Coz nas chuô sôr 2 tror uô muôx ntux nas lox lok trâu têx tỉnh tox siêz faz Bắc. Txos hnuz xiêz 6/8, ntơưv chor tỉnh Lào Cai, Sơn La tưz muôx 3 lênhx nênhs trâul tuôs, trâul pôngz plox mông tiv tox xưz poz, đêx nas cuôr yôngz. Đêx nas hloz cux tsênhv uô đêx ngaz tas ntâu ntu cêr nhoz ntâu suôv qơư hâur thax tsav; uô ruôr hiêv tas yênhx tyv đeiv lok têx vax tsêr, kôngz lôngk nhoz iz cxiê thax tsav qơư hâur 2 tỉnh Sơn La thiêz Điện Biên; Txix têx njuôk xav, muôx têx ntux tsênhv zuôr tror lok nas lox hâur 2, 3 hnuz zuôr txos thiêz, Ban seiz car phax tar ntux uô hiêv thiêz zok nriêr chơưv paz lênhx nênhs đros cxuô ngênhx nhoz têx tỉnh thax tsav Tây Bắc tưz muk qênhz yuôx shuôs thiêz chox kriê khưx phưx têx tsi jông, zok nriêr chơưv paz chor nênhs trâul pôngz plox mông, yêik txar têx chuôz zis nhoz thax tsav riêz nênhs muk trâu têx qơư truôx tuk. Iz chas ntơư, heik cxuô thax tsav qơư tror bax fuô uô têx faz tsưr ziv phax tar nas chuô, đêx huôv hloz./.

(VOV-Riê Lâux cxeik, nhênhv)

Mông txix hâu nov ntơưv qơư heik pâuz, thâuv 6 six 45 phênhz tas cik hnuz xiêz 6/8, ntơưv jok Sùng Vui, xãPhìn Ngan, huyện Bát Xát, tỉnh Lào Cai muôx iz txuz tox xưz poz uô 2 tus niêv txir trâul tuôs. Co zos zơưv Tẩn Díu Châu, xênhz zus shông 1957, hok pox niêv zos Tẩn Líu Mẩy, xênhz zus shông 1959. Zơưv Châu oz niêv txir zos heir nênhs Cho, nhoz jok Trung Chải, xã Phìn Ngan, muk pư pêv têz chiê seiz jor, tu zus keiz buô nhoz jok Sùng Vui txix hmo uô ntêx thâuv njiz trâul têx tsi jông ntơư. Hâu nov ntơưv qơư tưz muk qênhz shuôs, chox kriê khưx phưx têx tsi jông; paz max zơưv Châu chuôz zis; yax kriê, heik px sđ tsuv chênhr phax lok têx riêz nênhs, tsi jông li heik sâuv./.

(An Kiên-Riê Lâux cxeik, nhênhv)