Luôs hâux lưv liv trox ntông ciêv fix hâur thax tsav huyện Bảo Yên, tỉnh laox cai ntu 2018-2020 muôx 500 ha. Hâur ntơư, shông 2018 huyện tsênhv zuôr chos nzir 100; shông 2019 chos nzir 200 ha; shông 2020 chos  cov tâu nzir 200 ha. Đros uô luôs hâux lưv no zos công ty Sơn Hải thiêz ntơư zos iz đơn vị zuôr ntông ciêv fix thiêz liv trox ntông ciêv fix hâur thax tsav. Đros ntơư, công ty cux cxiv uô tsêr máy liv trox ciêv fix trâu ntơưv xã Vĩnh Yên./.

                                                                                             (Tsu cxêik nhênhv-BTS)

9 lênhx tsôngv box ntơưv xã Co Mạ, huyện Thuận Châu, tỉnh Sơn La nhiv kruôr mul tsêr kho moz chiê chơưv kho viv nox trâus ndêz muôx tưx. Tâu pâuz, chor ndêz no 9 lênhx nênhs nox hâur pluôs mor tar su hnuz xiêz 5/6 zos tix lâuk Hangv Seo Lưu nhoz xã Tả Ngải Chồ, huyện Mường Khương, tỉnh Lào Cai lol seiz lênhx nênhs cxênhz jê ntơưv jos Po Mậu, xã Co Mạ đê pêv jôngr Co Mạ lol chiê uô nox. Hâur 9 lênhx trâus chox mul tsêr kho moz thâuv nox ndê, niêv lâuk Vừ Thị Ly 24 shông nhoz jos Po Mậu zos lênhx nênhs trâus tưx xuz thơưx. Pluôs mor muôx jâuz, mor thiêz ntiv cuô ndêz. Thâuv nox tas muôx nhos 20-30 phênhz niêv lâuk Ly txơưv pov xar ntuôr, tơưv trôngx ntâu. Nhiv no 5 lênhx nênhs tsênhv tâu chơưv kho ntơưv khoa hồi sức tir tar tưx thiêz 2 lênhx tsênhv chơưv kho ntơưv Khoa seiz njuôs moz tsêr kho moz đa khoa tỉnh Sơn La. 2 lênhx trâus tưx siz đuô tsênhv chơưv kho ntơưv tsêr kho moz đa khoa huyện Thuận Châu. Xav txos zar hnuz keix hnuz đhâu, lơưr li đas jos tưz jông đuô tuôx./.

(Việt Anh- Txâur Vax cxeik nhênhv)

Tsêr kho moz đa Khoa tỉnh Điện Biên nhiv kruôr fêiv tâu Mi Xu muôx 26 shông, nhoz trâu Phoong Sa Lỳ têz qơưss lok Tsuôk, luz moz trưx phax muôx 10 cir. Trơưk li hêik pâuz, Mi Xu tưz đhâu 4 jiês xênhz zus mê nhuôv, muôx iz jiês xênhz zus tus mê nhuôv tsik tâu pur hli. Txix ntơư đhâu oz shông lok no, Mi xu pov muôx yưv ntâu zav moz li: lênhx nênhs gênhk gênhk, zuôs, tơưrr grêix đax, luz plaz iz hnuz ziv đrux lox. Chênhr zos muôx yưv li hêik ntơư, Mi xu tsêr nênhs thiêx quyết tênhv chox tuôx chơưv kho trâu tsêr kho moz Đa khoa tỉnh Điện Biên. Đhâu cưk yuôx sêiz njuôk shuôk, cưk yuôx tưz zênhx max fêiv tâu Mi Xu luz moz por tsês./.

                                                                                           (Chu cxêik nhênhv-VOV4)

Cxôngx hâur shôngk shông txos nhiv no, lưx lươngv muôx txơưx jênhv tỉnh Lai Châu tưz ruôr por tsês 119 txuz chuyên án phamv cxâuv muôv muôs zax zênhz. Hâur co chiz coaz muôx txơưx jênhv sâu tâu 12 cir zênhz đơưz, zax zênhz cxuô zav...ntês tâu 146 lênhx nênhs chiê tik cêr cxâuv, txu grês 31% chor txuz pir đros tsêz no. Lai Châu zos tiv phaz cuz nxor lok thâux gra zax zênhz cxôngx Sơn La lok sik Lào lol Điện Biên, Lai Châu thiêz Trung Quốc muôs trâu têx tỉnh tiêx đras. Nênhs phamv cxâuv ziv hnuz ziv tsi pâuz nyei, car zôngv vưv qiv chiê tir ntâus lưx lươngv muôx txơưx jênhv. Đại tá Vũ Xuân Việt, tsar phongx cảnh sát zax zênhz, CÔng an tỉnh Lai Châu heik:

“ Hâux lưv tơưv txênhz đros muôv muôs thâux gra zax zênhz thiêz têx huôx tôngv muôx lênhx coaz txos zax zênhz zos tsaz yênhx, côngz xưv taz viv yax six uô hâur niêx shông. Nhiv no, Công an tỉnh cux xưk li taz viv tsênhv krêz uô luz hli phax tar nênhs phamv cxâuv thiêz taz viv tưz chêx chôngk tas nro lưx lươngv mul têx thax tsav cuz nxor chiê muôx tsưr ziv tơưv txênhz”./.

(K.Kiên- Txâur Vax cxeik nhênhv)