Hnuz no chiv nhênhv 66 shông hnuz ntâuk zênhx Điện Biên Phủ 7/5. 66 shông đhâu, txix thâuv têz qơưk hêik tơưv suôz gâux ntâuk zênhx Điện Biên Phủ, chor chiến sĩ thâuv ntêx tsênhv uô nênhx nhoz mak nhiv no tưz lok six lâul lơưv. Đros lơưr, tâu ntâuk tros châuz, trâus tuôs chiê txênhz tâu tiêx tuk, tự do trâu mênhx cxưx, trâu têz qơưk Điện Biên phủ zos iz kror tso siêz lox zuôr tsik plox hlo. Hok đros cxênhx hluôk Điện Biên nhiv no, cxênhx nênhs đrav ntêx li têx sir jos lịch sử co tưz zos yênhx têx jax cơưv muôx tsiv gri, paz trâu sơưr đơưk nhiêv têz qơưk, sik côngv siêz thiêz sir jos chiê đros cxiv tsa Điện Biên thiêz tas nro têz qơưk hêik cxuô cov ziv hnuz ziv huôv tsar jông đuô./.

(Vũ Lợi-Lik Thox cxêik nhênhv)

Tas cik hnuz xiêz 7/5, Bộ Kôngz nuv thiêz huôv tsar tox siêz đoanx côngz xưv zos Thứ trưởng Lê Quốc Doanh uô thơưx chox đoanx muk uô hâux  lưv đros têx hâu nov tỉnh Sơn La lok sâuv nriêr tsưr ziv muôs têx xiv huv kôngz nuv hâur têz qơưk, ndar txos trâu muôs đrâuv luôs 2 chas têz qơưk. Chiê cxơưz cxiz sâu zuôr têx kôngz thiêz muôs trâu luôs 2 chas têz qơưk đrâuv, tỉnh Sơn La tsưr ziv zos sir jos txuôk đros têx doanh nghiệp yưv pênhr cxiv uô têx tsêr meir tsiv uô kôngz nuv reik đros thax tsav chos kôngz. Tỉnh Sơn La têx kôngz muôs trâu luôs 2 chas thax tsav, têz qơưk đrâuv li: Trung Quốc, chor têz qơưk Liên minh châu Âu, Nhật Bản, Mỹ, Đức phênhv ntâu nhiv no zos: Txir Lol tsuôk, txir tsơưz, yuôx zêx kruôr, cà phê, hmôngr kok ntông. Hâur co, lar heik zos Sơn la têx txir mo môngk Yên Châu  tưz muôx muôs nhoz ciêz đrôngs Mỹ, Anh, Ôxtrâylia./.

(VOV1-Riê Lâux cxeik, nhênhv)

Thừa Xuân, nênhs sâu xor xưv Đaix TNVN thax tsav faz Bắc xa mông: Tỉnh yên Bái nhiv no muôx 433 cxênhz ntâu hec ta jôngr, thax tsav muôx jôngr vor zos 63%. Txơưv tưz đhâu ntu kruôr gis phiv liv, taz sik chiê por vev tâu chor jôngr ntông hâur têx hnuz yar ntux cuz sor no; phax, tar txo grêk tsơưs tiv zix têx trâus hiêv tiv cuz tox cuz jôngr sâuv thax tsav  thiêz sêiz no zos hâux lưv zov chênhr hâur têx hnuz no…Zơưv Nguyễn Thái Bình, Chi cục trưởng Chi cục Kiêm Lâm tỉnh Yên Bái puz pâuz:“Chi cục Kiểm Lâm tỉnh Yên Bái tưz chox kriê Hạt Kiểm lâm têx huyện, thị xar, thành phố sêiz shuôk têx qơư zôngx ziv trâus cuz siêz sâuv thax tsav chiê tror kriz uô côngz xưv yax kriê trâu pêx xênhv, tsưr jôngr uô jông phax cuz tuô cuz jôngr. Tso nzir kiểm lâm muk trâu têx qơư zov chênhr chiê uô lơưr phax cuz tuô cuz jôngr trơưk tsưr ziv 4 ntơưv qơư”./.

(Thừa Xuân-Lik Thox cxêik nhênhv)

Cơ quan Cảnh sát qênhz yuôx, Công an tỉnh Yên Bái nhiv kruôr xơưz xưv, tik cêr cxâuv trâu Bùi Như Thế, xênhz zus shông 1975, nhoz phường Hồng Hà, TP Yên Bái, tỉnh Yên Bái lok sâuv tuô lênhx nênhs. Uô ntêx ntơư, hnuz 18/4, Bùi Như Thế tuôx ntơưv tix lâus Phạm Văn Linh, xênhz zus shông 1970, nhoz jok Hồng Phú, phường Hồng Hà, TP Yên Bái tsêr chiê thor hâuk iz caz luôv zênhz, đhâu ntơư Thế thiêz Linh gơưk tưz siz muôx têx lo lul heik tsi yuô jông siêz, Linh tuôr iz za kuôr hlâu ntêr muôx nhos iz cxeik baz châuv ntiêz Thế cov khiêr muk tsêr, hur si Thế thiêz Linh gơưk tưz siz char thiêz siz ntâuk. Thâuv 2 lênhs tsênhv siz truz siz ntâuk siz thơưz co, Linh txơưv trâul blênh tơư ntos, Thế tưz tuôr triêv tuô, txuôr 2, 3 triês trâu Linh tâuz hâu, uô Linh trâul saz hnhar. Đhâu muôz triêv ntâuk tuô Linh tas, Thế muk pêv Công an phường Hồng Hà, TP Yên Bái lênhk nhav zuk têx cêr cxâuv. Công an tỉnh Yên Bái tưz tso tơưv quyết tinhv xơưz xưv, tik cêr cxâuv trâu Bùi Như Thế lok sâu tuô lênhx nênhs./.

(TTTB-Riê Lâux cxeik, nhênhv)