Nhiv kruôr đhâu, tỉnh Điện Biên tsưr tsix njiz flu 300 ntâu doanh nghiệp, lênhx nênhs yưv pênhr sâuv thax tsav chiê car chêx têx phêv liv, muôz theox chênhv jông chiê tsiv uô kinh doanh, thôngx ziv thiêz por vêv doanh nghiệp, lênhx nênhs yưv pênhr li qênhx muôv muôs sâuv thax tsav. Ntơưv jiês njiz flu, zơưv Mùa A Sơn, Chủ tịch Ub tỉnh Điện Biên puz pâuz, sir jos hâur ntu cxôngx shông 2018 txos shông 2020, tỉnh zuor chuôz ndê PCI lol hâur paz cxôngx 40 txos 45/63 tỉnh thành tas nro têz qơưk, tror tuôr truôx thiêz hlôngr yiêz đuô chỉ số quản trị hành chính côngz thiêz chỉ số hlôngr yiêz hành chinhr. Viv li cam kết zuôr uô muôx tênhx qơư muôv muôs jông trâu têx doanh nghiệp sâuv thax tsav./.

( Vũ Lợi-Txâur vax cxêik nhênhv)

         Nhiv kruôr đhâu, ntơưv jok Suối Lìn, xã Vân hồ, huyện Vân Hồ, tỉnh Sơn La tưz tsưr tsix ntênhs krêz côngz cxiv uô tsêr meir tsiv uô xiv huv kôngz nuv công nghệ siêz SI (Ét i). No zos tsêr meir tiv 5 tâu krêz côngz cxiv uô hâur 6 dưv anr tsiv uô, por hưv têx xiv huv kôngz nuv tưz đas cir yưv pênhr hâur tỉnh Sơn La shông 2017, ntâuk hov tỉnh Sơn La tsưr ziv uô tâu jông hâur hu zâuv yưv pênhr cxiv tsa thiêz seiz car, tsiv uô, côngz, muôs têx xiv huv kôngz nuv.

Công ty SI Vân Hồ tsêr meir por hưv thiêz tsiv uô têx xiv huv kôngz nuv công nghệ siêz cxiv tsa thiêz qir uô hâux lưv zuôr paz txo grêk tsơưs têx trâus uô tuôr xuôv đhâu sâu tsês têx kôngz, iz chas ntơư hâux lưv muôs têx xiv huv trâu luôs 2 chas thax tsav  đrâuv zuôr gra siêz gri thiêz tsơưr lươngv têx xiv huv kôngz nuv Sơn La, paz Sơn La yênhx ciêz đrôngs kôngz nuv công nghệ siêz hâur ntu zuôr txos./. 

(Hoàng Long-Riê Lâux cxeik, nhênhv)

         Muôx 2 lênhx mê nhuôs trâus tuôs tsi so ntơưv huyện tox siêz Trạm Tấu, tỉnh Yên Bái hâur iz six hơưv lur, uô têx lênhx niêv lênhx txir thiêz cưk kriê ntơưv huyện tox siêz lok six cxơưx, 2 lênhx mê nhuôs tuôs tâu xav tênhv tsi zos tiv moz tuôs. Ciês thâuv muôx xor mông lok mê nhuôs trâus tuôs ntơưv huyện Trạm Tấu, Sở y tế tỉnh Yên Bái tưz heik đoanx côngz xưv mul paz txưv qênhz yuôx, uô hâux lưv đros chinhr quyênx tiv phaz thiêz tsêr cơưv ntơưr ( qơư muôx shux xênhz tuôs) chiê uô tsênhz mênhx qir tiv....

Nganhx y tế cux tưz đros chinhr quyênx thiêz têx ban nganhx vênhv tôngv chiê tsôngv box tso siêz chox mê nhuôs mul cơưv ntơưr thiêz yax mông chiê têx lênhx nênhs trâus moz tsuv ciêr chênhr chox mul tsêr kho moz chiê seiz njuôs thiêz kho moz trơưk tsưr ziv./.

( Tuấn Xuân-Txâur vax cxêik nhênhv)

         Nhiv kruôr đhâu, ntơưv thax tsav trôngx đriv ntiêx têz Lào Cai, nhoz phường Lào Cai, TP Lào Cai, tỉnh Lào Cai, Tổ cảnh sát txiv ngaz Công an phường Lào Cai-Công an TP Lào Cai tưz qênhz pov thiêz ntêk tâu Trần Hoàng Kiên, xênhz shông 1984, nhoz ntơưv jok 17, phường Bình Minh, TP Lào Cai tsênhv taz tov fax thâux têx fov ntơưr tsi trơưk chei. Ntơưv cơ quan cảnh sát qênhz yuôx, Kiên krêz lênhk tiêk, Kiên tưz muk saz tov Trung Quốc zuôr hur si 8 thôngz fov ntơưr (zav fov ntơưr 36 luz iz thôngz) đros thiêz grê zos 1,7 tsov đeiv, zuôr tâu Kiên muôz jêik tso trâu hâur chor thôngz co thâux lok hâur VN chiê muôs. Taz sik, tsênhv thâuv tưz tsi tâu lok đhâu thax tsav trôngx đriv, Kiên tưz trâus lưv lươngv muôx vax huôv qênhz pov thiêz ntêk tâu. Nhiv no, Cơ quan muôx vax huôv tsênhv tror qênhz yuôx, uô tsênhz mênhx./.  

(An Kiên-Riê Lâux cxeik, nhênhv)