Sở zoz zux tỉnh Laox cai tsênhv taz tov hêik cxuô phôngx zoz zux hâur thax tsav, tsuv zênhx max uô cov tiêr ntâuz ntơưr thiêz muôz phênhv paz trâu 400 lênhx shuv xênhz muôx cêr txov nhêv hauar jiês tưr thi tas ntơưr lớp 12 shông 2020 uô ntêx hnuz xiêz 7/8. Ntơư zos uô trơưk uỷ ban tỉnh Laox cai luôs hauax lưv tso tơưv chiê paz trâu chor shuv xênhz muôx cêr txov nhêv cơưv ntơưr txơưx thiêz shuv xênhz uô njuôs niêv njuôs txir, shuv xênhz pluôs. Chor shuv xênhz hêik no, iz lênhx tâu tỉnh muôz 300 cxênhz nhiêx paz hâur jiês tưr thi cơưv tiêr ntơưr lớp 12 shng 2020./.

                                                                Tsu cxêik nhênhv-An Kiên-Chia  BT

Jiês thik cơưv tiêr ntơưr lớp 12 shông no, tỉnh ntus đriv Lai Châu muôx 3.300 ntâu lênhx shux xênhz thik tưr. Txos nhiv no, nganhx zoz zux tiv phaz tưz bax 18 kror qơư thik chênhr thiêz 18 kror qơư phưv. Tỉnh Lai Châu cux bax 18 qar thik chiê phax muôx nênhs trâus cêv kuôk tiv caz moz thiêz bax 36 qar thik chiê tsưr tsix trâu chor shux xênhz njiz lok sik nhoz jê chor nênhs trâus moz tuôx thik zos muôx. Zơưv Đinh Trung Tuấn, Giám đốc Sở Zoz zux tỉnh Lai Châu puz pâuz: Jiês thik no, nganhx tso muôx 1.220 lênhx nênhs đros uô hâux lưv tsưr tsix thik, hâur co muôx 920 lênhx zos chor nênhs sêiz shuôk thik thiêz zuôr xar 150 lênhx nhân viên y têr, công an chiê cov ngaz tuk thiêz paz jông đas jos trâu shux xênhz:“Jiês thik cơưv tiêr ntơưr lớp 12 nhoz tỉnh Lai Châu muôx trâu thâuv chêix ntux nas chuô. Tsưr ziv cov ngaz tuk trâu chor nênhs thik tưr, pêz hêik krie trâu shux xênhz tsik so sêiz shuôk jông txos têx phiv liv thâuv uô ntêx, hâur chor hnuz thik. Nganhx tưz muôx tsưr ziv chiê chor shux xênhz nhoz đêz nox nhoz ntơưv tsêr cơưv, tiv zix zos chor shux xênhz muôx luz nênhx txov nhêv”./.

(Khắc Kiên-Lik Thox cxêik nhênhv)

Cux zos ntơưv tỉnh Laox cai, hâur têx hnuz đhâu, muôx ntux lok nas lox, tưz uô ntâu ntu cêr ntơưv thị xã Sa Pa, tỉnh laox cai trâus poz, yêz muk lok tsik tâu đhâu.

Ntơư zos ar poz trâu ntơưv ntu cêr 152 thiêz ntơưv txox cêr txix thị xã Sa Pa muk trâu xã Hoàng Liên thiêz thax tsav du lix Cát cát, uô trâu tsôngv px muk lok tsik tâu đhâu.  Hâur hmo xiêz 4/8, coz nas lok lox cux uô ar ntưk lok cxuz 3 chuôz zis px nhoz phươngx Phan  Si Păng, thị xã Sa Pa, uô ruôr hiêv tsik zos tsơưs txos têx chuôz zênhx chuôz tav, xav nhiêx puôk tsuôx tas 50 triệu đêiv.

Trơưk li cơ quan njuôk ntux yar ntux nas hêik pâuz, hâur têx hnuz zuôr txos no, sâuv thax tsav tỉnh laox cai tsênhv zuôr muôx ntux nas lok lox, tsôngv px sđ tsuv chênhr phax tsik chiê nas chuô uô ruôr hiêv txos tsôngv px sđ luz nênhx nox nhoz muk lok hauar niêx hnuz./.

Tsu cxêik nhênhv-An Kiên -Chia BT

Zơưv Zax Xênhv Muôk, Phưv chủ tịch UBND xar Suối Giàng, huyện Văn Chấn, tỉnh Yên Bái puz pâuz: xar muôx 11 six tar su hnuz 5/8, ntơưv Suối Lóp, jok Cang Kỷ muôx iz lênhx nhuôs zâu tsik pov, tâu xav tiêk ntos hâur đêx thiêz trâus đêx cuôr yôngz lơưv.

Tsênhv tsênhz, têis cik 5/8, nhuôs Shôngx A. N, zus shông 2018, đros tuk txir zos Shôngx A D nhoz tsêr. Thâuv tix lâus D chiê mê nhuôs uô si iz lênhs taz sik tsik cơư kror  trôngx. Pư sơưr tix lâus D zok nriêr tsik pov mê nhuôv hlo. Tiv ntơưv iz saz tsêr muôx tuk cưx đêx ntưk muk trâu tuk đêx Lóp viv li têx jâuv tuk mê nhuôs co tưz trâus đêx cuôr yôngz lơưv. Zơưv Zax Xênhv Muôk puz pauz nzir, ciês pâuz tâu xor mông xar tưz tso nênhs đros chuôz zis sir jos zok nriêr, taz sik tsênhv zok tsik tâu pov.

Ntâu hnuz đhâu sâuv thax tsav tỉnh Yên Bái muôx ntux lok nas, viv li chor đêx sâuv thax tsav tỉnh puôr pur siêz thiêz huôv lox, viv li pêx xênhv sơưr đơưk tsuv uô jông sêiz shuôk, phax tar jông, tiv zix zos têx chuôz zis nhoz jê têx cưx đêx, cưx ha./.

(Thừa Xuân-Lik Thox cxêik nhênhv)