Sêiz thiêz mnôngs đhâu Hội nghị Trung ương 4, khoá 13 cơưv suôx câuv, muôx chôngz lênhx cán bộ đảng viên thiêz px hâur thax tsav tỉnh Điện Biên tưz jông siêz thiêz njênhs njôngr cxuô njiêz luk cxiv kho đảng, cxiv kho têz qơưs tso tơưv, cơưv tâu yênhx côngz. Zơưv Khương Tiến Hùng, Đảng viên nhoz Phươngx Thanh trường hêik pâuz: “Đhâu mnôngs thiêz sêiz hâur jiês cơưv hội nghị Trung ương jiês tiv 4, Ban chấp hành Trung ương, cur zos iz lênhx Đảng viên, cur jông siêz trâu cxuô lênhx hâu nov Đảng têz qơưs luôs hâux lưv tso tơưv huv đros hâur ntu têz qơưs hlôngr yiêz nhiv no”./.

                                 Tsu cxeik nhênhv-Vũ Lợi -Cà Thành

Giám đốc Sở Y tế Yên Bái Lê Thị Hồng Vân heik pâuz, đhâu Tsênhv qơư qênhz njuôk shuôs moz gênhk tỉnh li seiz kaz, hâur têx hnuz xiêz 06 thiêz 07/10, đhâu seiz njuôk shuôs trâu chor nênhs muk txix thax tsav muôx moz lok hâur thax tsav qơư, pov muôx 3 lênhx nênhs trâul moz SARS-CoV-2. Iz chas co, hnuz xiêz 03/10, muôx 3 lênhx cheix yêz meir txix huyện Tân Uyên, tỉnh Bình Dương lok hâur tỉnh Yên Bái. Txos hnuz xiêz 06/10, 3 lênhx nênhs co tưz tuôx ntơưv qơư qênhz njuôk shuôs moz gênhk xã Minh Quân, huyện Trấn Yên, krêz heik pâuz lok zuk đas jos thiêz têx qơư muk lol đhâu, tâu chor nênhs uô hâux lưv ntơưv qơư co chox 3 lênhx nênhs heik sâuv muk cêv kuôk thiêz tso nyar seiz njuôk shuôs moz trơưk cui tinhv. Đhâu thâuv qênhz njuôk shuôs tas, pâuz 3 lênhx nênhs no trâul moz SARS-CoV-2, lơưr chor nênhs uô hâux lưv tưz chox hlo muk chêik cêv nhoz trâu iz kro qơư thiêz kho moz ntơưv tsêr kho moz kruô njưk tỉnh, nhiv no chor nênhs moz co đas jos cux tsênhv truôx, tsi pov muôx moz li chas txơưr txar. Thiêz chor nênhs no puôr lênhx tâu cêv  kuôk ciês thâuv lok txos qơư seiz njuôk shuôs moz gênhk hâur tỉnh, tsi tâu chuôs njiz lênhx tưs viv li cik tsi tâu moz trâu luôs lưv tus txơưr đuô hâur côngv thôngx./.

 Báo nhân dân-Riê Lâux cxeik, nhênhv

  Thâuv 3 six zar hunz kêix hnuz xiêz 5/10, thâuv chor công nhân tsênhv taz tov cxiv uô côngz trênhx tênhv tênhz Nậm Củm 3, xã Pa Ủ, huyện mường Tè, tỉnh Lai Châu, muôx yưv iz txuz poz jêz poz lok têik 2 lênhx công nhân trâus saz, tưz tâu chox zênhx max muk chơưv kho trâu tsêr kho moz huyện; taz sik viv trâus saz hênhr, oz lênhx công nhân co tưz trâus tuôs.

Trơưk li zơưv Đao Văn Khánh, chủ tịch uỷ Ban huyện Mường Tè, tỉnh Lai Châu hêik pâuz: Đhâu muôx yưv ciês, txuz poz jêz poz lok têik oz lênhx công nhân, huyện tưz cox car công an muk qênhz yuôx, sêiz shuôk cov tsênhz thiêz choz zok oz lênhx nênhs co trâu vax tsêr uô đaz uô kruô./.

Tsu Vưx nhênhv-VOV -Cà Thành

Đhâu hlo chor tỉnh, thành hâur thax tsav faz Nam li: Bình Dương thiêz TP HCM tsi yuô uô đrux ntov têx chei, cui tinhv txưr sơưr đơưk muk lol, yênhx cxênhz lênhx pêx xênhv Sơn La zos nênhs lox tôngv muk hâux lưv đêz ntơưv chor tỉnh no tưz siz zâuv cheix yêz meir lok tas yênhx cxênhz cêik cêr chiê lok tsêr. Chor Công an ntơưv qơư tưz hu zâuv ntâu lênhx nênhs muk uô hâux lưv paz txeik tok têx pêx xênhv muk uô nox đêz ntơư thâuv lơưr lok txos hâur thax tsav qơư.

Hmo xiêz 06, tas cik sơưr nzor hnuz xiêz 07/10, muôx yênhx puô lênhx pêx xênhv txix thax tsav muôx moz tsênhv lok trâu hâur tỉnh Sơn La đhâu têx huyện li: Phù Yên thiêz Vân Hồ. Canr bôv, chiến sỹ Công an Sơn La tưz uô hâux lưv iz hmo tsi so hlo chiê pheiz têx nduôr, zav nox trâu tsôngv pêx xênhv đhâu thâuv lơưr muk cêr đêz lok txos hâur qơư nhoz. Đại úy Đặng Anh Tuấn, canr bôv Đội Zoz thôngz sôr 1, Phongx Cảnh sát zoz thôngz, Công an tỉnh Sơn La heik: Canr bôv, chiến sỹ công an Sơn La heik cxuô thiêz chor lưv lươngv Cảnh sát zoz thôngz, Cônga an tỉnh Sơn La heik taz, zuôr sir jos paz tsôngv pêx xênhv lok hâur thax tsav qơư cov truôx tuk thiêz zôngx ziv.

Tas nro têx lênhx pêx xênhv Sơn La muk txix TP HCM thiêz chor tỉnh li: Long An, Đồng Nai, Bình Dương lok puôr lênhx tâu seiz njuôk shuôs caz moz Covid-19 tsi tas nhiêx txiêx. Thiêz chor nênhs muk txix faz Nam lok hâur Sơn La puôr lênhx tsuv tâu cêv kuôk 14 hnuz chiê sox seiz đas jos, njuôk shuôs moz Covid-19./.

 (TTTB-Riê Lâux cxeik, nhênhv)