Txix hnuz 1/1 txos hnuz 6/1, lưx lươngv cảnh sát zoz thôngz tas nro tỉnh Sơn La tưz qênhz yuôx, xưv lik 247 lênhx nênhs uô cxâuv chêi, sâu tsês ntơưr tsar yêz 60 lênhx nênhs, cxov tsês 40 luz yêz uô cxâuv. Ciês lok xưv bluô hâuk chơưr bia zos 25 lênhx nênhs, hâur co muôx 1 luz yêz ô tô thiêz 24 luz yêz mêir. Lênhx nênhs tsar yêz ô tô uô cxâuv tưz trâus xưv bluô 17 triệu đêiv. Đuô li, lưx lươngv txơưx jênhv tsênhv xưv bluô têx kror uô cxâuv li: Thâux ntâu, muk chênhr, tsik ntông câuk mov por vêv tâuz hâu…/.

(Tuyết Lan-Lik Thox cxêik nhênhv)

Thủ tướng Chính phủ nhiv kruôr quyết tinhv xeir tsov têz qơưk têx qơư di tích jông (jiês tiv 10) trâu 7 qơư di tích. Hâur co muôx Liêx tơư ntêir Mù Cang Chải, huyện Mù Cang Chải, tỉnh Yên Bái.Thủ tướng Chính phủ heik Bộ trưởng Bộ Vênhx huôv, Thêv thao thiêz ju lix, Chủ tịch Ủy ban cxuô cấp thax tsav muôx qơư di tích jông heik sâuv, hâur zuk hâux lưv thiêz vax huôv lês uô têz qơưk têx hâux lưv seiz car têx qơư di tích trơưk li chei têz qơưk cui tinhv lok têx txux chi vênhx huôv./.

(Chính phủ-Riê Lâux cxeik, nhênhv)

Nhiv no, ntơưv têx ciês nhoz tox siêz, nhoz đêz, chor hax huv chuôr, hax huv tsik taz por tsơưr lươngv cux tsênhv tâu muôs ntâu. Têx cơ quan txơưx jênhv nhoz tỉnh Lào Cai sik côngv đros chính quyền tiv phaz sir jos sêiz shuôk truôx jông têx hax huv hêik co, taz sik cux njiz tsik tsơưs phiv liv. Zơưv Nguyễn Kiến Quốc, Đội trưởng đội 1, Cục sêiz car ciêz đrôngs tỉnh Lào Cai puz pâuz: tiv nênhs tsênhv tsơưs viv li oz pêz hli thiêz muk txos trâu iz luz ciêz nhoz tox siêz, hâux lưv sêiz kaz têx hax huv, nriêr pâuz qơư uô cux tsênhv uô tsik tâu txos qơư:“Thâuv lưx lươngv txơưx jênhv xưv lik truôx mak lơưr gâuv tas, lơưr tsuôk tso mê njil chiê muôs cov nênhs zuôr pâuz xưz. Hok lưx lươngv txơưx jênhv mak mê li co cux lax xưv lik viv lơưr cêr chêi mak cux tsik muôx chiê xưv lik têx  kror tsơưs li co, cux tsik txưr sir zôngv”./.

(VTVnews-Lik Thox cxêik nhênhv)

          Nhiv no, xav kror đruôz iz hnuz, tsôngv kruô tuôx ndis shuôs har ntông chiêz, Bãi Áng, huyện Mộc Châu, tỉnh Sơn La lênhk tok muôx iz cxênhz ntâu lênhx kruô tuôx uô si ndis seiz têz qơưk. Taz sik, hâur ntâu shông đhâu, tsôngv kruô tuôx ndis seiz têz qơưk uô si ntơưv thax tsav qơư no cux li ntâu kruô tuôx ndis shuôs ntux uô si ntơưv Tây Bắc tưz txơưr txar ntâu, uô tsi jông txos chiv xênhz đrox tsuôs hâur thax tsav, iz txưv to bê lok sâuv muôx ntâu têx jông chiê huôv tsar ju lix. Chiê txo grêk tsơưs têx tsi jông li heik co, tsưr ziv mak ntâu thax tsav qơư hâur Tây Bắc tsênhv zuôr huôv tsar uô, tỉnh zuôr moz siêz txos xeir tsov têx lênhx nênhs yưv pênhr uô muôx txux chi tsưr ziv jông chiê cxiv uô tâu jông têx qơư li heik sâuv phưx vưv tsôngv kruô sđ. Zơưv Nguyễn Quốc Khánh, Phưv Chủ tịch Ủy ban tỉnh Sơn La heik pâuz:“Pêz tsênhv sir jos hlôngr yiêz têx ntâuz ntơưr, tiv 2 zos tưz thôngz đhâu trâu têx Bộ, ngênhx T.Ư, heik trâu Chính phủ têx chei, cui tinhv chiê hu zâuv ntâu tuk chôngz lênhx tuôx trâu têz qơưk thax tsav qơư ju lix Mộc Châu. Hâur six hơưv zuôr txos mak tưz heik Chính phủ thiêz chính phủ tưz muôx tsưr ziv chiê cxiv uô têx côngz trênhx jông, hâur co muôx txox cêr muk chênhr Hòa Bình-Mộc Châu”./.

(VTVnew-Riê Lâux cxeik, nhênhv)