Đhâu sêiz thiêz mnôngs hâur jiês cơưv hội nghị Trung ương 4 khoá 13, tsênhv kriz cơưv trâu ntơưv Hà Nội, Cxuô lênhx Đảng viên thiêz px thax tsav faz Bắc tưz njênhs njôngr hâu nov đảng têz qơưs uô tâu truôx jông luôs hâux lưv tir thêir caz moz Covid-19 thiêz cxơưz cxiz luôs hâux lưv huôv tsar cêr uô nox hâur pêz têz qơưs. Zơưv Lê Hoàng Giang nhoz đrôngl Sơn La xav tiêk: Hur si tas nro saz chính trị tưz siz chos uô tâu truôx jông cxuô luôs hâux lưv tso tơưv thiêz uô truôx cxuô faz tsưr ziv tir thêir caz moz Covid-19. “Trơưk li Tổng Bí thư chox kriê, tsuv uô cov tâu truôx jông cxuô luôs hâux lưv tso tơưv, huv đros txos shông 2021 thiêz txos tas shông 2022. Cur njênhẻe njôngr tiêk, cxuô lênhx đại biểu tsuv sir jos uô jông cxuô faz tsưr ziv uô huv đros-huôv tsar truôx kinh tế xã hội hâur ntu hlôngr yiêz”./.

                                                                                   Tsu cxeik nhênhv-TTTB-Cà Thành

Tỉnh Lai Châu txos nhiv no tsênhv muôx zuôr xar 60 jêx jos tsi tâu muôx tênhv tênhz têz qơưk, hâux lưv no uô zênhr shar ntâu txos pox nhuôs li luz nênhx thiêz huôv tsar KTXH tiv phaz.

Uô tsưr ziv txos shông 2025, muôx 97% jênh số sâuv thax tsav tâu sir zôngv tênhv tênhz, zơưv Bùi Xuân Thành, Giám đốc Công ty tênhv jos Lai Châu puz pâuz: Hâur ntu uô dự án njiz ntâu phêv liv tiv moz Covid-19 huôv xênhz thiêz qênhx shênhx ntux nas, tiv zix zos hâux lưv thâux chuôz zênhx.Tsưr ziv tso tơưv hâur 3 luz hlik kaz shôngk shông no zos 400 ntâu ziv chuôz zis nhoz 8 jos txov nênhv xã Tủa Sín Chải, huyện Sìn Hồ zuôr tâu cungz tênhv tênhz:“UB tỉnh zuôr yênhx lix iz ban uô hâux lưv luôv ar thiêz muôx cơ chế đros têx dự án tênhv; tiv zix zos têx dự án cungz tênhv trâu pox nhuôs tox siêz. Têx ziv chuôz zis thax tsav tsi tâu muôx tênhv tênhz nhiv no tsênhv nhoz tsi chêx chôngk sâuv têx thax tsav, viv li tsuv tâu txar qơư nhoz lok sik chiê tsôngv box lok nhoz chêx chôngk chiê jông trâu hâux lưv chaz tênhv, cungz tênhv tênhz. Thix ziv UB tỉnh thôngz đhâu têx dự án đêx tênhv mê, hâur co muôx meir biến áp mak têx tsưr yưv pênhr krêz cxaz iz cêr tênhv 35 kV ...chiê phưx vưv tov kaz no muôx tênhv tênhz cungz trâu pox nhuôs” ./.

K.Kiên-Txâur Vax cxeik nhênhv

Tỉnh Sơn La muôx nzir iz lênhx nênhs trâus cik caz moz SARS-CoV2, zos muk uô jos trâu Tân Uyên, tỉnh Bình Dương tror lok.

Trơưk li hêik pâuz, hnuz xiêz 2/10, lênhx nênhs moz no chêix tsar yêz máy đros tus txir txix tỉnh Bình Dương lok Sơn La, chor uô cê lok ntơư muôx 100 ntâu lênhx.

Trơưk li tsênhv qơư sêiz njuôk shuôk caz moz gênhk tỉnh Sơn La hêik pâuz, lênhx nênhs co cux tsik cik moz trâu côngv thôngx, viv tưz tâu chox muk cêv kuôk chêx chôngk đhâu lok txos tsênhv qơư.

Trơưk li njuôk xav hâur têx hnuz zuôr txos no, chor nênhs muk uô jos trâu cxuô luz tỉnh faz Nam zuôr muôx chôngz lênhx tror lok qơư nhoz. Chênhr zos li hêik ntơư, hâur jiês cơưv txuôk đros cxuô huyện hêik lok tir thêir caz moz Covid-19, zơưv Hoàng Quốc Khánh, chủ tịch uỷ Ban tỉnh Sơn La tưz chox kriê cxuô tsênhv qơư uô truôx jông cxuô luôs hâux lưv tir thêir moz gênhk tsik chiê caz moz Covid-19 cik đêz đar trâu cxuô thax tsav qơư./.

Tsu Vưx nhênhv-Trấn Long-Cà Thành

Chiê tror uô jông côngz xưv phax tar moz Covid-19, tỉnh Yên Bái xav tênhv seiz car jông tsôngv box thiêz yêz muk lok sâuv thax tsav ntơưv têx qơư qênhz yuôx seiz car y tế liên nganhx. Têx lênhx nênhs lok cxôngx TPHCM thiêz têx tỉnh faz Nam mak zuôr tâu chox muk cêv kuôk thiêz njuôs siv moz ntơưv tỉnh li qơư cêv kuôk chêx chôngk.

Đros têx lênhx nênhs tsi zos tsôngv box Yên Bái, muk cxôngx TPHCM thiêz têx tỉnh faz Nam, têx tỉnh tsênhv cêv kuôk xã hội lơưr chỉ thị 16, lok sik têx tiv phaz tsênhv muôx moz muk đhâu thax tsav tỉnh Yên Bái mak tsuv heik kriê y tế ntơưv têx qơư seiz car thiêz njuôs siv moz sei. Thâuv muôx chêx cuk njuôs siv sei zos tsi muôx caz moz, tsôngv box tsuv cir ntơưr ntơưv qơư seiz car moz tỉnh muk ndax txos qơư zuôr trâus tuôx txos thiêz tsi cxoz so lok sik muk kror tưs txơưr sâuv thax tsav tỉnh Yên Bái; cungz xor mông cxix cxuô lok tsưr ziv muk lok, qơư muk txos ntơưv thax tsav, số điện thoại...

Nhiv no tỉnh Yên Bái cux tưz cxiv tsa tsưr ziv tos tsôngv box cxôngx TPHCM thiêz têx tỉnh faz Nam muôx zoz qơưx tror lok tiv phaz. Lơưr co, zuôr muôx muôx nhos 2 txos 3 jiês tos cxôngx yêz za, jiês xuz thơưx njuôs xav tsưr tsix hâur đraz hli 10, tos muôx nhos 500 lênhx./.

Đinh Tuấn-Txâur Vax cxeik nhênhv