trên Nương, xar Nà Bủng, huyện Nậm Pồ tsênhv zuôr muôs tsik zos chêi zax zênhz. Qênhz yuôx Chữ Vàng Xênhv Vax, lưx lươngv công an sâu tsês tâu 30 luz hnaz tax njuôz, ntiv muôx 6.000 luz yuôx shơư zax zênhz; 90g zax zênhz thiêz ntâu zav ntâuz ntơưr cik txos.

Ntơưv cơ quan Công án, Chữ Vàng Xênhv Vax hêik pâuz tiêk zuôr chor zax zênhz co ntơưv thax tsav ntus đriv Việt Nam-Lào chox lok muôs chiê zuôr liv. Thâuv tsênhv chox muk muôs chêk trâus pov thiêz cxov tsês. Nhiv no txuz hâux lưv tsênhv tror tâu qênhz uô nriêr pâuz cov tsênhz mênhx./.

(Vũ Lợi-Lik Thox cxêik nhênhv)