Jiês cơưv hâur hli 11, tưz tâu uỷ ban tỉnh lai Châu tsưx tsix hêik lok ntâu luôs hâux lưv zov chênhr. Hâur ntơư, chêx chhôngk hêik lok têx luôs hâux lưv uô tâu thiêz tsik tâu hâur shông 2017; tso tơưv cxuô luôs hâux lưv uô hâur shông 2018. Cxuô lênhx đại biểu cux hêik cxaz nzir trâu têx njiêz luk ntơư. Ntơư zos huôv tsar kinh tế xã hội, tsưx phưv truôx quốc phôngx hâur shông 2018; côngz xưv sêiz car têz qơưs, tsuv uô cov zos đrêiv chêi tso tơưv thiêz sir zôngv têz qơưs têx nhiêx txiêx cov zos đrêiv quy tênhv./.

                                                                                                                 (Tsu cxêik nhênhv-KT)

Txix hnuz xiêz 4/11 txos nhiv no, Công ty côngz đêx tỉnh Sơn La tưz tax tso tsês tsi côngz gruk đêx trâu têx phường Chiềng Lề, Chiềng An, Tô Hiệu, Quyết Thắng thiêz iz cxiê thax tsav qơư phường Chiềng Cơi, xã Chiềng Ngần đros thiêz 12 cxênhz chuôz zis tsôngv box trâus uô hiêv. Qir tiv zos viv pêv hâur đêx tsêr meir TP trâus vuôz tsuôz, kiêk nênhs tiv têx đêx kiêk nênhs vuôz tsuôz tsiv uô cà phê  uô tsi hur trâu pêv hâur đêx. Têx đêx muôx iz tsok tsư nxiêz thiêz zôngv tsi tâu. Tsi muôx đêx uô trâu ntâu ziv chuôz zis tsôngv box cêr nox nhoz, xênhz huôx trâus nxor loangv, iz cxiê luz tsêr cơưv cxênhx iz tưz tsuv tax tso tsês uô tsi tâu uô jâuz mor trâu shux xênhz nox hâur tsêr cơưv tiv tsi muôx đêx. Trơưk li mông txix công ty côngz đêx số 1, txos iz jiês no pêv hâur đêx cux tsênhv six tsư nxiêz, tsi tâu tâu đuô, muôx têx tsênhv zuôr ntêr 2, 3 hnuz sâuv no thiêz, thiêx zuôr muôx đêx hur côngz trâu sđ zôngv. Lar heik, qênhx shênhx co tưz muôx yưv nhoz tỉnh Sơn La 4 shông lok no, thâuv tưs txos luz cheix sâu đê, tsiv uô têx cà phê mak pêv hâur đêx ho tror trâus vuôz tsuôz, kiêk nênhs li ntơư./.

                                   (Hồng Việt-Riê Lâux cxeik, nhênhv)

Đhâu iz luz hli ntâu sox sêiz, 6 six sơưr nzor têis cik hnuz xiêz 6/11, ntơưv đrôngl Mường Khoa, tỉnh Phong Sa Ly, têz qơưs Lok Tsuôk, tuz lênhv Biên phôngx tỉnh Điện Biên tưz đros Bộ an ninh tỉnh Phong Sa Lỳ, têz qơưs lok tsuôk, cxov tâu iz txuz nênhs fêv nhiês hiês zuôr muôs zax zênhz txix cxuô tỉnh faz Bắc têz qơưs Lok tsuôk, đhâu U Đôm xay lok trâu Phong Sa Ly. Đhâu qênhz yuôx, yơưz phơưz ntơưv qơư so tsêr kruô, lực lươngx tưz cxov tâu Thào Sênh thiêz Thào In tsênhv taz tov zuôr muôs zax zênhz. Ntơư zos sâu tâu 90 cxênhz njiêr yuôx shơư zênhz, 3 triệu nhiêx lok tsuôk đros trâu iz cxiê chuôz zênhx txơưr đuô. Nhiv no, công an tsênhv taz tov qênhz yuôx cov tsênhz mênhx chiê muôz oz lênhx nênhs hêik sâuv tik cêr cxâuv cov zos đrêiv chêi têz qơưs têx chêi tso tơưv./.

                                                                                                         (Tsu cxêik nhênhv-Vũ Lợi)

Công an tỉnh Yên Bái tsưr tsix uô ntâuz ntơưr côngz chứng minh thư tsi zuôr nhiêx trâu tsôngv box thax tsav trâus đêx nas uô ruôr hiêv Mù Cang Chải đhâu coz nas lox uô hiêv hnuz xiêz 3/8/2017. Ntâu lênhx tsôngv box trâus uô hiêv tiv đêx nas uô tưz muôx njêx muôs ntơưv Công an huyện Mù Cang Chải chiê uô têx ntâuz ntơưr côngz chứng minh thư. Tsi tiêk uô têx ntâuz ntơưr uô đuô chứng minh thư tsi zuôr nhiêx trâu tsôngv box trâus đêx nas cuôr yôngz, uô ruôr hiêv, thiêz hlôngr uô đuô trâu têx lênhx muôx chứng minh thư tsi jông tas, mak Phòng Cảnh sát seiz car uô têx ntâuz ntơưr heik sâuv, công an tỉnh tsênhv tsưr tsix uô têx chứng minh thư yiêz trâu têx nhuôs shux xênhz txưv 14 shông tror zar sâuv thiêz tsôngv box hâur thax tsav muôx zoz qơưx txos. Hâur iz hnuz xưz, tổ công xưv tưz uô ntơưr uô đuô thiêz hlôngr, uô yiêz têx chứng minh thư trâu 235 lênhx nênhs. Đhâu ntơư 10 hnuz tov kaz, tsôngv box zuôr tâu gra têx ntơưr chứng minh thư sđ uô heik sâuv./.

                                  (KT-Riê Lâux cxeik, nhênhv)