Tsôngv fôngx zưs sơưr đơưk hmor yuô! Đhâu VOV li hêik pâuz lok têx caz xưz jơưx truz ntêr xar muôx 1 cêik cêr ntơưv tsênhv qơư xar Tiêx Njênhx, huyện Điện Biên Đông, Ủy ban tỉnh Điện Biên tưz muôx ntơưr hêik têx tiv phaz, ban, nganhx cik txos sêiz đrơưv qênhz shuôk, tso tơưv tsưr ziv khưx phưx. Hêik UBND huyện Điện Biên Đông chox kriê têx cơ quan txơưx jênhv huyện sir jos uô côngz xưv yax kriê, hêik pâuz, qênhz yuôx, sêiz jor yênhx hnuz hmo chiê pov nzor tâu têx phiv liv, tsưr tsix txar qơư nhoz trâu pêx xênhv, cxuôz zav muk trâu têx qơư ngaz tuk. Thôngx cxix choz trâu chor Sở: Tài Nguyên thiêz Tênhv qơư, Sở cxiv tsa, Sở Kôngz nuv thiêz huôv tsar jêx jok sik côngv đros Ủy Ban huyện Điện Biên Đông thiêz têx taz viv cik txos kriz uô dự án qênhz yuôx qir tiv. Lơưr co tso tơưv tsưr ziv, njuôk xav nhiêx txiêx, hêik trâu tỉnh pâuz, sêiz shuôk, cuêz tênhv xưv lik chiê taz por ngaz tuk trâu pêx xênhv, cxuô zav njiz trâus phiv liv hâur Quý I shông 2019./.

                                                                      (Vũ Lợi-Lik Thox cxêik nhênhv)

Đoanx teiv plor côx hôiv tỉnh Sơn La zos đ/c Nguyễn Đắc Quỳnh, Phưv Bí thư thường trực tỉnh ủy, Tsar đoanx teiv plor côx hôiv tỉnh uô tsar đoanx tưz njiz cử tri uô ntêx jiês khiêz phêv tiv 6, côx hôiv khóa 14 ntơưv xã Chiềng Muôn ( huyện Mường La). Ntơưv jiês njiz, đ/c Nguyễn Đắc Quỳnh tưz thôngz pov txos cử tri đoanx teiv plor tỉnh li huôx tôngv; njiêz luv, tsaz yênhx jiês khiêz phêv tiv 6, côx hôiv khóa 14. Cử tri xã Chiềng Muôn tưz thix ziv đros têx cấp muôx qênhx: Yưv pênhr uô têx côngz tsinhx cơưv ntơưr hâur xã, kho đuô cêr zaoz thôngz, qơư y tế xã...Đoanx teiv plor côx hôiv tỉnh thiêz lênhs tov huyện Mường La tưz têz iz cxiê ziv chênhv zos zuk qênhx. Thôngx cxix, sâu jênhv têx ziv chênhv chiê heik trâu cấp muôx qênhx seiz shuô car chêx./.

                                                                    (KT- Txâur Vax cxeik nhênhv)

Ntu jê lok no, chor đrak liêx nhoz pêz luz jok Ngầu 1, Ngầu 2 thiêz Ngầu 3, xar Võ Lao, huyện Văn Bàn, tỉnh Lào Cai pov muôx yưv caz hmoz ruôr hiêv blêx. Caz hmoz huôv xênhz lok six sêi, iz tâur blêx muôx txos 10 tuk. Đruôz hnuz mak gâuv hâur hâur pâuk blêx, hmo ntu mak gas tơưv lok nox blêx. Pos Lự Kim Toản chuôz zis, nhoz jok Ngầu 2 đros ntâu ziv chuôz zis txơưr đuô hâur jok tsik pâuz uô chak thâuv blêx trâus pôngz khôngz sâu tsik tâu:

“Chuôz zis chor blêx mak sâu tâu muôx 13 hnaz taz sik nhiv no mak tsuôk sâu tâu 3 tâur xưz, tas nro blêx tưz pôngz tas hur si, trâus hiêv tas nro thax tsav tsik zos zuk ziv chuôz zis xưz”.

Tâu pâuz têx caz hmoz ruôr hiêv txos yênhx châuv thax tsav blêx ntơưv Võ Lao zos têx caz tho nox blêx. Nhiv no, ntơưv đrak liêx Võ Lao muôx 5 hec ta blêx trâus hiêv hnhar đros muôx nhos 400-500 tuz iz yiv ndis, yênhx châuv hec ta blêx iz ndis cux tsênhv trâus caz hmoz ruôr hiêv.

Lơưr zơưv Phạm Quốc Cường, Phưv chi cục trưởng chi cục Chos kôngz lôngk thiêz por vêv đrox tsuôs tỉnh Lào Cai: Chi cục cux hêik trâu Sở Kôngz nuv thiêz huôv tsar jêx jok tỉnh xa ntâuz ntơưr chox kriê têx tiv phaz qênhz yuôx têx thax tsav blêx chiê nriêr pov tâu nzor muôx tsưr ziv xưv lik cov muôx chêx cur đuô./.

                                                        (An Kiên-Lik Thox cxêik nhênhv)

Tas cik hnuz xiêz 7/10, ntơưv Tsênhv qơư huôx tôngv hluôk nênhs mê nhuôs zâu tỉnh Yên Bái, Trung ương Hội liên hiệp hluôk nênhs Việt Nam đros Cuiv paz txưv phax tar ntux nas faz Trung tsưr tsix tsaz yênhx “ Đros shux xênhz thax tsav trâus ntux nas ruôr hiêv mul cơưv ntơưr shông 2018”. Tsaz yênhx tưz khơưk muôz 90 luz hnaz tso ntơưr, 30 đeiv ntơưr txuôk nhiêx iz đeiv tsiv grê 10 tsov đeiv trâu têx mê nhuôs shux xênhz têx tsêr cơưv cấp 1, cấp 2, tsêr cơưv mênhx cxưx bán trú ntơưv têx huyện Mù Cang Chải, Trấn Yên, Văn Chấn thiêz Văn Yên. No zos têx shux xênhz muôx luz nênhx txov nhêv, chuôz zis trâus zênhr shar hnhar tiv ntux nas, sir jos hla đhâu cxuô phêv liv chiê mul cơưv ntơưr. Six hơưv no, taz viv taz por- Công ty cổ phần Trung Thủy ( TP Hải Phòng) cux khơưk muôz 5 suất học bổng trâu 5 lênhx shux xênhz trâus sêv khiz lok luz chêr muôx luz nênhx txov nhêv cơưv ntơưr hênhr nhoz hâur tỉnh, iz suất tsiv grê 10 tsov đeiv./.

                                                             (KT- Txâur Vax cxeik nhênhv)